有冇人係無辦法番全職？

番過兩份全職
都係做唔夠一年就走
最近傷咗條頸
發覺係本行做唔到一世
同時都有好多嘢想學想做想試
開始想轉part time
想咩行業都試下做
但又好驚屋企人對我失望
覺得我好任性因為始終同佢地都close
加上屋企經濟上唔算好好
雖然唔駛等我份糧養家
主要係唔想屋企人擔心...

有冇人有類似嘅經歷/有同樣嘅煩惱？

自己情緒病
易燃易爆炸
返全職要交際好麻q煩
一個禮拜返四日已經夠
何況返5日6日一定會更加攰
所以都係算數
宜家廿幾歲返過3個月全職就無繼續做

唔計而家失業，失十幾年嚟都係做pt。

原因係ft太困身，一星期起碼五日，每日九粒鐘，試過咁嘅生活覺得好無人生意義。

寧願一星期返三日，保持住自己對工作/生活嘅熱誠好過

只要你夠錢使用，又唔諗住買樓成家立室，其實無問題。

我都懷疑自己係咪有啲咩情緒問題
好易番一段時間就頹...

我而家份工有時番六日添
其實番幾多日唔係問題
係每日做同樣嘅嘢個人好快頹
我有好大嘅求知慾
唔係讀書個種而係想乜都試下做下
呢樣由細到大都係咁
但屋企人就話我三分鐘熱度
搞到我自己都覺得自己咁樣係唔好
其實我好鍾意本身做緊個行
但同時我好想試埋其他野
如果番ft就冇乜時間
覺得自己好似好任性咁
屋企方面朋友就教我用家用塞住佢地把口

推

呢個世界咩人都有 如果你屋企人唔等你食飯 又冇辦法體諒你 不如你諗下佢地愛唔愛你好過

或者係我哋都唔啱返全職
繼續做住pt
或者試下半職先
睇下係返工日子定係工時問題
好似我咁，可以返三日長工時但唔喜歡五日短工時

呢幾日sick leave個人都好灰
覺得自己咁樣會唔會高不成低不就

不過而家呢份都唔知點咁
人工唔高但會番到好頹個人好悶
感覺番pt搵少啲但個人自由啲開心啲
兩個concept係腦度打哂交
好迷惘明明以前嘅自己好有目標好清晰...

覺得由細到大都冇令佢地自豪過
唔想佢地眼中嘅阿女係失敗冇用同任性

佢地都冇d咁既dna俾到你 你駛咩怪自己 唔係叫你怪佢地 係每人能力都唔同

唔使對自己要求咁高啦，會好攰㗎
雖然話返工睇錢睇人工
但係如果唔使養家就自己開心為先
何況人工唔高又返得唔開心無意義
之後話唔定搵到份啱你又開心又人工ok嘅呢

無錢就有辦法逼自己做

咁你翻緊parttime? 咁翻少啲有冇輕鬆啲?

有啊，至少多左自己時間
唔會就返工休息無限loop
多左時間同朋友相處，學下啲興趣班
係舒服啲

咁就好了！