最近和friends 玩包剪揼 原本諗住只係當輕鬆既切磋
點知比我見盡人性既陰險詭詐一面
見到啲人為左贏 係可以好狡猾 技術同運氣每個人都唔同 但論狡猾詭詐 每個人都一樣
就算你自問唔係一個狡猾既人 你玩得多都會學到佢地個種陰險
例如狂出剪,出無敵,出口術𧦠人等等
隻手出得唔夠人慢 見到人差唔多出咩 為左唔輸 可以縮晒啲手指 由包都變揼
對局裡面完全係弱肉強食世界既完美體現
但玩熟左既話可以完全明白點解做人千其唔可以貪心
啲人好識得set陷阱比人踩 例如口講下鋪出咩(口講下鋪出揼 引你出包)
然後你又唔信佢 但估佢引我出包 自己又覺得冇咁簡單 再逆向思維推測 所以出咗剪 就輸了 (自己中過伏)
而輸既感覺係好難受, EQ少啲個人都會崩潰
上黎呻完 唉, 原來成隻game 係咁痴線