有冇人鍾意住青年旅社

以前冇錢會住
雖然依家都窮，但已經唔會再住
寧願貴少少都訂間有房嘅

有，所以要上網搵多少少資料

喺墨西哥識到個韓仔無plan咁遊南美住d幾十蚊晚嘅hostel ，佢話間唔中都會有野咬

大家對旅遊嘅方式唔同

好多香港人都比較鐘意、偏向舒適嘅旅行

好多鬼就鐘意探險Feel, 揹個backpack去玩幾個月，去到先決定玩咩住咩

訓過幾次 真係覺得似豬籠
要個地方訓 坐又唔得 企又唔得
電話傾計又怕嘈親人
唔係地下搞啲活動、service好笑容 真係無可能翻撻
有唔少隱青/出省打工既日本人住，掛晒啲底褲同啲襪喺樓梯

利申：果陣住東京

其實幾好玩 但香港好多人都幾抗拒

mix dorm 好正喎, 可以識囡囡, 一齊去玩
male dorm 試過32人大房, 陣佬味出晒黎

試過酒店都有 所以真係要check comment

50蚊晚

去好多，好多垃圾勁嘈，唔照顧人感受

尤其歐洲個班垃圾，西班牙法國，垃圾中垃圾

其實除咗識人容易好多之外. 真係冇乜好處
遇到太多次D 鼻鼾好勁既人. 搞到自己瞓得唔好, 第二日冇晒精神
不過有一次住男女混宿. 全間房得返我同1對情侶. 條鬼妹以為我未醒. 佢喺我床邊換衫,除埋個BRA
同埋唔係咁鐘意冇私人空間, 香港屋企已經細. 旅行唔想都咁鬼迫
如果個TRIP去得長, 我都會住返1-2晚青年旅社睇下識唔識到人.

最接受唔到共用廁所浴室
感覺好唔衛生

住間正正常常酒店啦

未住過
易唔易俾人偷野

自己一個去旅行我都會選擇hostel,
平係其中一個考慮啦, 得自己一個如果住酒店其實驚驚地
去得旅行, 全日都出去行街食飯買野, 仲點會留係酒店, book咁靚冇用
同埋一定係book女生宿舍, 全女班安全D

都唔係咁易
係倫敦 新加坡 台灣 青島 都住過青旅 完全識唔到人玩
反而去西藏住青旅識到 一齊飲酒食飯吹水

頂唔順，玩左全日唔想應酬，又唔想識人
為慳錢住無冷氣無熱水旅館都好過青旅

我覺得住 hostel 冇乜特別鐘意定唔鐘意
我係邊度都瞓得着嗰種人
自己一個人去旅行多數都住 hostel
一來窮二來一條友住酒店會驚
有全女房就通常會揀全女房
間唔中住下 mix dorm 都冇中過伏
book 之前睇下間野個 review 少啲機會中伏
至於識唔識到人就睇下好唔好彩
我唔係外向嗰類人但唔算太摺間唔中都搵到伴

年紀大咗真係住唔慣呢啲

嚟緊想試下香港嘅hostel
土瓜灣果間，好似幾有feel