點解銀行星期日紅日都唔開？

Lunch去排隊囉，有緊要嘢搞食少一餐半餐都要架啦，一係請al囉，定你份工永世都無al？

返5日，星期六返半日會補假。

以前聽人講星期六上午開主要係因為執番星期五晚美股收市之後嘅手尾

次次星期六有種蛇蟲鼠蟻出哂黎既感覺

返6日個啲唔係人

啲手尾分行執？後勤都冇人

散客先需要紅日去，呢堆人根本唔會為銀行帶來大量收入

你估銀行靠counter賺錢咩？

唔清楚喇
例如星期五晚美股做完買賣第二朝要匯兌番啲錢交收補倉平倉咁掛
其實呢啲傳統都係講緊三四十年前未有 internet 嘅年代留落嚟

窮人唔係銀行嘅服務對象

唔好即刻搏咀啦 咪答咗你因為社會制度嘅問題
呢個社會就係話你聽 星期日係休息嘅 公用事業 服務好多都唔會有人做野 包括郵遞 後台 等等 唔係話你開咗舖頭就好多野賣 做到好多生意 反而其實只係要服務啲冇生意嘅麻煩野 既然係咁 根本就冇incentive要係紅日開門

根本就反智
銀行係應該請人返 5pm - 11pm

可能你唔做銀行唔知。
其實分行開一日, 唔係淨係分行要開, 其他部門都要做野。
銀行分行既人都已經係平均返5日半, 星期六都唔係每次都有得休。
將心比己, 比番日黎休息都要啦。

小弟係分行做左三年多, 每日番工來回要三個鐘, 一般星期六收工番到屋企都三點幾就四點, 而且一個星期都係最多休一個星期六, 好多時候仲要係番足兩三個月既星期六先有一個星期六有得休。

真係想講粗口。
八點三前返到分行, 收工已經係晚上八點半。
仲要坐車半回要個半鐘。
公司換系統既時候仲要返7:30am, 收1~2 am, 番足幾個月。
平時一個星期返五日半, 仲要小小野唔錯得。
食飯一個個輪住食, 最後一個已經去到四點先食。

如果咁都仲叫偷懶, 咁師兄你又勤力得去邊? 分享黎聽下。

你從勞方角度講呢啲無乜意思
半夜要輪更番通宵嘅工種包括但不限於
醫院警署消防老人院水電煤保安數據控制中心
仲有好多專登排期凌晨做嘅路道路工程廣告板更換等等
凌晨拍戲嘅都唔少
銀行肯唔肯做 24/7 都係睇 cost vs benefit
如有需要一定可以安排請人輪更
純粹只係管理層商業決定

因為主要唔係做街客

賺夠想比人賺

其實銀行一直開足7日，只係唔serve窮閪咁解

非常同意 仲要返工嘅你會覺得銀行係靠你地依啲人搵食？

你咁問法已經係哲學問題

全世界銀行紅日休息，樓豬呢個世界唔係圍住你來轉，乜都就晒你

肯撚定有啲不可告人嘅秘密啦

點解部分銀行唔可以平日休息，星期日開工，或部分部門開工？星期日R人開户口都易d 啦

好似呢幾日長假期，d人無野做，咪可以去銀行開下户，sales 有客有得sell 野，平日d人返晒工，鬼理你