綠帽除唔到求屌醒

男友成日飛
女友係香港自己搵食

男友成日飛
女友係香港自己搵食

空少大部分係Gay，應該冇女(好似係

是咁的
我有一個拍左五年幾拖既女朋友, 本來已經打算係今年7月求婚

我同佢係考公開試前無耐既時候拍拖, 一齊入同一間大學讀同一個major
我低潮既時候有佢支持 佢唔開心我亦會全力幫助佢.

同所有情侶一樣, 過左熱戀期總會有好多磨擦
但係每次我地都可以好番,然後互相磨合 互相遷就
慢慢地我意識到, 佢就係我要搵既另一半
我覺得自己好幸福, 好喜歡同身邊既人炫耀佢既好

係大學四年級既時候,我偶然得到一個實習工作既機會
即使我對呢份工作好疑惑, 好唔肯定自己係咪適合
但係由於份工係可以令到佢自豪, 可以話比人聽佢有個叻既男朋友
我都硬著頭皮去試, 不過就要延畢一年 唔可以同佢一齊畢業
亦因為咁,佢早過我一年做全職既工作

佢既第一份工作係文職, 佢一直向我抱怨佢唔鍾意坐office既工作
我就鼓勵佢轉工,等佢可以番一份鍾意既工作
結果佢選擇做空姐,而且我都支持 因為我當時好相信佢
甚至有人問我 唔擔心架咩? 我二話不說就回答: 我相信佢
可惜就係呢一份信任 間接令到呢一件事既發生

大家都知道 做機倉服務員係會係外地逗留
我女朋友就係外地逗留既一晚 同另一位男同事發生左關係
而俾我發現既原因係 我偷睇佢電話
我睇到好多曖昧既對話 每一句都好似一把劍插落我個心到
我完全唔敢相信 頭先訓係我身邊既人 會同人講一D咁露骨既說話
當刻我覺得係世界末日
一個支持左我咁多年咁人 做左D對唔住我既事
一D我深深相信左咁耐既事 原來都唔係真既
我覺得世界好灰暗 好唔能夠接受
即使佢之後不斷挽留我 不斷同我講對不住
我都聽唔入耳, 我好想自己一個冷靜一下 好想自己一個喊一晚 好想時間可以倒流..

係俾我揭發左件事既五日後, 我原諒左我女朋友
原因係 我發現我真係放唔低佢, 我說服自己, 其實唔係咁大件事
我說服自己 最緊要係佢依然愛我
我選擇 將件事放係心入面慢慢沈澱 即使每一晚我都喊
即使每分每秒 我都諗起第二個抱住佢
朋友話我好廢 而且我都覺得自己好廢..但係我真係放唔低

打呢篇文出黎
其實我好希望 呢一位男同事你可以睇到
睇到你因為一時精蟲上腦 破壞左其他人既幸福
希望有女朋友既你可以反思下 換轉女朋友比人搞個個係你 你有乜野諗法
你封鎖左我facebook instagram 並唔會阻止到我搵到你同你女朋友既聯絡方法
我最後決定唔同你女朋友講 雖然對佢唔公平 但係我唔想佢放生你
但係都好希望你睇到之後 會好好補償你女朋友啦 喇沙仔

[ 好喜歡同身邊既人炫耀佢既好

我ex都係做左空姐之後變左好多,最後忍唔住同佢分手。
空姐有太多誘惑,成日周圍飛,平時又多social,除左男同事仲有每班機既男乘客都有可能會溝你條女。
有得一次就自然有第二次,自己諗清楚啦樓主

佢有問我係咪想佢辭職
但係係咪真係唔做空姐就一定無事 我又覺得唔係