其實冷靜期係咪等於分手？

有無人試過冷靜完係唔會分手架

其實你有feel又點會需要冷靜?

有啲野就係解決唔到 雙方無共識
例如 相處模式或者價值觀

你依啲係最core 嘅問題嚟
有confrontation 就真係冇乜可能行到落去

哈 又一pair準備分手 開心～

我試過 最後都係一齊番
如果真係愛對方既話 冇野係可以分得開你地
其實同男朋友一直以黎既價值觀都唔係好夾
但慢慢咁學識互相遷就 雖然依加仲會嘈交
不過兩個都會好快就好番 因為唔想又傷害到對方
多數要經歷完磨合期 先會感情好番啲
個段時間的確好難挨 所以加油！

聽到你講我個心都定啲
一直都勁唔開心 我地有啲問題其實已經存在左一段時間
但一直都解決唔到 我知佢有諗過要冷靜下
但我唔想 因為我成日覺得冷靜完好似九成都會分咁
好似等於分手嘅前一步

你地之前冷靜左幾耐？

之前同你情況都好似 一直都知有問題
但又冇刻意去理 係到後尾嘈交嘈得太勁
大家都實在頂唔順 決定分開一陣冷靜下
先一齊傾番個問題係邊到 再諗點樣解決
其實有時冷靜期唔一定係壞事黎
可以當係一個機會比你地諗下究竟下一步可以點行
不過當然啦 唔同人既處境都唔同
我都唔敢好肯定咁講 你男朋友會唔會係咁諗
但至少 真係要認真去諗 你地可以點樣磨合
點樣搵到個平衡點 令到大家之間可以相處得舒服啲
Sorry for1999希望幫到你啦

冷靜期說穿了只係比時間大家慢慢接受分手
利申被冷靜然後分手

但相處模式同價值觀係可以好大問題
樓主有冇得再講仔細d同另一半發生咩問題呀？

同樓主一樣 冷戰期中
唔識點再同佢相處落去
分手又唔捨得
佢話佢攰 我何嘗又唔係好攰

唔一定
我係一齊返 感情好好 比以前相處更加舒服

冷靜期係難捱既
但呢段時間都可以係比大家沉澱下
搵返合適既相處方式
當然要兩個都有心解決問題同磨合啦

拍拖唔係得開心甜蜜
唔會一帆風順
捱得過先證明段感情係經得起考驗

我都想知，我對女朋友講左做左d 傷害佢既說話同事件，依家佢提出冷靜一下。佢心入面有一條刺，點都解決唔到，但我真係好鐘意佢 .....

on99

所以感情問題一律建議分手

係，冷靜期係呃人的，只係想佢易啲接受失戀

冷靜期其實通常只係一方B被冷靜 由A主導 想B改/聽/變 唔改唔聽唔變 咁咪byebye囉

你上次冷靜期左幾耐？係咪完全唔會聯絡？