識人介紹去做麻雀館後生 做唔做好？

而家仲有館打廣東牌架咩 唔係全部跑馬仔？

講真如果無乜技能諗唔到點解唔做 做耐左搵五六萬個月無咩難度
你唔做介紹比我做呀

預左污煙瘴氣 無時停手 幫完一個又一個

未做過 不過覺得點都好過瑞字頭個埋

同麻雀館有生意來往 樓主講油尖旺 可能係我個客
落場蹬腳 佢地有員工指引你打邊隻先後次序 但我認同上面有巴打講要人性化 俾客贏 自己又唔駛輸太多先難
初入行應該係做跑腿多 我唔識打麻雀 不過見佢地休息食飯地方寫大福 應該都係蹬腳既行內術語
同埋旺角個度買好多燕窩俾客食 基本上啲客想食乜就要人去買

吊你識唔識中文架。

你講緊D無牌個D呀？
一個麻雀牌咁矜貴， 無理由為左賺多少少搏俾人釘牌架。生金蛋既鵝黎架。

都係熟人介紹？仲有冇做？

聽人講過每日開工都聽住麻雀聲
去到夜晚瞓覺耳邊都好似有幻聽咁

佢分唔到雀館同雀會啫

阿福贏輸會自己上身

唔一定

睇你打唔打自己

瑞字頭阿福都係打阿公既

十年前既枱面 已轉行多年

當年唔走應該都R到個單位做下

香港麻雀館有既職位由低數起分別係 後生,抬面,收銀(有些地方叫水袋),女工,帳房,三牌大佬,大佬,頭牌,老總

負責工作

後生:早上返去服侍神位,清潔廁所,洗摺毛巾,到中午12點開始要幫客人買野食,買波買馬,掃地,神位裝香,有時幫手抽下水,打牌,夜晚清潔麻雀,如果麻雀有進步就可以升做抬面



抬面:負責場內工作,包括抽水,幫公司打麻雀,上下數,買牌等,係公司賺錢既最強武器,麻雀打得好可以升做三牌大佬



收銀:顧名思義,負責收錢找錢



女工:負責茶水,客食,客煙既供應



帳房:負責人事登記,幫員工報強績金,以前卸要幫客人即場押物,不過而家由於法律所限不能押物,所以少左樣工作



三牌大佬:負責細牌區既辦牌(即判決客人是否包輸),睇碰(判決可唔可以碰牌)



大佬:負責大牌區既辦牌,睇碰工作,管理員工



頭牌:同大佬既工作性質無大分別,不過做到呢個位既人,麻雀底子比較高深



老總,得閒睇下堂口,都唔駛點做



而經營一間麻雀館就緊係要拎個麻雀天九娛樂牌照先,仲要睇下係邊個區開,如新浦崗,荃灣區就以細牌為主,旺角灣仔就開到大牌,至於點樣搵錢,就係要抬面幫公司贏錢,同埋抽水,如50/100就抽20蚊一鋪100/200就40蚊,所以麻雀館就係咁搵錢,而員工亦分到花紅


後生都唔係太好做渣喎

無做啦，頂唔順啲煙味
嗰時一定要熟人介紹先可以入去做，唔會貼紙請人嘅！
有啲人話打牌要人性化，俾啲糊啲客食，其實無呢樣嘢嘅，麻雀館只要一樣嘢，就係要機械式打牌，因為你打錯一隻牌，又有客要查牌嘅，咁就要包輸，1家俾晒3家錢，包輸牌打出，麻雀館係唔會幫你出錢，要自己攞錢出嚟，做得"鄧腳"係要計清楚幾多步叫糊同埋仲有幾多隻食糊，所以我覺得幾大壓力

同埋麻雀館有樣好得意嘅嘢，就係升職
我最初以為要升職係要靠關系，點知原來唔係
係要做功課，啲功課係玩記性同玩奇牌，最大嗰個有本簿，本簿寫低啲好難睇叫幾多飛呀，你答得出先有機會入圍，即係本身都要咁上下麻雀底，唔係嘅慢慢諗就pk
記性係要記得晒啲客嘅姓，入圍嘅人會俾大佬問嗰個客叫咩名
因為見過一次佢地升職試，所以記憶好深

行內其實係咪女人多？
因為我唔會入佢地範圍 但有事撞口撞面都係女員工咁

茶水部一定係女人，其他位我之前做就全部係男

仲有接待都一定係女人

咁可能咁啱我做個個集團唔同
之前見佢貼大字報有員工唔知走數定穿櫃桶一男一女都後生

邊間？

死煙鏟 屌你老母 打撚死你

我同佢地有生意來往 答左好易自爆呀