邊到買求婚戒指唔會比人呃

下個月就收樓入伙
本來諗住提早個幾月乜都得
點知，原來有D靚既要等差唔多兩個月

我都係bluenile 買
0.75卡，vs1,d 色，3ex 都唔係好貴
講真，買粒白淨d, 冇螢光，3ex,
真係唔洗vs1 都得，根本唔會拎個放大鏡再zoom 去bhw

大粒同唔黃已經好夠，少少雜質跟本睇唔出

你有呢個budget買到好多好野
可以考慮fancy vivid 彩鑽
不過你想用十萬買二十萬既質地
我會勸你唔好太貪心
小心俾人呃

終於有一個正評
感謝咁多位巴打絲打意見

10萬買倒20萬都係講下笑
彩鑽求緍會唔會唔係咁好呢

三十幾萬寄黎寄去都幾淆底下

去ig shop買

咁要視乎邊一度嘅20萬
你用Tiffany 比當然綽綽有餘

10萬內，你會想盡大定係1卡已經足夠？
顏色、淨度、切割、打磨、對稱、螢光大概會想點安排？
以我嘅客為例，求婚用9成半都係G色或以上。
聽唔少客人投訴另一半求婚買得個色低到好黃，唔敢戴出街（講緊黃到JKl甚至以下）

淨度就好睇個人，唔係愈乾淨等於愈閃，淨度低就等於唔閃，要視乎入面有咩內含物。同埋粒石愈大就愈容易肉眼睇到內含物。

切割最直接影響閃度同時亦都影響粒石嘅大細，你有budget 建議都係保留返Excellent，當然Excellent 都仲有分頭尾。打磨同對稱，老實講，除非Very Good 得黎好差，否則一般用家好難分辨到。但都係個句，有budget，又唔知另一半介唔介意呢啲嘅，咪直接3EX 先

去到螢光，每個grade 都有分頭尾，none 唔等於無螢光，要視乎個UV有幾強。有時會見到啲None 同Faint 差無幾。另外，None 同Faint 係無寫明顏色，唔一定係藍色，可以係綠/黃/白etc。如果介意就要留意下。一般猛烈陽光底下肉眼睇，medium 會極輕微見到少少色，但真係極輕微甚至睇唔到。但上到Strong / Very Strong 就見到了，亦都好大程度會另到粒石有一種微微milky 嘅感覺。如果你買低色鑽石，呢樣嘢會令到粒鑽石無咁黃（但會有啲無咁閃）。

講開又講，好多人買到靚一靚但另一半從來都唔洗戒指/好少清洗。其實你日日戴，兩個禮拜已經朦過曬好多milky/ very strong blue 石。

如果有嘢可以telegram 問我 @cupdio

其實形狀緊唔緊要？
見過有啲心形好似玩具咁
長方形又唔太閃咁

感謝巴打

好睇個人，好多人玩到咁上下就會想要雜形石。
但香港求婚用，除非另一半比曬tips，否則都係用返圓形比較穩陣。

好詳盡,,,幫到唔少師兄弟

買合成鑽啦
依家d合成鑽做到同天然鑽無分別
過幾年天然鑽實跌價

唔好老點喎
除非個女仔好有錢有買開珠寶首飾
否則多數港女識閪分咩
大粒=貴, 係咁膚淺架啦

都係簡單易明咁講啲輕微深入少少嘅嘢

同埋未睇實物之前，建議唔好太過睇數據上嘅嘢，好易走火入魔最終搵唔到心頭好

真 講得要威
個牌子一定要響

鑽石呢啲嘢係宣示主權， 同埋滿足女人虛榮心， 只要佢平時圈子有女人，就會有比較。

重要性嚟講：
色>大小>切割>淨度>其他

色呢啲一拍埋就睇到， 有比較自然有傷害， 靚色真係爭幾遠下。
一卡係心理關口， 有啲女人好撚介意細過一卡。
切割影響佢有幾閃， excellent係必需。
淨度係睇佢有幾多雜質，呢度就通常要好仔細先見到， 要慳錢就唯有喺度慳。
其他嗰啲都係唔常或者唔易見到分別， 可以自行取捨。

大細嗰度可以用個托嚟呃下秤， 有啲托會用碎石圍喺粒主鑽周圍， 咁樣正面望落去會大咗成個碼， 效果會震撼好多。

當初喺 blue Nile買， 老婆非常滿意
喺香港啲大舖度size， 跟著喺網站落單聽落好仆街， 但其實無人認得你， 只要自己態度唔太閪就得

事實就係咁, 女人崇尚名牌, 咩成色切割根本WFC

有得話俾人聽係Cartier, De beers, Tiffany呢啲先夠威

上網/樓上舖買無得哂命, 話俾啲姊妹有乜乜證書都係得啖笑

我老友點醒左我，唔好一買就買咁貴
生仔又一粒，五、十、二十乜乜乜周年又一粒
頭幾年，你唔係會縮水呀？