開到機咪得囉，又唔會開唔到機嘅?
緊係有咁平買咁平啦
你估啲人買貴板係真係買嚟收藏咩
(RGB另計，RGB 多出嚟嘅錢真係為咗買嚟睇， 同性能無關，只係關賞心悅目嘅事)
一分錢一分貨，板商或者會死錯人但絕對唔會賺少啲錢。 平板係平喺啲你睇唔到，但會直接影響性能同使用壽命嘅地方
先貼來源link ，後面再有跟進說明&總結:
台灣巴哈姆特有板友以9代intel 為例，介紹 底板 cpu 供電嘅 vrm 運作原理和其零件對運作嘅影響
非理科人建議睇到唔明嘅跳住嚟睇，佢有深入部分都有簡單嘅說明穿插。 非EE嘅engine 仔如果睇唔明都應該要去揾豆腐撞下
https://m.gamer.com.tw/forum/Co.php?bsn=60030&snB=2162474
======簡單補充說明=======
呢度純粹係對啲對電腦運作無咩認識嘅人喺了解底板供電之前，做啲基本嘅解單說明。
另外提醒cpu TDP 並不等於功耗，自從有咗 hyper thread 之後 TDP 連作為功耗嘅參考價值都無。
家用電至cpu 嘅供電過程:
家用電 (220V AC) >>
火牛 (降壓&轉DC，12V/3.3V/5V) >>
底板 & 各直接插火牛電線嘅電腦部件 >>
底板供電模組(VRM)，對各零件/晶片分別進行進一步降壓和整流(包括輸出波形和分相供電)>>
cpu 底座 (AM4 / LGA xxx ，你會見到有時會話個架構嘅底座本身供電上限幾多) >>
cpu
==================
vrm 作用就係張火牛出嘅 12V 再降成 1.3v 左右嘅電壓去俾 cpu 用， 唔同零件會用唔同電壓。
而同火牛一樣，vrm 變壓係會發熱，而熱力又會進一步影響佢嘅轉換効率。 所以一粒 60A 上限 moseft 有啲實際可能得返一半唔到.......
巴哈版篇文就係教人睇成組 vrm 同入面嘅零件對供電嘅影響。
======睇完篇教學總結=======
咁我唔超頻點解都要用貴啲果塊底版?
用最平果塊有咩實際問題?
唔超頻嘅人，如果想俾到粒cpu 足夠用電去 全力發揮而唔係因為供電不足所以cpu自我限制得 9成出力就要配返相應供電。
呢個就係有時網上啲 benchmark 見到大家都係同一粒唔超頻嘅 cpu ，點解有人勁啲，有啲人同次一級嘅 cpu 全功率差唔多功率嘅原因。供電& 包括cpu內各零件散熱環境對cpu嘅影響有時就係cover 咗上下一級cpu 本身差果幾%嘅 效能。
所以唔超頻嘅人揀配合cpu 嘅底板應該以 vrm 喺熱飽和情況下供電可以滿足你粒 cpu 為目標。
然後再揀你自己想要嘅額外功能
當然塊板貴平除咗 vrm 外仲有好多其他料/功能- 音效電容/網路插口1G定2.5G/wifi.........
H/A 系列晶片唔可以配中級 vrm 咩?
平好多又可以俾到 cpu 足夠供電喎。
理論上可以。實際上由於市場定位H/A系列係俾 Celeron/ Atherton 呢啲低級 cpu 用，用料緊係喺滿足呢啲 cpu 供電下有咁平得咁平。
有睇巴哈篇文會知低級 moseft就算分2線去供電，供電效能都未必好得過單一嘅靚 moseft。
======新手簡單建議======
H/A 系列最好去到 i3/r3頂盡，有多少少 budget 最好上 B系列頭段嘅板。
而B系列係定位入門到中級 cpu ，所以價錢差距可以好大，但基本都可以滿足 i5/r5 或以下嘅供電。i7/r7 視情況就要去到 B 系列中尾段甚至有啲大食嘅u 要用中高級市場定位嘅 X/Z 板嘅 vrm 先可以滿足供電。
i9/r9就唔超頻都要X/Z 系列起跳。
真正高級市場嘅 X core/ TD 少人用就唔討論。而且我唔撚識
放粒 i9/r9 落最平嘅H/A 板都係可以開到機，不過你上網會見到咁配通常係試驗性質居多，而且唔會有 full power test review。見過有人試都要特登用超頻方法去降頻驚燒板。
us tuf b450m+ Gaming。啱啱轉咗去10400 ＆ 妓姦 H410M S2H, 砌咗但未搞其他嘢。本身對底板用料例如用咩cap, 幾相電呢啲唔熟, 而底板永遠係我會去姑寒既硬件, 暫時記憶中我塊h410m比b450m少咗嘅嘢係, 一相電, sata少啲, 塊板細啲, 底板冇rgb, 少一組3/4pin fan jumper, 好似冇rgb jumper。我真係唔熟用料之類嘅嘢, 我亦明白呢2塊板“級數”既分別, 講錯勿力插。
嘢。
