夜間遊人
2021-03-29 03:44:21
<<危城>>
劉青雲:「我第一日做地保嘅時候有人同我講,做地保唔駛識好多字,但最緊要識得分是非黑白,知道乜嘢係啱,乜嘢係錯,你知唔知嗰個係邊個?嗰個就係你,我都好服你。」
廖啟智:「但今次會死好多人㗎,為咗曹少璘,值得犧牲咁多人咩?你去問下啲鄉親父佬,問吓佢哋想點吖!唔好同佢哋講乜嘢公義,我哋淨係想平平安安,有餐安樂飯食。唔好為難佢哋啦!」
劉青雲:「你以為我哋肯跪,件事就有得解決?」
廖啟智:「跪咗先啦,保住性命緊要。」
劉青雲:「我哋今日跪咗,聽日可以企得翻身咩?我哋嘅子子孫孫、世世代代可以抬起個頭做人咩?我哋唔係奴隸,係普城嘅主人!我哋越驚只會死得越慘。由曹少璘踏入我哋家園開始,就已經係不幸嘅事,我哋無得避㗎!係,我哋可能會死,但係人都會死㗎啦,我哋死得有價值啲,好唔好?」