當年既我都係要靠自己不斷上網搵資料去揀最適合自己 又真係升到學既科目同學校
希望開呢個Post主要係想幫困惑緊既新生 有關CCCU都入黎討論／問啦
今年year2 完sem等畢業，上年semb係高登開過同一個post 不過之後忙都無再繼續開
[u]常見問題 Q&A
Q1. 點解要讀副學士？
A: 為左入返UGC
，雖然HD都有機會升到但係Asso升學率一定係高d。 如果你想讀完兩年就做野 ，一定係揀Higher diploma 
。Q2. 點解要揀CCCU?
A: 所謂「三大CC」之一（HKCC, HKUSPACE ，CCCU），知名度較高，73%升學率當中42%升返UGC，由城大監察課程質素有保證。
Q3. 揀科時應以該科的升學率高低為最大考慮？
A. 升學率固然重要，但CCCU每科平均都有三成幾升UGC率，最緊要係睇你對果科有無興趣
。Q4. CCCU 賣盤對新生有無影響？
A: 兩年前聽導師講仲有五年先賣，即係2017入學學生畢業完仲有一年先賣。
其實都差唔多
Q5. 我有一科1左，讀唔讀到CCCU?
A: 中、英文兩科必須有2或以上，要再加三科有2或以上先讀得，即係數/通識/選修科是但一科等1左都唔緊要（除左一d有講明既科目，例如雙語對語文程度有較高要求）
Q6. CCCU有分九龍塘本部同九龍灣兩間，邊間好d?
A: 兩間應有盡有，有靚Lecture theatre有電腦有printer有好導師有自修室有Wifi，只係揀科時要留意下果科係邊間讀就得。
Q7. 屋企窮但又想經Asso升返上UGC學位，點算？
A: 學資處幫到你，家庭月入及資產唔過限額的話係會批Grant Loan比你埋學費讀，（視乎你窮成點，可能批你75%學費免還）唔洗還的
，仲會借生活費比你（要還）渡過呢兩年，所以比心機D。而屋企唔合資格但又唔夠錢讀既同學可以揀免入息審查貸款即Loan，呢個係要還錢。學資處Grant Loan http://www.wfsfaa.gov.hk/sfo/tc/postsecondary/fasp/overview.htm
Q8. 咩叫大O中O細O( Camp) ?
A: 我既定義係大O=城大學生會/學系搞既，中O就係指CCCU有d Society搞既聯科Ocamp，細O 係指一個學科自己幫新生搞，規模較細，亦通常較平，因為有心既師兄會盡量壓低價錢吸引新生
。Q9. 去唔去Ocamp好？
A: 大O中O可以唔去，除非你想識多d人比幾百蚊去玩。因為大中O會有唔同科，甚至Cityu既人，幫唔到你搵組員，仲可能識到堆hi bye friend。細O有助搵Groupmate，而且組爸媽都係本科既人，可以比到好多有用建議你，開學有咩唔識唔知真係靠佢地...
Q10. 開左學咁唔好彩遇到freerider咪爛GPA？
A: 首先Group project有freerider係可以向tutor投訴，開學會提同學紀錄低各人工作量出席會議次數以至whatsapp紀錄作證據。而Tutor認為證據確鑿時會比個I（Incomplete） 佢重讀呢科
。而且Group Work只佔約30%分數而Exam通常佔30-50%，你做多左代表你認識多左個Topic，exam會有更好表現。Q11. CCCU Interview洗唔洗著西裝？
A: 商科既話係要，其他如社會科學你著T-shirt牛仔褲都得。
Q12. Interview有咩問題？
A: 通常會先叫你自我介紹下，問你對一單今年熱門而有關本科的新聞既睇法，然後小組討論。如社科就問雨傘運動，好簡單的，Asso唔係Degree，係收你錢比你讀，唔需要太緊張。Asso入學好易，佢要確保收生足夠收你錢。但讀起上來就唔易，上左船就無得返轉頭。
Q13. 英文唔好會唔會唔夠其他人競爭？
A: Asso真係咩人都有，有DSE廿幾分衰中文既人，有讀過恆管／Asso／Ive既人，個人認為英文有3應該可以應付Asso既課程，而拎2既一定要加倍努力學英文，因為無論做咩Course work (寫Assignment，考試寫Essay) 英文語文能力一定係其中一個評分標準，英文2唔努力可能會唔夠人爭。始終都係大學入門，有機會入大學year3，notes都睇唔明又點高分？
去到收offer階段你就知IELTS6.5有幾重要
Q14.Retake定係讀Asso好？
A: 唔敢亂答，有人差一兩分有人差七分都話Retake，只可以話睇你鐘唔鐘意DSE果D考試同學習方式、科目同適唔適合讀，Retake唔代表你手上有上年個分再升分，係由0考起，有機會跌分，咁就一年。DSE一試定生死，Asso就有50%分數都係平時寫Assignment做Presentation拎既，考試範圍又會話埋比你知，提早準備，講學習氣氛一定係輕鬆D。不過Asso你讀唔上返UGC就無回頭路，只可以揀自資學士課程，亦唔建議雙修因為兩邊D課程都好花時間讀，二揀一啦最好。
，好似8蚊入場
