[懷舊]當年玩過既既中文RPG

見到不時都有巴打討論以前既中文RPG,所以自己都想分享下細個玩過既game

天地劫-幽城幻劍錄






直至而家,自己黎講印象最深刻最好玩既始終係幽城幻劍錄
無論劇情 場景 角色 音樂都無懈可擊,勉強要講缺點既話就係難玩,唔買攻略真係好難靠自己玩出真結局
例如係一開始條村入面有個細路女唔見左隻公仔,幫佢搵返既話會送粒類似波子既野比你
如果冇做既話就會引發唔到後面通向真結局既各種條件,而當中係唔會提示你呢樣係重要任務/物品
除此之外連一啲過關既解謎都有相當難度,起碼唔係比細路玩既程度黎
所以當年官方出既攻略係好賣過GAME本身好多,因為好多人都玩老翻(包括我自己)



軒轅劍參 雲和山的彼端




軒轅劍系列咁出名都唔洗特別講,而且講到經典一定會同天之痕一齊拎黎比較
個人黎講相比起天之痕,係比較鐘意雲和山的彼端
故事背景橫跨歐亞,由威尼斯到阿拉伯再到唐,威尼斯既濫殺異教徒,阿拉伯既怛羅斯之戰,唐既安史之亂,呢啲歷史重要事件都冇馬虎,每個地方都好有特色之餘重融入故事本身既劇情
可惜既係入唐之後明顯cut過劇情,趕住結局咁隨便打嬴撒旦之後大家講兩句都散水收工,成為呢隻GAME最大既缺點

軒轅劍參 外傳天之痕




軒轅劍系列經典之一
作為上面講既雲和山的彼端既外傳,故事發生係參既百幾年既隋朝
同雲和山相比天之痕比較多愛情元素,參比較重視故事上既衝突而同伴之間既感情交流係唔多
相反天之痕故事格局冇特別大,專注係陳靖仇 小雪 拓跋玉兒三人之間既感情
而且一直都keep到劇情水準,冇好似參咁最後失速趕收工,無論係故事定係愛情最後都畫下完美既句號

打住咁多先,諗到再講

天地劫 神魔至尊傳





天地劫系列既首部曲,故事既時序黎講反而係排最後
同時另外兩集半回合戰鬥唔同,神魔至尊傳係回合制既戰棋
而難度同幽城幻劍錄一樣都係難到仆街,係難到連初頭嗰一兩場戰鬥都會覺得難打
雖然解析度低,但戰鬥演出好有魄力,加上高難度同一堆唔查唔會知道既隱藏劇情,打起上黎真係要好用腦,每一步都計到好足
不禁令我懷疑漢堂整GAME嗰陣有冇考慮過比細路玩


天地劫 寰神結




天地劫系列既最後一作
老實講亦係唯一令人失望既既一集
正傳-神魔至尊傳 序傳-幽城幻劍錄 兩集之間有風格上既轉變,不過各方面都令人相當滿意,樣樣野都誠意十足,做出黎既效果亦都好好
而寰神結就相反,絕大部份既野都係繼承幽城幻劍錄,無論係戰鬥系統 當中既招式同裝備 場景 音樂 ,真係大部份都係冇點改過就直接拎黎用,新整既野/元素真係少之又少,話係續集不如話係一個另一個故事既DLC

雖然講到咁,但實際上同其他game比寰神結都算係高質素,只係因為少數問題導致同前兩作相比有一段明顯既距離
而繼承自幽城既各種元素因為本身做得好,所以照拎黎用其實都冇咩大問題
不過作為新作淨係用舊野,新野欠奉就好難令人滿意

戰鬥系統冇變,但唔知點解將遇敵率調高到pk,真係行幾步都遇一次怪
而且今集敵人既強度明顯變成唔特登升lv就好難打得過
重有大地圖唔再好似幽城咁精緻,整得有啲馬馬虎虎

而寰神結最大既缺點莫過於劇情
唔係本身劇情結構或者細節有問題,而係冇將玩家想睇既劇情整出黎
天地劫三部曲既故事時序係 寰神結(外傳)->幽城幻劍錄(序章)->神魔至尊傳(正傳)
實際上照故事黎睇寰神結係前傳,幽城反而係外傳
因為幽城對正傳-神魔至尊傳既影響好細,最多只影響你認識某幾個角色既身世
相反寰神結既結局就導致本傳既開始

簡單黎講就係女主角朧夜係最後受到所謂既名門正派逼害而死
決心復活女主角同時對名門正派恨之入骨既主角殷千煬決定諗方法復活本作最終BOSS蚩尤,就咁開始左殷千煬成為正傳最終BOSS既成魔之路

呢段過往本身係由正傳得知既劇情黎,所以玩家都特別期待寰神結既結局點樣演繹呢段劇情
但點知結局打嬴蚩尤之後就只係播片閃過幾個重要畫面,冇劇情演出或者文字描述就完左
就好似你睇完星戰前傳三集都睇唔到sky walker點黑化成魔一樣
所以縱使客觀黎睇寰神結算係一隻相當唔錯既game,但考慮到前作既話缺點實在太大
而作為最後一集同時亦變成左最大既遺憾

炎龍騎士團

果陣畫面算靚過超任

未玩過,但都係漢堂整

岩岩睇完老孫講天地劫既片

天晴傳 伏龍之章
細過果時好鐘意玩～

仲有幻想水滸傳2
又係好鐘意玩～

唔認同軒轅劍3正傳入唐之後劇情趕收工
因為故事入唐確實已經去到收尾階段
威尼斯(前)->阿拉伯(中)->唐(尾)
軒3故事成個主軸根本就係放係威尼斯同阿拉伯
話入唐劇情少係因為對比返前同中劇情太多先咁講

天地劫有出返手機
但大陸野

風雲天下會
最舊隻金庸
絕代雙嬌

幽城幻劍錄

2000果時無錢買

2010時大學見到買返黎爆機
好正

高登英雄傳 高登戰記

金庸群俠傳

新絕代雙驕2




個人黎講係新絕代雙驕系列最好玩既一集,唔知點解自己對3既印象好模糊
而且一開始都係玩左2先走返去玩1,所以更加深刻同埋feel到由1到2既改進

2代原創左花無缺既劇情,同時玩家可以每隔一段劇情揀小魚兒定花無缺既視角繼續玩,提升左花無缺作為雙主角既地位
除此之外重原創左同其他女角色既結局路線
小魚兒除左蘇櫻重可以揀張菁或者鐵心蘭
花無缺可以揀鐵心蘭 荷露(小說入面接近路人既侍女) 憐星
好彩我係玩game先開始接觸絕代雙驕,如果睇小說先一定會覺得寫花無缺鐘意憐星既編劇係痴線

至於場景 角色外形呢啲就好難同上面講既天地劫/軒轅劍相比
雖然話就話係用3D,但係戰鬥可以睇得出角色動作都好生硬,場景或者NPC既細節亦做得比較普通
即使係咁都依然有角色同故事搭救,畢竟有原作係度除左原創部份唔洗特別度橋
小說既BBQ結局亦都因為有各種原創結局豐富左好多,印象中如果冇達成某啲條件小魚兒/花無缺真係會死,再加上各個女角色既感情路線,完全冇哂小說入面趕住埋尾既感覺

總括黎講雖然未去到神級,但有趣既故事同角色,加上有心機既原創部份足以令呢隻GAME有相當唔錯既評價

講漏左,重有一點令我特別鐘意呢隻GAME
就係佢有廣東話配音,雖然只有一小段

幽城幻劍錄 我敢講一定係中文RPG頂級之最
可惜個知名度同佢好玩既程度唔成正比

呢隻霸劍霄雲錄其實整左好撚耐 大大話話五六七年都有
講真完全唔睇好

真心覺得幽城重好過軒轅劍,可能真係太難玩好想知道當年有冇人唔睇攻略玩

幽城唔睇攻略真係玩唔到落去

我 打左勁勁勁耐

當初玩到高昌古城（ 好似係呢個名）, 個迷宫諗到我頭都爆

https://youtu.be/XnV2yQH_oz8
首歌好聽

有冇玩過烽火英雄?

幻想三國志2同4

幽城當年我搵左好耐先搵到個dlc補完結局，可惜都係遺憾收尾

之後仲有 俠客遊：未來之書好好玩


另一隻好好玩既介紹係劍芒羅漫史
雖然係h game,但個系統整得好好玩，仲有兩個結局，堅正

好有印象有個機關係個佛象隻眼到，你唔睇攻略，基本上唔會估到個到有得禁