有冇人試過係愛協領養貓狗？

有冇人知佢地既準則係咩？點為之成功？點為之唔成功？
新手求解答

去揀貓 睇中之後填form申請

7日內有通知就去攞貓 無通知即係失敗

失敗之後再去揀其他貓 LOOP

每次只可以申請一隻

拍屋企環境啲片 啲相比啲職員睇

有貓網 乾淨整潔就ok 唔會家訪

如果apply過一次再apply 會唔會都係唔批？

我apply咗三次

頭兩次都有人排先過我 所以比咗人哋先

第三次就輪到我

不過你千祈唔好問啲職員邊隻貓少人排 啲職員會唔鐘意

領養過隻狗仔都係咁上下(講緊7，8年前，可能而家有唔同)， 一開始去左九龍間centre揀左隻，但職員話有成五六個人apply緊，叫我返去等電話，或者揀下其他狗。之後去左總部睇，揀左另一隻，但都有兩三個人同時apply 緊。 7日後收到電話，總部個隻其他人都唔要，間我想要嘅話約時間上去填form俾錢，等多一星期搞埋洗牙絕育，就係咁佢成為左我屋企嘅主人喇

之前其實首選其他機構嘅，但啲狗義工問埋我屋企資產有幾多，屋企有冇花園俾狗仔跑，有冇工人24小時專門湊狗，每日放唔放到三次狗，幫朋友湊過兩個月狗都叫冇經驗，冇話唔歡迎新手，但又要你俾哂呢啲私人資料佢，之後唔俾我領養。 嬲嬲地走去愛協領養，冇查家宅，大概寫你入息嘅range，你願唔願意提供狗仔需要嘅日常開支，或者俾絕育洗牙費等等。 相對上我覺得容易啲領養嘅。

你點知係因為人地排先過你所以比左佢地？
我而家apply左第2次都未成功 好氣餒🥺

Apply多幾次啦 比啲耐性

愛協免費幫貓絶育 醫好哂所以病 無病無痛先會交比你

我第一次養貓 佢哋仲送咗乾糧同好多罐罐比我

會自動成為愛協會員 以後買罐會平過外面好多

所以成件事好抵

ching同你差唔多經歷。一開始係搵其他機構領養，狗義工又係問哂你上面啲問題、攞哂個人資料、以前啲狗點死 etc.
過幾日出篇千字文email話你唔適合養狗（因為屋企唔係24小時有人），大大力將你推落谷底，講到你勁不堪咁。
反而去愛協睇狗，有幾個職員會喺度觀察下你、同你傾偈，全程都幾frdly。填表之後返屋企拍片send俾佢地，過一排就叫我嚟帶主子返屋企了

上網睇話帶哂成家人去會易啲成功 ching個陣係帶哂成家去？同埋係咪新手會易啲成功？

唔會家訪? 真?

唔會

頭2次無 不過都有同個屋企人一齊去 total兩個人

最後一次 佢打電話嚟話如無意外無比我 叫我叫哂全家去睇貓

我哋就全家去

可以透露少少係咩機構？

岩岩打電話去 得番一隻貓都要排到4月5號 諗住今次成家人去 希望有機會🥺

點解我睇佢地官網係話要比錢做會員先可以領養？

你申請成功再入會就得。比頭一年220蚊。

我係啲貓group見到人話 因為疫情所以好多人領養貓。。

幾年前啲貓好耐都無人要。。。

上年10月領養左主子
第一次去九龍中心申請，有帶屋企人，失敗左，第二次自己去旺角中心就成功，仲要隻貓本身已經有幾個人申請左，但第二日就打俾我話批。冇家訪。旺角中心職員同我講新手申請bb貓會易過成貓，因為通常成貓有經驗嘅人會handle得好啲，幼貓同新手主人一齊學習

一個月前領養左隻貓貓

約去見面 填張表 返屋企影下環境 第日就打黎問幾時接佢

冇人爭快既前後1 2日就得

Btw 想知愛協賣d 糧會員價會唔會平過金魚街d舖頭？

我今日去咗灣仔 話bb貓唔啱新手 尤其我屋企有小朋友 話要同貓相處過24小時要sure有冇敏感先申請得貓

新手何來會有貓可以同住24小時？
逼人買

我初初自己去灣仔睇貓個職員都咁講，後尾另一個職員又冇要求呢啲，所以depends你撞到邊個職員咋