中學時開始發病，睇睇下睇左九年，期間幾乎無試過停藥(停一個月即復發)
醫生有建議過做手術切甲狀腺，但講明做完手術都要一世食藥
因為甲狀腺素是人體必需營養，切左甲狀腺＝人體無得生產，只能食補充劑補
即係無得斷尾
有試過控制唔到導致心跳好快，對腳無力企都企唔到，手震無力
甲亢眼突 - 眼科
幾乎係驗到甲亢既同時對眼就即刻開始惡化(因為當年發現得遲)
當時眼突嚴重仲眼壓超高，雖然之後做手術降左眼壓
但有感覺視力有明顯下降，左眼睇野比較朦
最重要是肌肉纖維化，左眼變左唔陏得，
睇野有重影，無得醫
做斜視手術都係幫你較到對眼睇正面唔會有重影，望上下左右都有重影
眼突又有影響眼皮，導致眼皮反左入去眼睫毛刮住隻眼，要定期自己掹眼睫毛
而且隻眼不能夠自然合埋(要用力先合得埋)，有眼乾情況
雖然之後做左好多手術，但由發病到依家足足9年都未醫好晒
睡眠窒息 - 呼吸科
好景不常，我覺得自己成日都好累，做任何事都會突然眼訓釣魚(返工睇片搭車打機)，
就算用力迫自己醒都會訓著幾分鐘，又成日失眠
咁啱我睇開甲亢問醫生，問下係咪關甲亢事，結果幫我排期做睡眠測試。
最近做左，發現AHI 五十幾
(睡眠窒息指數，一個鐘內睡眠期間超過十秒無呼吸就會+1) ，
即係一個鐘有成差唔多十分鐘無呼吸
順帶一提個指標係咁
AHI < 5 = 正常
AHI 5 ~ 15 = 輕度睡眠窒息
AHI 15 ~ 30 = 中度睡眠窒息
AHI >30 = 嚴重睡眠窒息
而我5X，再多少少就係30既2倍
測試完被人轉介左去睇呼吸科，話成因好複雜要去專科再Check，依家仲排期等緊
Ching加油
上黎傾吓計
