平少覆我
白芳禮
依家正面回覆白芳禮嘅兩個論點point
1. 白芳禮指出飛馬電腦「後門賣卡」
飛馬電腦講咗佢係飛馬官方網站,Price.com.hk,DCFever嘅渠道銷售
呢三個渠道都係好正路嘅銷售渠道
如果你覺得dcfever係後門賣卡嘅話
但留意返飛馬電腦係用佢本人電話號碼去做交易
佢擺明係光明正大咁賣卡啦
咁何奈係叫「後門賣卡」呢?
我估你實會話我捉字虱 好低質啦
嗱 唔係捉你字虱啊
係你自己用字字唔正準咋
你大可以話「飛馬賣卡俾礦佬 好仆街」
如果你本身係咁樣講我一定同意喎
2. 白芳禮指出飛馬電腦「有貨hold起唔俾排隊客」
定義下排隊客啫訂卡客人
有貨hold起唔俾排隊客
啫係飛馬電腦特登儲住訂卡客人嘅訂單
跟住飛馬電腦本身就有卡嘅貨
但係唔賣俾訂卡客人而走去賣俾礦工
(唔知你同唔同意啦 但係客觀描述係咁解)
第一
飛馬電腦賣走啲卡係客人唔要嘅或者無訂卡嘅型號
啫係佢賣嘅卡係無客人排隊嘅
第二
飛馬電腦隔咗幾個月先同訂卡客人講返依家卡嘅售價
啫係飛馬電腦係有卡兼有嘗試同客人商討
但係客人唔同意售價貴咗咁多
而飛馬電腦嗰網站本身就有講明
有機會預訂價錢同最終價錢不一致
啫係飛馬電腦唔係hold起啲卡唔賣俾排隊客
而係排隊客唔接受卡嘅新售價
咁呢句「有貨hold起唔俾排隊客」係咪錯?
覆就覆咁多啦
唔好話我連兩個point都覆唔到啦喎