西西弗斯的神話（結局）

睇完個結局真係diu出聲
點解瑞海起死回生仲由細路變大人？
徐吉福本野又唔會因為sigma死咗而消失？

講翻去到sigma攞槍指住瑞海威脅泰術寫code嗰時，泰術咁醒一開始已經諗到點做都好都只係得幾個可能性：（1）瑞海被射殺，泰術唯有寫code等核災後長大嘅瑞海可以穿越翻過黎發展愛情，同埋期望下一次嘅自己可以扭轉命運（2）瑞海被射殺，泰術唔寫code，要世界唔要女人，冇核災，但要活喺冇核災長大嘅瑞海嘅世界。（3）瑞海冇被射殺，打從一開始就服從寫code，雙雙核災死亡然後等核災後長大嘅瑞海再穿越過黎發展愛情。（4）瑞海被射殺然後自殺，救世界，而且冇得比一次嘅自己嘗試改變命運。（5）瑞海冇被射殺亦冇核災，泰術完勝

導演當然就係靠住介紹（1）-（4）黎鋪排，期望最後做到（5），震撼觀眾。

但問題就黎喇，導演夾硬整個（5）出黎，瑞海死過翻生，徐吉福本野又冇消失到etc，比觀眾吐糟bad ending。

我認為導演係貪心咗d，本來計劃成功殺到sigma救咗世界，瑞海慢慢消失，永遠懷念曾經嘅呢段經歷同愛情，已經好足夠，教會人學識著重曾經嘅風光而唔係後來嘅結果，咁其實都不算差吖。不過導演貪心，殺個eddie kim出黎搞到泰術要自殺。

bad end其實都係源於導演諗唔掂：點樣先可以救到世界而瑞海唔消失。呢樣野其實係源於一個好早設落嘅設定，就係「如果未來被改變，穿越過黎嘅人都會消失」。但呢樣野唔可以改咩？點解穿越過黎嘅人一定會消失？

要「上傳」一個人去過去，都要有部機耗用大量能量，先可以將一個人嘅粒子完整複製到過去。咁如果要一個人嘅粒子完整咁消失，同樣道理係咪都需要大量能量先？穿越過黎嘅人點可以咁輕易就消失？佢地嘅粒子已經land咗喺度，冇理由憑空消失姐。

因此，如果呢個設定改為「穿越過黎嘅人點都唔會消失，因為粒子已經複製咗出黎」嘅話，會唔會就冇問題？

No，問題係如果唔會消失，咁sigma揸槍指住瑞海嗰陣，sigma隻手都唔會閃動，唔會比瑞海有空檔打sigma，而sigma手下亦唔會消失。

但如果未來被改變穿越者都唔會消失，姐係意味住我翻去過去殺我呀爸，我都會健在，咁timeline上會唔會變咗係平衡時空多過劇中嘅單一時空？唔會，因為平衡時空係講緊「我爸被我殺」嘅時空，同「我爸健在而我穿越咗去另一個世界」嘅時空同時並存。但因應劇情需要，亦可以設定為另類嘅單一時空，姐係我翻咗去過去殺咗我爸，我亦唔會消失，因為我已經過穿越咗過黎，而改寫歷史嘅係我唔會出世，而穿越咗嘅我就要喺度隱性埋名以另一個身份活喺呢度，呢個都仍然係單一時空，能被改寫嘅單一時空。

咁嘅設定就解決到瑞海消失嘅問題，接住就要解決sigma。方法例如係喺10月31日之前寫code啟動「uploader」，送男女主翻去，去sigma屋企大廈天枱殺咗sigma，之後當時嘅男女主就可以白頭到老，而穿越咗過黎嘅男女主亦可以隱性埋名白頭到老。而因為sigma死咗，男主亦唔會整「uploader」所以再冇新嘅穿越者可以過到黎，問題就係剩餘嘅穿越者唔會消失，需要男女主去處理，例如移民局局長。

而呢個版本最make sense嘅係劇入面已經有線索，證明穿越者/穿越物件係有能力喺未來改變後唔消失，例如「瑞海筆記」。如果未來改變，相對應嘅人同事都會變，咁可能瑞海上一次死喺鄭玄其槍下，而今次避過咗，咁上次嘅死因理應消失，變成下一次嘅死因，但冇，瑞海嘅筆記寫咗嘅野由頭到尾都唔會消失。

完。

其實都係 膠L過假大台膠劇

好認真

因為呢d時間穿越戲幾得意，不滿佢爛尾

真係屌出聲

所以點解女主角要寫本野話救男主角，一開頭寫做瓜男主角咪得原本個男主角best friend出黎都仲覺得同劇名似，永遠唔好唸住改變未來。點知後面多兩段多鬼餘嘅野

其實最後殺左勝福，再做長腿叔叔養大女主角未得羅

大團圓結局

最後金勝福果段冇咩意思

辛苦樓主打咁大段嘢，呢套睇完就next算唔好浪費時間諗

如果韓泰術寫code
未來就唔會變
不斷受罰 即係西西弗斯

但係韓泰術最尾應該係死左

如果冇死即係返反去飛機果到
咁應該係冇死到先發明左時光機

拎住本筆記個西格瑪好可能係未來人
而佢就係西西弗斯 佢要不斷受罰

套戲最尾太亂 都係9up下

睇到好頭痛

其實 睇埋結局 最合理解釋
一切都係西格碼自己諗出黎

點叫爛尾，由頭到尾都咁爛

我覺得最尾飛機果幕影男主角唔食藥應該純粹抄Inception，我諗佢死左，最後西格碼扮男主角可能佢想取代左男主角發明時光機，至於本筆記劇中設定好似影響唔到，你見女主角本筆記都無因為咁改變左

總結:爛，寫平行世界點吹都得