進擊的巨人結局, 其實對艾倫黎講真係近乎完美，劇透慎入

不過我認為要假設一樣好重要嘅野，就係如艾倫係夕陽下嘅表白一樣，佢十分重視佢身邊嘅呢幾位戰友，而程度上絕對係超越咗對佢家人、民族、人類嘅愛。所以艾倫所有決定都應該由呢個目的出發，保護佢戰友嘅生命，令佢地可以好好地活著，咩家仇國恨，種族恩怨，人類存亡，佢唔係擺係第一位。如果你接受呢個假設，我覺得成個結局就解釋得通。

艾倫對老豆老母，佢阿哥嘅愛都不及佢戰友，所以佢直接殺害咗佢老母，如果唔係因為咁，佢就唔會向巨人復仇，亦遇唔到佢班戰友，或者咁講，令佢同主角團變成生死之交，咁佢就無咗一班自己重視嘅人。

艾倫係結局話就算唔知會唔會被阻止，佢都打算踏平這個世界。由此可見，踏平呢個世界絕對係艾倫嘅夢想，佢都係真心討厭呢個令佢不自由嘅世界，所以踏平世界個陣用小艾倫表達佢呢種純粹嚮往自由嘅慾望，因此發動地鳴可以滿足咗佢嘅私慾。佢唔知自己會唔會被阻止，意味住進擊的巨人能力上嘅缺憾，艾倫雖然大致知道個結局點發展，但係細節位佢唔知，邊個會死佢未必預料到，亦導致莎夏嘅死，可能佢都預料到嘅，畢竟莎夏冇係戰場上出現，佢可能抱住莎夏留係島上嘅可能，不過最後都不似佢預期。

至於其他計劃點解艾倫都要ban，其實都可以咁解釋：
好好咁解釋艾爾迪亞啲人唔係惡魔，慢慢同外面世界交流了解，雖然咁係最正論，但係奈何艾倫時間唔夠，而且風險太大。我亦懷疑艾倫同戴巴家族條友有交流，刻意營造自己惡魔嘅形象，同時間斷咗阿爾敏班人想釋除誤會嘅心，黎個破釜沉舟。
佢阿哥嘅安樂死計劃完全不能令佢班戰友開心咁度過餘生，只能漸漸等待死亡，艾倫唔肯。
地鳴核威懾，要犧牲女王，艾倫唔會肯。
地鳴滅世：成功的話，大家都可以安穩咁過人世; 失敗的話，只會係因為佢啲戰友阻礙佢，佢地只會成為拯救人類嘅英雄，女王亦可以係島上好好咁過，話曬都屠殺咗8成人口，其他人又可以係外面享受自由。

艾倫同三笠嘅愛情線呢，艾倫好清楚呢段關係係唔會有結果，無論佢是否選擇滅世，佢都係得翻幾年命，所以佢大膽咁選擇滅世，試圖創造一個適合佢戰友生存嘅環境。
咁啱得咁巧，艾倫同三笠嘅感情線令始祖尤彌爾釋懷，令佢解放曬所有巨人，順便救咗阿爾敏班智慧巨人同哥尼老母。始祖條愛情線其實就on99，完全唔知佢想做咩，不過要講都可以咁講得通，所謂愛情應該就係咁樣去理解，不可理喻，毫無道理可言。（始祖尤彌爾根本on99，自己有心結，搞到成個世界陪佢鳩，越諗越唔爽）

講翻我對結局嘅睇法，老老實實，非常失望。 不過只要唔覺得艾倫係一個為復興民族，保護家園，嚮往自由而犧牲，咁樣嘅偉大人物，佢只係一個希望自己重視嘅人好好咁活著，自私嘅人，咁成個結局觀感就fit曬。

打咁多字去幫呢套垃圾護航辛苦曬

弗洛克臨死前都選擇相信艾倫，結果換來啲咩？
弗洛克只係一個普通人，但係佢有夢想、有要保護嘅人、背負住咁多已逝戰友嘅期望

佢為帕島奉上嘅心臟，用呢個咁嘅結局帶過，諫山創點對得住佢

sor咯，不過你覺得佢垃圾佢就垃圾，我都係講下我睇法。我又唔係護航嘅，我都覺得個結局好失望，不過令我重新反思艾倫條友

真係慘，冇計，艾倫自私，利用佢呢啲對佢黎講唔重要嘅人

追左咁耐，咁多年都話佢係神作

收尾比啲咁既屎我 ，我屌你老母呀

佢冇錯你都冇錯呢套野紅得起先係一個錯

所以對艾倫黎講完美，對我黎講就唔完美

睇到我真係哭撚咗，究竟為咗啲咩

真心灰，以為有一套動漫可以上神枱代表

呢一代，點知咁樣收尾，我返去睇鋼煉算啦。。

其實兩大敗筆，第一係艾倫弒母，呢件事由未來控制過去，本來就唔通，加上太違反艾倫覺得身邊嘅人大過全世界嘅性格。

第二係艾倫對三笠嘅感情，如大家所料，艾倫想三笠忘記佢先狠心，但佢要三笠「只愛佢一個」，令艾倫形象好差，艾爾敏都話好折墮。

另外唔知算唔算bug, 始祖巨人理應無能力控制智慧巨人同阿克曼族嘅記憶，如果可以咁犀利，救世派本來就無得打。而如果係艾倫故意送死，咁個「滅世滅80%」又做得唔夠徹底，80% 同100%有咩分別？留20%做咩？

如果艾倫係要100%滅世，係100%要疏遠三笠，而104期要100%制止艾倫，咁所有野會好睇好多

唔係討厭bbq 結局，但啲細節位寫得好差，同進擊的巨人一貫細節寫得好太違背。

其實好多前期好多嘅配角都死得好唔抵，佢地都係為咗城墻內嘅人作出犧牲，但係到頭來佢地得到咩野。團長話後來嘅人做嘅事先彰顯到佢地嘅價值，只不過艾倫彰顯唔到佢嘅價值，反而要靠其他島上艾爾迪亞人先得，不過都可以話艾倫剷除咗大部分敵對人口，爭取時間嘅。始終艾倫唔係佢個邊啲人

睇完結局再諗返之前睇既野

慘撚過睇食屎鬼起碼食屎鬼第二季就知垃圾

仆你個街巨人，由一開始咁神到最後一下跌撚左落去

屌你叻仔

所以我覺得後期嘅艾倫其實唔係好愛佢老母，只不過前期嘅鋪排令人太印象深刻。感情線艾倫心一套，做就另一套。我就唔覺得艾倫係故意送死，憑佢個句唔知有冇人阻到佢，佢應該有心推平個世界嘅，只不過中途俾自己的摯友阻止，俾佢摯友阻止亦唔壞咁解。

安樂死就唔可以開心過餘生，依家仲打緊仗就開心？？

佢話佢唔知點解要剷平出面個世界，但係佢想咁做。就好似點解佢要追求自由咁，其實都好難追問都最後都合理解釋到，我覺得呢到反映咗艾倫自己內心嘅慾望，佢追求自由單純係內心慾望，冇咩大道理。艾倫一定知自己做緊咩同點解咁做，佢想守護自己重視嘅人，中間啲喊苦喊忽都係佢內心感受，艾倫本身就係一個情緒化嘅人，後期佢寡言寡語，唔肯表達，都係因為佢做緊啲好大壓力，違反佢本性嘅事。人設上我覺得唔崩，只不過諫山創個結局達唔到我地心目中嘅要求，所以我宜家好失望。

你都講得啱嘅，我個人係支持安樂死咖，最好就全部人死曬，咁呢個世界自然冇仇恨，但係對艾倫黎講咁係剝奪緊佢同伴嘅權利，宜家要準備打仗都係佢啲大愛同伴嘅決定，就算結局差都係自己揀，唔係逼佢絕育。

再爛都有人啱睇