覺唔覺飛夢映画高質過試當真好多

你覺得有邊條片 邊啲位係佢地表達唔清楚/fail咗 係fans ff出嚟先變咗好似有翻個意思喺度?
我真係諗唔出
反而睇人留言解釋翻啲好明顯既暗示 象徵性既野
就係咁喺度作者已死 作者已死 將條片本身已經表達咗既野講到好似係自己諗出嚟 好有聯想咁 根本喺度自high 以為get到人地個point就代表自己好有獨立思維
但係你講到佢地啲fans好勁咁
原來唔睇comment 唔睇人ff出嚟既野 就唔撚會明條片講乜? 咁睇片做乜 睇comment咪得囉 分分鐘表達得完整過佢條片啦係咪?

Sorry，我真係冇心機睇晒試當真所有片，最後睇嗰套係呢套：
https://youtu.be/V0-lUjlisF8

呢套我睇完真係get 唔到個主軸係乜。我唯有當佢係一套唔係幾好笑既笑片。但當你睇埋啲comment就會發覺基本上都係講啲支節野，冇乜人討論個主軸係乜。當然亦有人去"解釋" 片中隱藏既訊息.....

以我自己而言，如果要我揀睇短片，簡單直接既message一定優先過要估隱藏訊息既片，我認我係渣........

不過我覺得如果你係有訊息想話畀人聽，而結果係聽眾/觀眾都唔能夠輕易接收到，仲可唔可以話係成功呢？

搭單 有冇高手順便解埋呢套
https://youtu.be/2LX4mzu-Q4U

我真係唔啱睇試當真.......

巴打你整啲咁野畀我，我睇咗3分幾鐘（成段片既一半）都唔知自己睇緊乜野....... 睇完再睇留言，你依條片更加符合我講既情況..... 以前細個聽過一個用石頭就可以煲靚既故事........

真正本土澳門人就明飛夢講乜，
有睇過少少新聞都會明，
希望佢地加油，繼續做好，
廣告越來越多。
飛夢加油
真澳門人加油

飛夢淨係個老表都已經夠高質

試當真緊係比唔上飛夢, 飛夢 good.

牙子世一

條友講到自己條條都睇通透哂 問人有邊條唔明
而家又潛水

利申我係鐘意<試當真>既
但佢地拍既片有時真係走火入魔, 太空泛難以明白

飛夢直頭正啦, 抽水抽得直接

話時話澳門咁玩拉唔拉架

我覺得呢條片信息比較少, 而且主要目的係搞笑 所以基本上你見到既就係佢講緊既野
就係串緊有啲人做friend做到好賤, 開玩笑開得太盡, 踩曬人地底線都唔知/唔care (開頭去到中段係攞呢類人誇張化 加啲無稽既情節做笑點 當然你都可以覺得唔好笑)
而結局就係講緊 雖然呢類人西 但同時人好犯賤, 明知啲人係咁都繼續同佢做friend
所以就慘劇收場 俾人車死先識同人絕交

呢條講緊一個用愚人節做藉口騙自己, 令自己相信一啲delusion逃避現實既悲劇角色
成條片都係focus on佢點騙自己, 喺遇到啲令"自己喺冰島"呢個大話穿煲既野(氣溫, 海豚, 龍鼓灘) 都無視或者作啲理由去解析
直到啲friend直接同佢講翻真話佢都唔信
都係為咗逃避"自己仲喺香港走唔到"呢個事實

片中既事實諷刺緊乜野 呢層就無講到明
一係講緊疫情 出外要隔離所以無得去旅行
一係講緊將來俾中共玩殘, 香港人會越來越少機會走
而呢個解讀睇翻"香港人喺香港搵唔到食"嗰句 都唔係無可能

大佬我問 代表我有義務幫你解翻?
我目的唔係想prove試當真條條片都表達得好清楚, 好易明定點 因為我根本唔覺得係咁

有啲片的確係寫得無咁好 信息模糊咗
加上佢地寫劇本既style本身就無咁直接

而事實上亦真係有人喺comment幫條片藍色窗簾 作啲九唔搭八既野 呢類真ff係存在 大多數係開玩笑 我覺得可有可無

但呢樣野既存在 都唔代表一啲你稱為"fail"咗既片無本身想表達既野, 或者有人ff就會取代咗條片本身既信息
因為個message一直都喺度, 需要花時間解讀我覺得唔係問題
解讀既過程會睇到同appreciate到用另類方式表達個message 呢樣野都有思考同娛樂價值
只可以話style唔同 受眾唔同 我覺得係無衝突

巴打
對於你接收到既message我唔會質疑，其實係點醒咗我添。
以後睇試當真會嘗試直接用畫面同對白去理解。
不過正正就係同飛夢都係直接訊息，回應返個post主題，我始終覺得飛夢高質啲。