純呻！真係好羨慕大家裝修得好好/埋到尾，我屋企裝修係12月開始，最後因為爛尾搞到宜家都未執完上手啲屎。個裝修老闆本身係以前同學，見大家都差唔多年紀諗住易啲溝通，點知出來嘅結果事與願違，仲飽受一肚氣， 搵佢包辦嘅全部嘢冇一樣嘢掂，最後兩次仲帶佢所謂個拍檔上嚟耍無賴，真係打個突。
首先開頭第一次落訂就已經比咗50%，我後尾同人地講開先知一來收50%係唔係好合理。不過當時因為大家同學關係就諗住信得過唔緊要啦。
我直接講重點啦：
1. 訂做C字櫃（鞋櫃門板彎曲，LED燈係白燈，之前又唔講，搵個大家咁後生嘅同學諗住思想接近，氣氛燈用白燈我真係覺得有啲… 唔識欣賞！）
2. 櫥櫃（櫃桶高低不平），收口求其那西
3. 浴櫃（爛板當貨賣、兩個門板有兩個窿頂冇封邊、裝完到宜家仲係好臭唔知係咪甲醛味？）
4. 全屋清拆油漆鏟底重做防潮油油
（牆身起浪/牆角全部唧膠唔識執灰/一條企角可以唧一半唔唧一半）
5. 砌地磚（協議2mm做出來4～5mm）
6. 砌牆（成幅牆斜出廳搞到度門框扭返嚟就），牆角又巒，又話冇問題
7. 牆身砌瓦仔（見光位戒到狗牙咁）
8. 裝門（門框扭曬一邊平瓦仔一邊突出嚟，賴返我度門要訂做先得，大佬牆又你砌，門SIZE又係你去訂，點解最後賴我買現成門唔訂做架呢？）
9. 做床（床底木板開唔啱size拱起曬圍邊又唔唧返膠；床頭LED燈要門口開，話好多人都係咁，仲要係白燈？）
10. 裝座廁（搞到塞咗，之後搵人上嚟整發現倒灌沖返啲英泥出嚟！）
11. 裝龍頭（佢搵人上嚟執油漆defect嗰段時間整花咗個龍頭，賴我有人送床褥家私上嚟整到！）
12. 裝洗手盤（居然咁大條gap比你跟都可以裝個高低出嚟）
13. 燈制（凹架，仲大大聲話冇問題，叫我有問題自己去原廠問）
總之全屋全部都佢包辦嘅係冇一樣嘢掂，最激氣嘅係，兩次上去開會傾都帶個野蠻大曬嘅拍檔上嚟，我話咁做點叫人收貨，條友一時話咁嘅價錢想要豪宅質素，我話如果唔夠價可以出聲， 唔係做啲返唔到轉頭嘅嘢交比我，之後就話有錢唔係大曬，一時一樣，其實論錢唔算貴我相信，但我覺得當初agree嘅價錢係同學叫唔收貴我， 但係冇話我知質素會打埋折架嘛！我真係係呢個group咁耐都未見過有人間屋搞到好似我間咁差，真係好唔開心，完全比錢買難受。。。。
個屋主真係勁撚慘 識著個唔熟唔食嘅舊同學
錢就收咗9成
畀幾十萬得到一間好似空間扭曲嘅屋
畀著我見到屋企咁都想喊 掣面板裝到咁衰都第一見
所以post上黎警世 希望唔會有人再中伏
??
遲d漏水漏電屋主就玩撚完
