喺今年1月左右，毒撚仔（我）諗住上tinder搵下初戀咁，咁就有條女叫Christy 搵我。
本來我都唔撚為意同Christy有講有笑。「喺邊呀？
」「食咗飯未呀？
」「收工未呀？」有一次問佢「今日做咗咩呀？」
佢就話：「今日去咗上補習班呀學英文呀。係呢，你啲英文程度點㗎？我哋可以一齊去報補習班喎！」
當時嘅我就好似啲動漫男主角少少cool咁答「好呀，一齊報lo」
跟住都出咗嚟食4次飯，4次都係喺雅蘭中心食，全部都係我埋單
仲要第3，4次係同一間仲要貴嘅餐廳。嗰時我都冇所謂，畢竟個機會成本係將來有得拖下手仔
就喺第四次食飯嗰日，佢就問
「不如今日一齊去補習班到睇下啲課程囉？」
我就「好好好
」入到間補習社
cosmo institute
屌你老母二萬蚊？
佢話：「報兩年架，所以一次過畀哂。」
當時我就得$7,000喺身，我就on99咁畀咗，仲簽撚哂約話三個工作日後冇得退款。
跟住畀完錢Christy就話約咗屋企人走先。
返到屋企愈諗愈唔對路，原來舊登喺2012已經有人講過呢間cosmo institute 會喺交友app瞄準我呢啲毒撚仔，呃佢哋落搭。呢間嘢個網頁簡介堆英文仲衰撚過我小學篇作文。
以下係佢哋所謂嘅refund policy:
買方可於沒有使用產品及登記網上測試的情況下並於簽訂合約的三個工作天內 (星期一至五，公眾假期除外) 申請退款，但必須扣除銀行、信用咭或貸款手續費 (如費用以易辦事、信用咭、貸款或信用咭分期形式繳付)。
如於沒有使用產品及登記網上測試的情況下並簽訂合約的四至七個工作天內 (星期一至五，公眾假期除外) 申請退款，除須扣除銀行、信用咭或貸款手續費 (如費用以易辦事、信用咭、貸款或信用咭分期形式繳付) 外，亦須扣除港幣2500元手續費。
簽訂合約的七個工作天後或已使用產品或已登記網上測試的情況下，賣方恕不接受退款。
如買方只繳付訂金或部份金額，於任何情況下賣方恕不接受退款。
買方如只繳付產品部分金額，該款項會於最後繳款日期起計一年內有效。
Christy 電話同ig 多人想知再講，呢$7000我當畀你哋間補習社請個靚啲嘅女人再呃我一次。🚬🚬🚬
