儲蓄保既回本係咩意思?

咁就要問返你個agent 了，間間做法有少少唔同卦。

都係果句：諗清楚，比人箍住咁耐，值咩？

都係嗰句，睇你咩plan
通常有兩種
一種就係派返啲息(現金)畀你
另一種就係入返你個基金繼續滾存，但你有權隨時拎返嗰部分息
不過最關鍵都係睇吓要鎖你筆錢幾耐，同保證投資回報率有幾高

如果你真係有心可以搵吓agent傾嘅
因為我有其他投資無考慮儲蓄保，所以細節都唔太熟

我自己覺得後生唔使太保守
想穩陣啲咪搵部分錢買美債
起碼可以隨時賣走，唔使鎖幾年

點解同我果隻唔同?

30年歴史, 年費6k,每年可扲返就多10k....

戇撚鳩買股票唔買長線
你以為個個都係少年股神？

認真問，你嘅風險承受能力係幾多？

比1萬蚊你，你最盡可以輸幾多

比人綁住舊錢嘅問題係無得反悔，一旦5年內反悔就會蝕好多好多
5年內遇到其他投資機會、有咩需要用錢都拎唔返出嚟
好聽啲就係迫自己儲錢，難聽啲就係on99

買儲蓄保嗰啲人，細個係咪鍾意俾哂利是錢阿媽保管？
成個童年見到有咩玩具都唔買得，成年先拎得返舊錢，但係到時個金額對你嚟講已經唔算得啲咩。

你要預廿年都唔郁舊錢，不過廿年後仲有無香港都唔知咁做乜唔研究下投資，最多一兩年就見效

無指明過一定要點做
一直都講分散投資
當中每一項佔既percentage 係根據個人自己既風險承受程度

分散投資？
你知唔知咩叫分散投資
你去睇吓巴菲特講啲咩先啦傻鳩

大師請賜教

英式保單既歸原紅利係單利息定複利息?

鎖住筆錢十年八年先拎得走 中間退場就血本無歸 仲要回本之後先俾息你
有咩誘因？

如果你筆錢都係放銀行咩都唔做
咁其實比人鎖住又有咩問題
大把師奶廢老銀行都幾十萬係到咩都唔做
銀行咪一樣係拎你舊錢借出去
不過連登仔最叻就係到時要用錢點算etc
好似一買左儲蓄保就無啦啦要買樓買車定唔知自己有病定屋企人有病要拎番舊錢出黎咁

正常應該係複利息

問題係我唔做儲蓄保或者定期我可以做其他 你估我淨係草錢入銀行就算？
點解咁樣放舊錢喺到先？唔俾走早退場仲要扣我錢 呢樣野本身就係on9
仲有 話明意外就緊係意料之外喇 你唔肯定佢會發生唔代表唔會發生 有事起黎發現自己筆錢鎖撚住咗咁我咪含得撚？

5年到期儲蓄保都有得收番110-115% 年保証2%真係好易

從來冇人叫你買儲蓄保all in
都係睇你需求同能力
拎15k人工叫你每個月放5k梗係多
但1k-2k又叫多唔多呢 因人而異啦
何況唔係個個人玩投資叻
叫人供voo/qqq係易 但有幾多個做到

所以買儲蓄保，擺明搵笨。千萬唔好信d 豬西話保本！

第一至九年蝕錢，第10年先回本（保費）
類似係咁啦

咁把半儲存下來的錢買QQQ, 又唔係話冇可能，睇你做唔做啫。開頭一定慢，但總好過每個月比保險卦。咁當然明天瓜左，就唔駛講野啦。下下船頭船尾都怕，咁乜都唔駛做。但唔好忘記，唔做任何投資，都有唔投資的風險。

真心唔建議，不過如果你唔識其他投資嘅話咪買少少例如一個月1000。

幾萬甚至10幾廿萬一年嗰啲千祈唔好制