【少甜】我是他的常餐情人

有冇試過喺錯嘅時候遇見錯嘅人都奮不顧身？
有冇遇過一段明知無益但食落又味道唔錯，繼而周不時會掛著掛著嘅關係？

無一種快樂能夠一直落去。
咁我哋快樂過就好，好嘛？

一個普通OL同男上司嘅故事
係紙言出咗一段時間嘅真人改編故，本人寫嘢唔叻兼慢，呢邊會一邊更一路重製。

劣製版可以上紙言睇住先:
https://www.shikoto.com/i/0Iq

仲未有文?

無文都好意思學人開post?

第一章
我望住佢忙碌嘅身影，戰戰兢兢咁send出msg，雖則平時OT都有閒聊，但私下msg唔知佢介唔介意我工事以外問佢無聊嘢呢？

「喂~你上次咪話公司附近有間野幾正？可以俾openrice link我？」
「做咩？想約我？」之前一齊做嘢嘅時候佢提過幾次想飲嘢，我仲以為佢講笑~
「朋友生日想搵間得意野慶祝姐..況且你咁難約」
「俾張快籌你，就今晚試菜？」
「又得姐，你收工未？」我欣然答應，早知道收工就去補個妝啦！

最後約咗喺佢屋企附近，我急急坐車去到相約嘅地方，男神Issac係公司同我地合作過幾次Project嘅隔離DEPT阿頭，跟住佢做嘢會有一種好放心嘅感覺，合作過幾次之後，間唔中lunch撞到佢都會叫我一齊食，佢有啲似我以前鐘意過嘅一個男仔，不過可能佢大過6年，比起記憶中嘅佢要更加成熟溫柔，
佢係全公司公認嘅好好先生，或者可以講係中央空調，唔知道佢之前話嘅飲嘢係客套定係有心約，不過其實我今次都有心試下佢平時對我嘅關愛係咪我諗多咗。

夜晚嘅旺區好多人，行喺佢旁邊佢好自然喺人多嘅時候會搭一搭我膊頭令我唔會撞到人，有一下無一下嘅接觸忽然之間有種青澀嘅心跳感。

喺我面紅心跳嘅時候，不經不覺已經行到去食嘢嘅地方，佢有打去留檯所以我地都好快可以落坐。之前都係同公司大圍出去食，除咗lunch食快飯認真單獨食飯都係第一次，

佢問過我有無咩戒口之後都好快落咗ORDER，
係咪同大過自己嘅人一齊~就會咩都有人幫自己安排好曬呢？呢個感覺似乎唔錯。

「上次個project有你地dept幫手好順利，飲杯慶祝下先啦」Waitress擺底一杯用茶做Base既酒喺我面前，佢拎起佢果杯講。
「我地DEPT嘅人有時會比較直接啲，你地多多包容，同埋多謝你教我嘢啊。」佢係隔離DEPT既Director，有好難得地無咩架子肯教人做嘢，
「咁啊,點報答我先?」佢笑住咁問，佢原來解開左粒恤衫鈕，忽然令我留意到佢起伏既胸肌紋路。
「我請飲嘢囉咁。」我胡亂咁應佢
「傻啦，今餐話咗慶功既嘛。」佢輕輕摸咗下我個頭。
「你係咪住喺港島，咁下次帶我去食好嘢啊。」佢漫不經心咁講。

我胡亂答好，然後目光有啲唔知點擺咁擺咗喺佢杯野度，
「你試唔試啖我呢杯？」佢講完有啲尷尬地R咗下頭，
「你下次可以介紹多幾款俾朋友。」
我都尷尷尬尬咁拎嚟試，留底咗一個好淡嘅唇印，
佢若無其事咁就直接係同一角度飲，原本容易飲酒面紅既我塊面更加㷫。

「早知我早啲約你啦，不過唔洗陪你條仔？」喂先生，你咁樣問係咪有啲犯規..
「呢度都有條仔要我陪。」我指一指佢。
「咁你夜返屋企，屋企人唔理你？」忽然間佢又一秒變翻大哥哥。
「佢地都夜返唔會理我。」

第二章
「咁你夜返屋企，屋企人唔理你？」溫柔既大哥哥mode on，呢個時候嘅我，點會諗到呢個大家所謂嘅暖男都可以好無情？
「佢地都夜返唔會理我。」
「咁唔好返住啦。」佢試探性地講。
「咁你諗住帶我去邊？」佢聽到之後嘴角微勾。
「跟住我咪知~」
「你要教壞我做老泥妹..」飲咗酒嘅我有少少想嗲佢
「咩嚟嫁？」
「咪唔返屋企嘅女仔囉。」呢一刻我覺得自己有啲痴線，又好想知佢聽到有咩反應。

佢摸左我塊面一下，原本坐係半圓形梳化兩頭嘅我地，而家大脾貼住大脾，
「咁紅既你塊面？」佢隻手摸上我塊面有種冰涼嘅感覺，令我情不自禁咁揩咗佢隻手一下。
溫燙嘅觸感傳到佢手上，佢用指背輕輕地掂左幾秒，用手指輕勾我塊面令我同佢對望，唔知係咪幻覺，我地塊面好似越嚟越近。

喺我怕醜到頂唔順低下頭前，佢好似觸電咁放開咗我，隨即搵人埋單。

「有啲夜啦喎，不如走？」佢低聲問到。
佢若無其事咁同我並排行，由於飲完酒，比起來程既路多左好多身體接觸，一時又摸下我個頭，我又拍下佢咁，時間好似返到去之前為左project 一齊ot嘅日子。

仲記得有一次，啲人走晒淨底我同佢對資料，
「喂，I..saac..」佢轉個頭過黎，我先發覺大家既距離好似太近，甚至，唔知係佢轉過黎既空氣流動輕輕掠過我嘴唇定我地有一秒兩唇相交左。

氣氛靜得黎有d尷尬，我搞埋d手尾交俾佢
「喂..我做完野走先啦。」夜晚既Office，經典言情小說情節，係醞釀曖昧既最佳地方，我功力未夠，都係唔爭氣咁逃走左。

「我送你落樓？」終於發完呆既佢回過神，佢其實都幾gentleman。
公司Lift其實都幾細，落到下兩層一大班人入左黎，我同佢都逼不得已半貼住咁企。

呢個時候，又有兩個人入左Lift，我逼不得已咁更加向佢貼近，面上已經開始微微泛紅。
著住高爭鞋既我加上佢微曲既腳，造就左絕佳既曖昧角度。

雖然我低下頭仍然感覺到佢既氣息規律地碰觸到我條頸。呢種酥麻令我更加係耳根通紅。
我一抬起頭就見到佢帶住笑意既雙眼，佢有一對略帶外國人味道既深邃雙眼，而呢對眼加上調情般既笑意我更加係完全失去抵抗力，更加上佢一邊手輕輕搭係我膞頭。
「你塊面同耳仔紅曬啊！」佢低下頭係我耳邊呼住氣咁講，嘴唇刷過我通紅既面頰。
我好似觸電咁瞪大雙眼即刻伸手掩住佢岩岩輕聲細語過果邊耳仔。呢個行為實在係有d過火。
叮！
仿佛係過左成個世紀，終於落到地下。
我急不及待咁逃走，
佢大步追上我，慣性咁拉我去佢身邊，同我好近咁面對面。
「你唔似咁純情wo，咁易怕醜既咩。」佢輕輕彈左下我通紅既耳仔，我又即刻用手遮住隻耳仔，
佢似乎玩上癮，居然又輕輕咁摸左我耳仔一下，佢轉過頭若無其事咁繼續行，幫我截的士。
「夜啦，翻到屋企話聲比我知！」佢又輕輕鬆鬆咁轉翻去佢個哥哥mode。
我坐上車，久久未能平復心跳，甚至整個車程入面，都唔記得打比應承左會係樓下接我既男朋友。

3
「有啲夜啦喎，不如走？」佢低聲問到。
埋完單出到去，我哋漫無目的咁閒逛，因為飲咗酒，對對方嘅肢體接觸都變得多咗，打打鬧鬧之間就行左去海邊，雖然微醺咁樣吹海風好似係浪漫，但秋天嘅海邊其實有啲涼意，我今日只係著咗短裙同薄絲襪，我都拉翻低恤衫嘅衫袖。
「額..你夜翻洗唔洗同屋企人講聲？」
「唔洗嘅,如果我無翻佢地會當我去咗男朋友度。」
「咁..你今晚要去男朋友度嘛？」佢有啲緊張咁問
「睇下夜唔夜啦..」我望向佢隻眼，
佢忽然除低件西裝褸微微彎低腰披上我身，向佢嘅方向輕輕一帶令我向佢個方向中咗埋去，佢乘勢攬住我，柔順劑嘅氣息撲鼻而來，我係度諗原來成熟男人嘅味道除咗古龍水仲有一種叫被人照顧得好好嘅住家味道。
「仲咁紅嘅塊面。」佢輕輕摸上面頰，指尖嘅溫度帶點微涼，然後低頭試探性咁錫咗我額頭一下，
我捉住佢手臂身體向佢靠近，但係唔太夠膽直視佢，明明知道但我同佢都係度踩鋼線，有啲嘢做咗只會破壞平衡，有微量嘅酒精做藉口又係咪代表可以亂嚟呢？
全世界都知道我有男朋友佢有女朋友，就算次次OT都得我地兩個獨處，同伴嘅關係就算親密少少都好正常姐，其他人眼中我同佢大欖都扯唔埋，更加唔應該擦槍走火。

「不如..」我有啲不知所措..
「我..嗯..你好似有啲凍，我送你坐車？」佢好快恢復冷靜，然後好似咩都無發生過咁準備送我，
行緊嘅途中，男朋友正好text我，我都索性同佢講今晚過佢度，好似係度強行提醒自己咩先係正確嘅咁。
我好容易對一個人有好感，連我自己都分唔清楚究竟係鐘意定係享受比人愛護既感覺，呢一切對一個單身既女仔未嘗不可，但，我有男朋友。

上到車收到佢msg問我幾耐先翻到屋企，到咗話聲俾佢知，我無再覆佢。
當我開門入屋既時候，男朋友岩岩沖完涼出黎，呢排公司都比較忙既我地，都有成2個星期無見面，
幾乎係一關上門，男朋友已經將我按係門上錫，迫不及待咁摸我，今日去見完客嘅我，著得比較正式，輕薄嘅恤衫好快比佢身上嘅水珠整到半帶透明，
「喂啊，我做左成日野好污糟啊。」我實在係無辦法係同另外一個人曖昧完無幾耐就接受佢既求愛。

佢解開我恤衫d前幾粒鈕，輕輕咁係裸露既肌膚上吸啜。
佢將我個人翻轉背對住佢，手已經輕輕拉起我條裙隔住絲襪摸我，佢深知我既耳仔同頸係極之敏感，一邊細細力咁咬我條頸，
一邊已經將絲襪拉左落黎，將手指伸左入去，
「咁快濕左既，係咪好想要？」佢惡意咁用手指抽插..
我回想起係的士上面臉紅心跳嘅感覺，更加迎合佢。佢拉開圍係身上既毛巾，一手拉開我底褲，略微粗魯咁後入插左入去，
佢細細力咁吸住我耳仔，但係我腦入面居然浮現左第二個人係我耳邊講野嘅情景。
完咗之後男朋友去咗沖身，我拎起電話一望，
「翻到屋企未啊?」10:50
我正準備覆既時候，又見佢輸入中...
「見到幾夜都好覆句到左啦！唔係我會擔心」11:40
「我到左啦（馬騮掩眼）。」
「快d去訓啦，做左成日野。」佢又變翻哥哥mode..
或者連我自己都無發現既係，佢短短幾句話已經令我嘴角輕勾，
始於酒精嘅情動、一場唔夠專心嘅激情、完事後迫不及待拎起電話種種矛盾情緒下而產生咗種唔知點面對佢同男朋友既感覺，只好草草完左個話題等佢唔好再覆。
過左一陣，我起身收拾雙腿之間既黏膩，然後默默地將電話熄mon..

話說見到紙言個view無端端多咗勁多，大家有咩意見可以係呢邊留俾我啊喂


————————————

第4章

自從嗰晚之後，我同佢嘅交流就只限喺Project Group，係公司唔同邊嘅我哋想要見唔到對方其實好容易，唔知道到底佢係後悔定點，我自己都覺得自己太貪玩太衝動，就將一個大家心目中嘅好仔拉入一個犯禁嘅局面，以後仲有好多一齊做嘢嘅機會，應該點樣相處..作為一個乖仔嘅佢又會唔會同我玩呢個遊戲呢？

唔經唔覺就到咗星期五，呢個星期連我都忙到唔記得去煩惱我同Issac嗰場唔知係咪錯誤既酒局，因為之前幾次合作同Issac嘅帶領，Project比起Target嘅進度要快好多，大家都諗住去食個飯慶祝，
「Denise我地幾個去打邊爐wo你去唔去？」隔離Team Martin問，佢同我同期入公司，係Issac嘅下屬，都叫做斯斯文文幾唔錯咁，平時有咩gathering都會叫埋我。
「梗係去啦！」我眼尾望到Issac行過，..
「喂你唔洗OT咩？」
「癡線啦Happy Friday啊嘛..」其實我之前出於私心成日都留底同Issac一齊做嘢，搞到好似好忙成日要OT咁，我啊頭見我咁抵諗都交多咗一啲需要同隔離Team對口嘅嘢我做，我同佢就係喺之前段時間慢慢熟嘅，
「咁就得啦！做咩成日係公司對住啲無聊嘢姐！」Sara，都係我個同期兼我拍檔，算係我公司最熟嘅女仔。

七點既前兩分鐘，我岩岩好做完Report，sd完email我就收拾d野準備走，隔離Team都蠢蠢欲動，向佢既方向瞄左一眼，居然發現佢都準備走，

「行得未？」Sara行過我個位叫我走人。
行出公司門口先發現都幾多人去，
「喂！我地兩條Team既老細都去wo，張單有著落啦。」Martin係我耳邊靜靜雞講。
「吓？Johnson同Issac唔係去左同女朋友撐枱腳咩？」雖然前幾次公司gathering都有人帶埋另一半黎，都唔係未見過佢女朋友。
「老細話見今日難得齊人不如一齊食喎。」
好地地食餐飯又變左公司聯誼，最煩既係佢居然都去。
「Denise?Denise?做咩發吽逗啊，唔舒服？」Martin拍一拍我叫我起行。

身邊既Sara同Martin係咁係隔離吱吱喳喳，我唔知點解有啲煩躁感。明明唔想對住佢先放工搵其他野做下消磨時間，點知又無端端無左個喘息機會。

打邊爐既地方就係公司10分鐘左右既路程，我半dup低頭咁行，眼尾睇到佢地team 嘅人同佢有講有笑咁，等我反應過黎佢已經行到我地面前，
「呃..Issac你今晚居然蒲頭嘅。」其實其他人都知道Issac幾錫我哋班後輩，我又之前同佢一齊OT，都唔可以扮唔熟，
「哦，見大家今個星期咁辛苦，你哋可以當我唔喺度咖我負責埋單嘅姐。」佢笑笑口咁對我哋講，好似一個親民嘅好上司，差啲令我覺得好似當日發生嘅所有嘢都係我幻想出嚟嘅虛妄。
其實我都幾想當佢唔喺度，到底呢個彬彬有禮嘅人定當日溫柔又撩人嘅先係真嘅佢呢，
「喂！你陪姐姐坐！不醉無歸。」我一手橋住Martin，或者從頭到尾都只得我一個無端端自找煩惱。
Martin好似意會到咩咁淡淡一笑，安排好座位，大家又嘻嘻哈哈咁開始傾計，其實唔出聲既人反而最心水清。

打邊爐個店面唔算大，我地一行人入去已經霸左人地3張枱，我拉住Sara，佢個fd Keith,Martin佢幾個坐埋一邊，
Keith係Issac Team嘅同事，健康陽光型偽ABC，同我哋都叫幾好傾，仲好似對我頗有興趣。成晚係咁係我旁邊撩我吹水，打邊爐飲咗兩杯我就紅到上面，酒過三巡加自己心情煩躁飲多幾杯。我除低外套，微微低領既裙已經足夠比Keith大飽眼福，佢都係咁望住我。
「Den，你就嚟走光啦。」飲得唔算少既Keith開始口沒遮攔
「係咩？」我拉一拉好個領口，見到佢更加眼前一亮。
「你望住我做咩啊~」半醉嘅我把聲帶小小嗲。
佢見我就嚟挨住佢，左手都若有似無咁輕輕搭住我。佢既外形的確係幾吸引亦都好識玩。
我地細聲講大聲笑，輕輕一望，發現Issac喺度望住我，比我發現左之後好尷尬咁另轉頭。
「唔理你啊！去洗手間先！」俾佢望一望我發現自己好似玩得有d過火，都係扮去廁所先。

死link?

可以上住penana先
https://www.penana.com/story/67453

支持 已經睇晒penana 期待更新

入戲肉了
————————————
第五章 
我地細聲講大聲笑，回頭一望發現Issac喺度望住我，俾我發現咗之後好又尷尬咁另轉頭。

出到去發現佢哋班友居然喺度玩大話骰，輸咗要真心話或者大冒險喎，而家啲gathering咁青春嘅咩，後尾Sales Team大佬Anthony都Join埋我地，因為我既職能都同佢傾到兩句，佢又係好玩得嗰啲，佢見到我就拉咗我坐喺佢隔離隊酒，

「喂Den，教你玩骰，輸咗幫你飲。」Anthony捉住我玩咗幾鋪，中間輸咗兩盤，佢罰我幫佢斟酒，一邊搭住我膊頭同捉住我手搖咁，睇嚟呢條友都有啲醉， 正準備起身走佬見到Issac行過嚟。

我窒咗一下，又俾Anthony拉住咗，無啦啦把口浪過油咁話我今日化個妝好好睇，鬼咩打咗半場邊爐個妝都甩甩哋啦，後來佢隻手發展到輕輕扶住我條腰玩仲上下咁摸，真喺唔走唔得，我抬頭一望Issac望住Anthony若有所思咁。

「喂放開我去洗手間先..」我幾乎係落荒而逃咁快步行出去，順便去洗手間整理下個人先，去完出黎發現佢挨左係廁所門口，我急急腳諗住快步行過佢，

「你又要翻去癡住Anthony啊，定係啊Keith？」做咩都唔到你管啦先生，
「佢哋唔啱你！」佢拉住我咁講，身上既酒氣混合左佢好聞既味道令我神迷，睇黎都飲得唔少。

「下，做咩姐，唔癡佢哋唔通癡你咩？」我哄埋佢耳邊問。
佢拉我行去人比較少既後門，火鍋店係樓上鋪，基本上行出去就係后樓梯，
「你唔應該咁，你都有男朋友啦」佢似係好困擾咁講，
「我癡邊個關你咩事先？」我開始口不擇言。
「鍾意俾仔圍，點解唔嚟癡我？」我不解咁望住佢，佢既氣息同我越來越近，係我未反應過黎既時候，佢雙唇已經貼上我。佢半帶懲罰咁係我唇上輾轉反側。手捏住我下巴，另一隻手係我頸邊輕撫，
「唔..」我完全失去思考能力，甚至因為佢恰到好處既調情輕輕呻吟左一聲，
大概有2,3分鐘之後佢放開我，微喘咁挨左係我條頸旁邊。

我側頭錫翻佢，隻手輕輕勾住佢條頸，令我地既身體更接近，甚至感受到佢下面係我腰間既跳動同佢輕輕既撞擊..呼息之間，佢同我既上半身已經緊緊貼合，透過輕薄既連衣裙我感受到佢胸肌既起伏，溫熱既氣息同大家微熱既體溫，提醒我再唔叫停，以後我地既關係就唔可以一如以往咁，維持住關心同事同曖昧之間既絕佳平衡。

係我腦裡面一團糟既期間，佢輕輕用左腳攝入我雙腿之間，裸露既皮膚同佢既碰觸令我心頭一顫，又手足無措地將腳移離，我原本圈係佢頸上既手由佢胸肌一直游移到佢腰間，再探入佢凌亂既衫角，
「喂..」佢抓住我隻手開口似乎想制止我，但低沉沙啞既聲線透露住佢既動情，

另一方面，佢又不由自主咁係我頸邊流連親吻。而右手已經由腰間撫上衣領既邊緣，我左手有意無意地掃過佢一陣頂住我既火熱，佢終於狠狠地揸左我幾下。

「唔..」毫不諱言，佢既粗暴恰到好處。佢意猶未盡咁用果度頂左我幾下，隔住幾層衫，佢惡質地貼住我下身來回移動。

「啊..」我已經怕醜到完全將個頭埋係佢膊頭..咬住下唇，生怕下身既動情會比佢察覺。
「..濕左？」佢帶住笑意咁問，我大大力打左佢一下。
「不過我唔想一陣條褲有噠水跡出唔到去，亦唔想呢個地方成為我同你既第一次喎。」佢講完錫左我一啖，摸下我個頭再幫我拉一拉條裙。

想問下每篇字數是咪有啲過長有啲難睇
————————————
第六章 我跟住佢得啦
我輕輕打左佢一下，推開佢行返出去。
我帶住下身黏膩嘅感覺行翻去Sara果邊。

Anthony已經同第二位女同事傾得如火如荼，我慶幸啱啱飲完酒塊面本身都係紅既，無比人發現異樣。呷左啖啤酒，望過隔離枱，佢又繼續自得其樂咁係度自己淥嘢食，完全不見異樣。望見呢個景象突然有啲失落。我同佢係咪再都返唔到轉頭呢？
冷靜完，我攞出電話，打開WhatsApp
bb 20:49:玩成點
bb 20:55:食得開心嘛？
虛應左幾句WhatsApp,見到電話剩返唔算太多電，我擺底佢係枱，自己一個開始自斟自飲。Sara坐左過黎
「喂，你啱啱同Keith好好傾咁，有興趣？」佢眼神充滿住興奮
「傻嘅你，佢係咩人你唔知咩」
「um，咁係既你d乖乖女」所謂嘅乖乖女，啱啱背住男朋友同人地嘅男朋友係後樓梯做埋啲不知廉恥嘅野，仲要樂在其中。
呢個時候Martin坐左過黎打斷左我思緒。
「Den，面紅紅咁，唔好飲咁多啦！」佢語帶關心。
「輕鬆啦飲啦喂。」
此時此刻嘅我只想麻醉自己，Martin眼中有d不明意義嘅光芒，我拎過佢個杯自顧自幫佢斟滿。酒酣耳熱，就係咁Martin同Sara同我三條友嘻嘻哈哈咁過左一晚，期間似乎有同Issac眼神對接過，仲有Keith過黎又講咗兩句話出嚟飲嘢之類，到臨走Sara已經貓貓地，Martin準備送佢翻屋企。

行出鋪頭，Anthony突然出現係我身邊話送我但佢已經醉左，佢搭住我膊頭，幾乎將半個上身都緊貼住我，
「下,我自己搭車得啦..都唔順路。」我只好扶住滿身酒氣嘅佢，飲醉咗嘅男人真係唔多好聞，
「你一個女仔返屋企我送你啦！」我偷偷地望向Issac，佢將Martin，Sara送咗上的士之後行過嚟，
「我幫你截的士，你住邊？」佢一手拉住Anthony另一邊手，出咗少少力拉翻佢去佢嗰邊。
「唔洗啦~Denise陪我~」Anthony又掙脫佢作勢要抱我，係咪我平時做錯啲咩令佢誤會佢好似擺到明想帶我走咁，
「Issac話送我啊..我跟住佢得啦..」我即刻閃去Issac果邊橋住佢手，個胸撞到佢手臂佢仲怕怕醜醜咁。

「哦哦..Issac迷死女啦..又好仔又有型..咁你“好好”照顧人地啦喎。」佢意味深長咁笑住講，我就話身為TOP SALES呢個人點會咁易醉啊，睇下佢幾清醒，

「嘔..」突然間Keith哥踎喺路邊嘔吐大作，Issac又要拉住Anthony，我係佢旁邊遞左枝水俾佢拍下佢背隻，
「哇..嘔..Den姐女中豪傑飲到而家都無事..下次..再飲..」佢嘔完都要撩下我講嘢，呢個時候Anthony哥終於上左車，
「下次淨係可以同我飲..」佢喺我耳邊講，

等咗好耐都等唔到的士又call唔到車，我哋決定去搭地鐵，上到車Keith半攤咗係櫈，我同Issac就挨係玻璃度，
「其實我都飲到頂住頂住..你點啊頂唔頂得順？」不過佢表面上又望落咩事都無
「我擺明係最掂嗰個啦其實唔洗送我，點啊洗唔洗姐姐送你翻屋企..」我一時口快快咁講，

「um..我屋企有人..」佢眸光一暗，但又好清醒咁講，講完個樣又似乎有啲後悔太直接。
如果你屋企無人呢？你會唔會叫我跟你走？呢啲未講出口嘅問句，我心知肚明答案會係咩，你幾想要我都好心入面總會有比我更高嘅順位。
我拎出電話扮睇msg，
「你真係唔洗我送？」佢見氣氛尷尬追問到，
「唔洗啦，我有需要嘅都會有人接我。」既然你扮清醒，咁我都無謂好似好唔要面咁再主動講啲咩，我自己行去Keith對面嗰排櫈坐，又過多兩個站，佢同Keith都要轉車，佢好尷尬咁橋住Keith同我揮一揮手bye bye。
 

第七章 用左一半既時間走神
前腳踏入屋企，電話就傳來嘟..嘟..嘅低電量提示，突然提醒我電話尚有幾個我唔想面對嘅信息，

bb: 又話打比我？
bb: 返左屋企未啊？

Sara:喂最後邊個送你咖！！翻到話我知！

Issac:對唔住

我望一望佢send黎嘅時間，啱啱係轉車之後無耐。睇嚟，離開咗我嘅視線令佢突然開始反省我地嘅荒唐事，究竟佢覺得自己錯左、件事錯左定我同佢既關係都係錯呢？呢句對唔住甚至無任何emoji同標點符號，真係令人無從稽考，又或者情況比我想像既好得多，至少佢無選擇性失憶去逃避呢件事，我又忽發奇想，或者佢翻到屋企，會急住將由我撩撥起既情慾發洩係第二個女人身上。我眼光落係男朋友send嚟嘅message，奇怪地，我完全無罪惡感。

我係對話欄打上 「無啊有啲wing，我訓啦。」然後熄機沖涼。

 第二朝起床，個頭好暈然而望一望個鐘先8點幾，我起身較返鬧鐘但再都訓唔著，我打開whatsapp，發現佢最後上線係5:06，我又不禁諗起佢句對唔住，男人就係咁，永遠衝動做完錯事先道歉，唔知佢句對唔住代表啲咩，我淨係知道，無論如何我同佢之間曖昧嘅平衡不復存在。

我行入廁所，準備沖涼，望向塊鏡先發現頭髮遮住既位置有一塊極之淡色既咖喱雞，我輕輕摸上去，諗起佢掠奪性既熱吻同純熟既挑逗，我放左一缸水，滴上幾滴精油，諗住放鬆下心情，門外傳黎輕微嘅鑰匙聲，應該係我屋企人醒咗準備飲早茶。

重甜警示
忽然有人開門，屋企人原來飲茶前放咗男朋友入門，拉開門發現我係度昏昏欲睡，佢輕手輕腳咁抱起我，放我去張床度，其實係佢掂到我果刻我已經微微醒左，呢一刻突然好想要一種充實既感覺。

佢錫左我一啖，我雙手橋上佢條頸回吻佢，再將佢上身衫既扣一粒粒解開，再慢慢摸落佢下面，除左佢條褲，佢雙手撐係我頭兩側，我身上面既毛巾早已鬆開，佢下面都變得好精神，我將佢下面拉去我下面一下下輕打穴口，整出啲好淫蕩既水聲，佢埋頭係我個胸度，一手渣我，再細細力咬我乳頭，

「B想你插我啊..」我微喘咁同佢講

「要大大力屌入去定細細力？」佢自己用手渣住死都唔入，用個頭入左小小又掹翻出黎，

「要好大力..」我講完咬住唇望住佢，佢好大力咁頂左入黎，

「今日咁多水既..」佢捧高我patpat好大力咁插我，我瞇埋眼，幻想Issac喺度好大力咁插我揸我，我回想佢身體既溫度幻想同佢緊緊結合，

「好舒服..要入d..」我自己搖動條腰令佢可以隊得入啲，
佢一手抱起我將我個人掉轉再後入我，我趴係床度，一隻手摸上胸度玩自己乳頭，佢扶著我條腰減慢速度，每一下都隊得好入，然後貼住我patpat郁，又突然加快速度，扶起我好快好大力咁插我.
「啊..唔好..」突然間我腳一軟開始夾緊佢抽搐。

我原本以為只有咁樣既索求先可以令我記住自己既身份，但可惜我用左一半既時間走神去幻想我同第二個人既纏綿。

餘韻過後，我伸手拎紙巾抹走胸腹上面既渾濁，我兩個中意毫無隔閡咁做，然後完事時就好似AV咁射係我個身度，佢會冷靜咁抽身，自顧自去清洗，就好似完事後互不相識，或者呢d就係老夫老妻掛。佢出嚟後我行入浴室，望住鏡裡面果個滿面春色既女人，諗起琴晚係Issac身下嘅面紅耳赤，個心不由自主咁有d忐忑，洗頭，化妝，打開衣櫃。

突然，想噴上平時大時大節先用果枝香水，瀰漫既花香，後調，係帶點攻擊性既pink pepper。

唔係返工日嘅我同佢，係屬於對方嘅伴侶，係公司嘅夜晚可以OT，可以諸多藉口留底見佢，可以名正言順咁坐佢身邊，星期六日就應該回歸翻正常嘅軌道，呢個似乎係對伴侶最後嘅尊重，所以我俾時間同空間佢等佢好好諗下。

第八章

星期一返到公司，我借啲意過去佢DEPT交嘢隨便望下佢，行過呢喃出一句早晨，佢唔理我，只係聽到佢越發響亮既打字聲，我決定採取敵不動我不動既策略。
 10點一到，又係開會嘅時間，同事們魚貫而入，我同佢都急急行入房，但又係走廊度擦肩而過，

「喂，Keith哥望住你。」Sara從後撞一撞我

我拉開櫈係佢斜對面坐低，同Issac視線碰上，又各自心虛地閃開，呢個人連出現喺同一個空間都可以影響我，到佢出去講野我終於可以呼出一口氣，放鬆緊繃嘅神經，亦可以肆無忌憚咁打量佢呢個人，佢深邃明亮既雙眼，曾經充滿戲謔咁望住我，柔軟嘅唇，曾經係我雙唇輾轉反側過，雙手..我搖搖頭，啱啱自己就好似個癡漢咁望住佢流口水，我抬頭，險險捕捉到佢既笑意，啱啱咁傻仔嘅動作應該全部落入佢眼底。
 
星期一本來就唔係比我地咁得閒胡思亂想既日子，忙碌中又過去左大半日，聽Martin講佢亦都忙住照顧新同事，新入黎無幾耐嘅Cass，名校出身長腿港女，原本都好中意癡實lssac既佢，上次無去到我哋個飯局，今日聽到佢又話得閒再搞一次喎。

唔知係咪佢無同我溝通既關係，我覺得每一次佢過嚟我呢邊搵唔係我嘅人都好討厭，既然今日人地唔諗住同我攤牌，我都費事留係公司督眼督鼻啦，收一收檯面既野，就諗住去洗手間執一執個樣走人，出洗手間既時候我離遠見到佢既身影行緊過黎，但好明顯地佢係度逃避我，又再次擦身而過。

如果你要做劊子手，咁可唔可以比我痛痛快快一刀。我苦笑，一切就好似我飲醉之後既幻想，只有WhatsApp既對話，提醒我佢可能根本無打算同我認真，醉酒係最佳既認錯藉口。佢話，唔想係果d地方同我發生關係，係咪代表佢對我都有一絲慾望，係咪如果唔係果個地點出面又有咁多人，我地就可以將錯就錯？ 

同男主入戲肉

我行入𨋢，心諗不如早啲收工，只要唔OT我就唔會同佢有獨處嘅機會。

‘叮’門開左，停係open area果層，我望出去，由於收工時間都唔會有人係呢層。

一雙熟悉既手拉我出去，

「我地傾傾。」佢把聲有d低啞，我望住佢，佢拉我入去某一間房，將我推係墻度好溫柔咁錫我，忽然有啲委屈，點解我永遠都拒絕唔到佢既任意妄為，我想推開佢，佢用手抓住我，舌尖探入我口腔，我主動同佢交纏，因為好似第一次拍拖咁，佢錫到我成個人軟曬仲令我微微地濕左，大概係一兩分鐘後，我推開佢望住佢，

「先生，你究竟想點」可能我面紅個樣一d說服力都無，佢將下巴抵喺我頭頂，

「你係咪鐘意我？」佢問我，係聽到既瞬間我蓄謀已久既眼淚跌左落黎，

「我..無..」手一鬆，手袋啪一聲碰到地下，我承認咗又如何？對我哋段關係唔通又可以定義到啲咩咩？

「琴日你同Keith咁，唔知點解我望得好唔舒服..」

「就連你同Martin飲酒都唔鐘意。」我用手環住佢寬厚既背隻，

「你琴日要趕著翻屋企交人..」我督一督佢心口

「唔..」佢又偷錫左我一下，

「喂..」我諗住警告佢，

「又唔係未比我錫過..」佢個樣笑得好衰..佢突然間抱實我，下面係我條腰度彈下彈下，我隻手摸落去，

「咁多手既你..」佢抓住我，

「咁咸濕既你..」

「男人見到想要嘅女仔咁樣唔係好正常咩？」佢隻手摸上我個胸度，佢將兩邊胸夾埋一齊，個頭隊左埋去，

「一直都好想咁樣玩你個胸。」佢把聲沙沙地好sexy，佢將我個bra推高，手指公係我乳尖打轉，我隻手從佢褲頭伸入去，摸到佢熱辣辣既下面，

「好似好大..」我摸上佢前端已經有啲分泌物，

「咁要唔要試用下？」佢隻手都侵入左我衫裡面，直接用手指夾住我乳頭揸我，

「唔..佢好似都好想要..」我揉搓佢下面..佢拉高我件衫，揭高我個bra玩我，一隻手係裙底隔住底褲捽我，

「點解你唔打底既..」佢用把好淫蕩既聲係我耳邊講，粗長既手指從底褲既旁邊伸左入去，

「好濕..」佢手指好輕易咁插左入去，一下下咁指插我，

「噠..嗒..」下面滴出黎既水搞到連我大肶都有，對住佢，好似特別容易濕，佢將我拉去旁邊張枱，輕輕按低我個身趴係張枱度，佢拉開小小我條底褲，從後好大力咁插左入黎，

「啊」佢趴係我身後抽插我，伸手拉住我其中一隻手，一隻手扶著我條腰加快左速度，

「啊..好快..」佢粗長既下面有時頂到我子宮，隨住佢抽插，我心口兩團肉上下咁跳，佢見到伸手去好大力咁揸..下身減慢左速度..變左係裡邊慢慢咁磨..反而令我高潮左。

我喘住氣令轉個頭望佢，佢翻轉我個身，一邊錫我一邊再插入去，佢突然好快好快咁插我，然後掹出黎，射左係我肚上面。

佢攬住我，力度大到好似要將我嵌入佢身體，時間仿佛係呢個時候停左，我將頭埋係佢頸窩，佢個頭靠係我頭頂，纏綿得好似交頸鴛鴦，更似唔愿面對世界既駱駝。走到咁既地步，頃刻間，已經註定要傷害4個人。

第九章
————————————

佢從褲袋拎出紙巾比我抹乾淨，自己都整理好衫。
「我..出去先？」佢指一指門口，我都拎起手袋準備走，

「我嚟緊呢幾日會喺Event果邊睇住唔係香港..」佢出門之前講咗一句。

呢個星期又係忙到頭昏腦漲，我連續OT到1，2點嘅日子已經持續咗幾日，

「聽晚食個飯？」星期四晚我忽然收到Issac嘅Msg，

「我而家仲喺公司啊..唔知聽晚可唔可以準時走..」

「咁你食嘢未？」

「食咗個杯麵..」已經係12點幾，幾個鐘前食嘅嘢都一早消化曬，唉都係唔好諗咁多啦啦林做完走，

過咗一陣，突然有隻手係度摸我個頭，我抬頭一望以為自己眼花..

「點解你會出現嘅！你唔係未翻嚟咩！」我幾乎想撲埋去，  呢幾日我幾乎一靜落嚟就會諗起呢個人，但又知道佢好忙，唔知應該用咩身份去煩佢，

「我估有人會肚餓嘛。」佢拎出糖水同燒賣，幫我拎咗張廢紙將佢鋪開，趁住旁邊無人我偷偷地錫咗佢面豬一下

「點啊，仲有咩未整完？我地一齊搞埋佢？」

「我差小小對埋就ok啦~」我咬住粒燒賣同佢講，

「搞掂！」過咗3,4個字我手上嘅嘢都告一段落，望一望佢原來撐住個頭釣緊魚，舟車勞頓佢肯定好攰，佢身邊仲有佢隨身嘅行李袋，睇嚟無翻過屋企，我call完uber拍一拍佢，

「喂我call咗車啦，應該就到樓下，我哋行啦」佢好自然咁攬過我膊頭，抽起個袋行咗出去，我望一望另一邊佢嗰team所在嘅位置仲著住燈，呢條友居然一啲都唔避忌，

落到公司樓下，我準備上UBER嘅時候，佢部的士都到咗，我地就分道揚鑣。

「翻到去話我知。」

「啱啱真係唔想俾你走。」過咗兩分鐘佢又send嚟，

「你次次都話唔俾我走又送我上車嘅啦。」

「我怕你唔想嘛。」

「咁下次唔好再送我走啦。」

「咁聽日照舊食飯？」唔通佢星期五都唔洗交人？

「我睇下啲Job 進度先。」

佢無再覆我，可能翻到屋企太攰，又或者費事俾佢見到太多奇怪嘅對話掛，咁我都應該知趣地唔再講啲咩。

「Arrived」較鬧鐘，卸妝沖涼。
 

第十章

到第二日，係佢嘅幫手之下我地team做嘢嘅進度果然快咗好多，到差唔多收工，我都搞掂咗手頭嘅嘢，拎起個袋仔準備補妝，

「BB,我係你公司附近見客啊，食飯？」男朋友Tony成日都係咁，成日臨急臨忙咁約我，就好似我隨傳隨到除咗佢就唔會有其他節目咁，

「唔得啊，要OT」

「食個飯再翻去OT唔得咩？」係咪一齊得耐嘅情侶都會咁，以為自己嘅安排係一片好意，如果佢OT我會希望佢快啲做完可以好好休息而唔係食完飯仲要翻去OT，究竟係我諗法奇怪定我對佢已經無咗耐性呢？

「你成日都係咁炆水先話食飯，我都有自己嘅嘢要做架！」我有啲懆咁覆完佢。

「ok」fine，佢又嬲咗，咁我補妝去街。

我哋約咗喺尖沙咀見，係K11揀咗間野坐低，
“叮叮”“叮”今晚佢要覆嘅MSG好似好多咁，

我地叫咗嘢食，叫咗兩杯手工啤，又交換嚟飲下咁，時間好似一下子翻到去上次我地果場奇怪嘅酒局，

「我地早啲走去行下？」我點頭，其實我地大家都知道，呢個飯局最終嘅終點係去邊，以我同佢嘅關係，其實都無必要咁多掩飾。

行行下我哋又好無聊咁行咗去海邊，傾傾下居然傾到佢啲舊情史，佢話當時個女仔因為同男朋友有問題所以同佢一齊，當時佢都係個小毒毒就咁樣俾咗第一次個女仔，佢話諗翻其實都幾回味喎~因為個女仔都幾正，睇唔出呢個人平時好似好乖仔咁，原來對於做第三者佢一啲意見都無，傾傾下又講到我啲舊情史，講到以前自以為是將人哋食慾當愛情嘅慘痛歷史，行行下發現我哋好似同一個地方兜咗兩三次，我見佢拎出電話擺弄咗幾下，逕自向某個方向走去，我好奇問到 我地兜嚟兜去係去邊？

「去我今晚訓嘅地方。」
佢拖住我隻手行，行咗大概5分鐘，
我地入到房，我有啲不知所措咁擺底袋，佢鎖好門行嚟我身邊，好似好熟門熟路咁，佢錫咗我一啖就話去沖涼先，然後就係我面前除衫自顧自咁行入浴室，
我腦入面一片空白，我遠遠地坐咗喺房間嘅梳化，望一望電話象征式咁睇一睇男朋友嘅對話框，發現佢一個MSG都無，或者天都默許我去做壞事吧？

上次係公司發生得太快，都完全無時間俾我怕醜，等待佢沖涼嘅時間就好似一個世紀咁長，佢出到嚟見我呆咗喺度又行過嚟抱咗下我，

「er..我都去沖涼」我推開佢，放低電話走入洗手間。

第十一章

我係洗手間一直問自己係咪真係要咁做，顯然地輕易得到男神嘅快感已經蓋過我既罪疚感，我將輕薄嘅外衣除低，刻意鬆鬆地將一頭長髮扎起，再細心地沖洗自己，好似一個準備步上神壇嘅祭品，趟開門，我見到佢好貼心咁熄咗燈，拉起張被嘅一角等我，我圍住毛巾走出嚟， 行上床背住佢拉高張被，

「仲咁怕醜嘅？」佢喺我耳邊講，輕輕從背後環抱我，修長嘅腳一纜變成居高臨下咁完住，佢試探式地輕吻，碎吻落喺額頭、鼻尖再將嘴唇擒獲，手掌順住腰線摸上胸前，好似好小心咁輕輕收攏，

「你唔講嘢我就開始架啦，嗯？」連佢把聲都帶住無限嘅溫存，我喺黑暗中點點頭，佢低頭咬住胸前嘅重點，喺上面製造出既痕又有微痛嘅感覺，佢愛不釋手咁玩我個胸，將佢揉搓成唔同形狀，

「你每次烏低身做嘢唔知有幾多人想咁樣玩..」佢用力地揸咗幾下令我發出輕喘，再將佢地向中間推夾出一道深坑，佢拉起我隻手摸佢下面，我自覺地套弄佢用掌心好似扭樽蓋咁搓佢龍頭，

「嘶..」佢喺床邊拎起個套嘅包裝拆開，好似好笨拙咁仲差啲套錯方向，我偷笑咗一聲

「你一陣就知死..」佢拉開我隻腳，摸到下面已經準備好，象征式咁摸咗幾下，就扶著對準插咗入去，因為我本身就好易濕佢幾乎係長驅直進，佢好純熟咁一手揸我，嘴唇輕輕係頸同耳邊流連，好似要補償之前倉促地係公司做果次咁，佢緊緊地抱住我，好似想將我陷入佢嘅身體，令我一次又一次咁叫到沙啞，腿間好似殘留住佢嘅形狀，

佢喺我身上翻身而下，清理後翻到床度隨便拎咗紙巾幫我抹，然後熟練地攬過極度怕醜嘅我，

「 你今晚唔走啦係咪？」佢開口留我，未諗到嘅我無理會佢，
「成日問我啲情史，咁我係你食嘅第幾條仔？」他帶着溫存地輕點我鼻頭地問到。

「你估下？」「10？5？」我原來咁似經驗豐富嘅女仔，又係嘅咁輕易得到，佢一世都唔會知道只因為佢係佢。

「恩..唔好話我聽係更少」 我自己知道，他或許係特意講大數令我禁不起挑釁講實話，我應該掉低一句關你咩事但我都係誠實講咗，可能數字愈細佢成功感會愈大吧？

「咁你以前有過幾多個sp？」原來我地咁樣都只不過係SP，咁你之前扮咩呷醋？

「有過一個，不過嚴格嚟講唔算係，嗰個係我ex」我怔住然後輕鬆地微笑答佢，

「咁你呢？」「我未試過呀，不過有ons」

「咁，忽然間有個sp係咪幾新奇」我只能扮作毫不在乎咁任由佢定性我地嘅關係。

「今晚係度訓嗎？」點解佢唔需要翻去交人嘅呢？不過扮撇脱的話應該唔留低吧？

「不了，你訓著我就走。」  知趣而不需負責的sp。  原來只消一句話，所有的綺念都可以一掌拍散。我仲係度幻想叫我留低嘅佢，為嘅不只係一時半刻的溫存。 我以為，他能夠俾我嘅不止咁樣。我無數次問自己佢咁樣嘅人點解要俾我拉落水玩個咁樣嘅遊戲，到底係一個順風順水嘅人乖夠咗又有個女仔送上門所以唔食就罪大惡極呢？

第十二章 親吻是多餘的東西

耳畔傳嚟佢輕微而規律既呼吸聲，呢個星期佢四圍去做嘢仲要琴晚返嚟陪我，應該都未休息夠。

每次我完事後都總會想要一個親吻或者擁抱，我討厭被人用完即棄嘅感覺，男朋友老夫老妻唔能夠過分要求，而面前呢個人，對SP親吻只係多餘嘅步驟。

我自知唔能夠任性地去抱住佢，好似對住名正言順嘅男朋友咁去渴求佢嘅溫存，我從佢手臂輕輕咁退出嚟，訓喺另一個枕頭上望咗佢一陣，再輕手輕腳咁掀開被落地，著衫離開。

我以為第二朝佢會搵我，但原來佢個聖人mode可以keep幾耐下，一直到星期日、星期一朝早開例會，佢都無同我私底下講過嘢，佢如果想的話，可以連交接兩邊DEPT 嘅嘢都完全唔提及我，佢係一個領導者，甚至喺我同佢嘅關係上主導權都喺佢度，衰啲講句我都只不過係一個盲中中撲上去嘅𡃁妹。

下晝見佢行過嚟嘅時候戴住口罩，我又忍唔住想關心下佢，
「唔舒服？」

「少少攝親姐。」佢好快就覆咗，我等咗一陣見佢冇打算講其他嘢，

「果日我走咗冇起身著返衫咩？」我係都要迫佢面對，

「um⋯係呀訓到天光。」

「點解唔留低？」

「你好似好攰咁，嗰日又仲好早」

「仲諗住食個早餐..」我無辦法想像呢啲溫馨地一齊起身、可能嚟個Morning Q再食早餐係咩玩法，其實連呢種關係對於我嚟講都係第一次，唔知喺佢心目中，我呢個咁隨便嘅人係咪百人斬又要𧦠佢無經驗呢？

「咁不如，今個星期搵日陪我食飯？」

「食飯定仲有其他？」

「你想呢？」

「咁我book定房」

第13章 如果你係佢幾好

「不如收工飲杯嘢？」有一排無浦頭嘅阿熙突然MSG我，我口中嗰個唔算係SP嘅EX。

我同佢其實做朋友好過做情侶，有感情上嘅煩惱就約出嚟飲杯嘢吹下水，當然有需要嘅就餵飽下大家。不過自從佢有新女而我又有Tony之後我哋就變翻正常吹水friend，男同女之間嘅純友誼係可以存在，當然係撇除SEX呢樣生活需要以外。

上次同佢吹水仲停留緊喺男神姐Issac話約我飲嘢，然後因為男神有另一半俾佢提點過唔好玩得太過火，睇嚟都係時候要update下佢近況。

因為係中學同學嘅關係我哋住得ok近下，阿熙約咗我喺我地最近果間Bar Pacific，其實2,3年前嘅話我哋會直接上佢屋企飲，攰咗就直接係佢度過夜，不過可能佢條女check得緊啦我地都好有默契咁約咗喺出面。

我去到佢已經幫我叫埋嘢飲，其實我同佢上次見面都成大半年前，雖然平時都有MSG下佢都大概知我近況，呢段時間佢好似消瘦咗小小，著住件風褸睇嚟啱啱打完波。佢好知趣咁問我近排同男神點。

「er..我上次講到邊？」

「佢話飲嘢之後你哋有無約出嚟先？」佢好似個八婆仔咁，

「都有嘅..一個星期都會出嚟一次..囉」我講啲唔講啲費事咁快俾佢鬧，

「啊佢條女又幾好喎唔check佢嘅咩？」Issac條女係空姐，有時飛得密跑成2,3次先去Issac度訓一晚，佢又知道佢忙，基本上佢哋都見得好少。

「人哋見你仲多過條女，食咗未啊咁？」佢見我支支吾吾都知道唔係咁簡單，我點咗下頭

「都知你忍唔住啦，咁快手啊，等唔切俾人食啦。」佢把口其實衰到無人有，跟住我同佢簡單講咗下飲酒同打邊爐嗰次，再講咗下上次我地出去訓，

「你話呢，佢問咗幾次我留唔留過夜，是咪有咩特別意思啊拿？」阿熙呢啲業餘Player都唔知講嚟有無參考價值。

「乜唔係想第二朝Morning Q咩，不過你無留底叻女啊。」佢懶懶閒咁講，

「咁佢之後仲唔主動搵我，係咪後悔呢？定佢原本想同我好好發展但發覺我好似好易得手好隨便？」其實我都諗過係咪表現得太急進，

「唔好幫佢諗咁多嘢啦，佢都定性咗你哋係SP，搞完有咩好講姐，下次佢搵你你咪又係會仆到去。」我覺得自己都幾可笑，居然為咗個對我無咩意思嘅人不斷構想獨角戲，

「佢咁乖仔，係咪調整唔到個角色呢？」我唔死心咁追問，

「不如我咁問啦，佢對你有咩咁好令你念念不忘呢？」

「佢會陪我OT啦教我嘢、而且佢搞嘢都好溫柔好正..」

「你做我同事呢啲嘢我都俾到你。」佢好認真咁同我講

「你明知佢同女朋友好穩定仲想要求啲咩？你想做人條女？」

「唔係啊，我無諗過要搞散佢同佢條女。」但我好似有鋪癮咁會想勾引人哋嘅所有物，包括阿熙同之前條女鬧交，嗰幾次同佢上床特別有快感。

「咁你仲想要啲咩？你要搞清楚自己身份，有時男人對SP就係咁，唔會好似我咁搞完你仲同你平時食下飯出下街，佢只會餓果時諗起你。」

明明就係個player而家又無啦啦又咁認真，

「如果你係佢都幾好。」我感歎地講。

「我都唔知點救你，你完全中咗毒。」

當心入面嘅情感完全搵唔到方法去宣洩嘅時候，我會不斷不斷咁去搵朋友傾，但無論點傾都好，都係解決唔到問題，因為我同佢嘅關係只能僅此而已。

第十四章

原本以為同阿熙食飯會排解到一丁點煩惱，反而俾人鬧咗一餐，其實我明明知道講俾任何一個人聽都係同一個結果，問題嘅根源係一個我觸摸唔到嘅人手上。

到咗食飯嗰日，我同佢淨係講好咗尖沙咀會合，然後嗰晚我要OT Issac就先出發，冇幾耐之後就收到佢send嚟酒店嘅location同埋房號，我收咗工就急急腳趕過去。

上到去佢開門抱左我一下，我望一望佢光裸嘅上半身就知道佢已經準備好，我都放低嘢走咗去沖涼，我為主毛巾出嚟已經冇第一次嘅羞澀感，出到去發現佢已經好貼心咁熄咗燈，我圍住毛巾走過去爬上佢另一邊床，俯低身錫佢個咀，錫咗兩下佢已經好急咁樣低頭咬住我胸前嘅重點。

「係咪咬你先有感覺？」佢好似小朋友咁半舐半咬咁樣對待我，令我忍唔住輕嘆出嚟。

「唔..你整痛我..」我扮到唔鍾意咁

「但你明明鍾意我粗暴啲」佢手指伸入底底，發現我已經準備好，佢將我個身打橫瞓扮好粗暴咁擘開隻腳，扶正佢下面插左入嚟

「睇吓做兩下前戲已經夠濕俾我插。」唔知點解對住佢特別容易濕。佢一下插到最底，粗大嘅肉棒將裡面填補得完完整整，開頭有少少撐到痛，令我不由自主咁夾緊佢。

「唔..唔準夾咁實..」佢打咗下我pat pat跟住大力插。佢雙手扶著我pat pat 大力咁衝刺，偶爾會大力揉捏令我禁不住絞緊佢夾實係我體內嘅熾熱，係我收縮得越來越快嘅時候，佢快速咁抽插然後射咗。

佢將套除低，自顧自咁遠走去廁所清洗，留低虛軟嘅我喺床上面，佢行出嚟打開電視，捐入被好似冇同我攀談嘅興趣。如果佢食煙的話呢個時候應要拎出一口事後煙，有人話，男人食事後煙其實係為咗令腦袋放空，其實仲有一個作用係令旁邊果個唔知應該點開口講野。

第十五章

Issac係一個典型獅子座男人，對於想得到嘅嘢會想方設法咁去得到，對新事物好快上手，佢嘅興致亦好快消亡，係我太快被攻陷太垂手可得嗎？我見過一句說話，其實女仔最怕就係突然而又不負責任的喜愛，遇見得多就會覺得愛開始變得廉價。或許係佢心目中我只係配得上呢種廉價嘅好感。

我望住佢心不在焉咁睇住CCTVB，明明佢就唔係一個會睇埋呢啲電視劇嘅人，我望實佢等待佢那怕講乜都好我都會舒服啲，望到就嚟可以燒穿佢，佢又若無其事咁起床笠返件睡袍，我無辦法唔想像到底佢對女朋友，應該話未婚妻到底係咪咁，佢嘅熱情可以咁快消失，咁同佢一齊咁耐嘅啊嫂會得到啲咩，佢好似當我透明人一樣，過咗一陣佢見我一路眼甘甘咁望住佢，終於太唔自在地擰轉頭問我望咩。

「睇下你有冇嘢想同我講。」我期待又近乎卑微咁望住佢。

「咁你想傾咩」咁又係，我哋兩個除咗公事以外又有啲乜嘢可以傾？佢亦唔會有幾想了解我。

「你以前會同上完床女仔講啲乜嘢？」

「無架男人通常會訓返個回魂覺」佢仲拎起張被襟好，但正常嚟講係咪應該打開張被歡迎我呢？

「你今晚唔走咩？好夜囉喎」我都唔知道點解佢忽然咁冷淡好似想趕我走咁，我微微側身抱住佢條腰不發一言，過咗一陣就係佢準備掙扎開嘅時候，我落床執起啲衫入洗手間著，出到嚟默默拎起個袋回頭望咗佢一眼

「走啦？」

「仲唔走咩你都唔理我。」佢尷尬一笑

「其實做你條女應該都幾無聊。」係臨開門嘅時候我講咗一句，我唔需要留低聽佢嘅回覆，反正唔會係我想聽嘅嘢，我亦都唔係佢條女。

突然間有啲淚意，送自己上門得到片刻嘅溫存之後就知情識趣咁樣落樓走人，我仲幻想過呢種係好感係鐘意。

我諗住打俾阿熙，忽然間想喺佢身上攞到一啲那怕係一丁點嘅溫暖，不如用阿熙覆蓋佢留底嘅氣味，咁樣我或者可以安心入眠。

我祈求一個熱吻，卻沒有發生