爬曬成個po,驚之後開關又貴返格曬價後預約咗仁匯打,3針價錢係$3650用咗學生優惠,佢個學生優惠外國學生證都得,約咗沙田診所打,位置係打新城市中央廣場唔係新城市廣場
入到去已經見到幾個女仔打完出嚟,手上都揸住個針盒,環境乾淨闊落。填完基本個人資料+問我上次經期係幾時,就俾返張收據我(預先上網俾咗錢),然後等2分鐘內,姑娘就叫我名跟佢入房打針
入房後先問我幾條基本問題例如:有冇藥物/食物敏感?最近打疫苗係幾時?我係半年前打完3針
跟住就開始同我對嗰針盒:未開封/編號/有效期,本身想幫我掃code,但我down定咗app截停咗姑娘自己掃,枝針效期到2025年1月。想自己掃原因係自己疑心病驚人哋有假app,app名:eZtracker
打針嗰吓真係好痛差少少嗌咗出嚟

,抽血打流感針打疫苗都唔覺得痛,等咗2分鐘左右先開始冇咁痛。跟住等咗一陣佢就剪咗針盒上面嘅QR code一半再畀返我同約咗2.5個月後打第2針。唔知係咪藥廠指示要剪?上網睇話係第2個月打唔知點解佢要2.5個月?
最後叫我喺出邊休息冇唔舒服就可以自己走。打完嗰晚本來以為會舉唔起隻手點知淨係少少痛接近可以完全伸直,針位硬塊過咗一個禮拜消曬
打完篇嘢覺得打手味濃所以再補充吓。有check過其他診所價錢,4000樓下得2間,我冇錢加上連登有咁多人打就揀咗仁匯。俾完錢見到樓上話仁匯用舊包裝勁驚,但已經冇得返轉頭。盈健卓健$4200,又係連鎖診所多地點揀加上係醫生打保證安心,其他私人醫院都好似做緊$4xxx,打疫苗都係想安心d加$500幾又唔算多