想討論PT (Private tracker)

唔知呢版啱唔啱,香港都好小人討論呢樣野,幾年前HKEPC都有人提下,近年幾乎完全無人討論
年半前買左NAS之後,搜下搜下就見到,當其時覺得係黑暗野,但在無野玩搵野玩之後便上左癮
有時根本唔係為左個D資源而係為個上載率!唔知呢度有無人玩PT,本人都係玩左無耐,大既得饅頭同埋(島)(都係捐番來既),細既就有學校同埋海膽,玩唔到咁多,無咁多HDD位!

一齊討論下!(討論埋NAS既技術都可以)

pt 通常有咩特別資源 一般bt好似夠做?

另外因為pt難入 咁係咪代表down得好慢?
定正正相反個個都做種去俾貢獻 所以好快

加上應該唔多人有咁大容量去keep 4k bd個啲 要賺夠貢獻都要好耐

淨係得jpopsuki

三大站基本滿速,因大部份人都搶上傳,
一般BT好多斷種,PT入面連D咸豐年前既野都仲可以下到仲好快

玩親既識玩既一定會KEEP資源(見過有D人KEEP住幾千種)
,仲有D會租SEEDBOX去玩(為既都係想升級同埋搶上傳)

至於你話有咩特別資源....如果大站既話,你講得出既都應該有,你講唔出都應該會有(遊戲,軟件,寫真,漫畫甜漫,古代電影電視劇,正式教學資源...連D九唔搭八你想唔到既野都竟然會有!)

連登邊有人玩
個個Netflix bilibili porthub streaming

有冇新手入門
聽都未聽過, google緊

呢樣野其實都有十年歷史,可能就正如上面位師兄講,香港人興串流,
而且PT如果要認真玩既話,硬件門檻點都要有些小,再加上因為版權原因怕封殺做成封閉既小圈子,所以香港真係無太多人知同無乜人玩了.

香港根本無人討論,你要新手入門既資訊大部份都係大陸同台灣的
俾個初部概念,就係呢個圈有一規則,你要攞野就先要俾野出去
個系統會紀錄你俾左幾多,而你就相應可以拿番幾多,如果你拿既多過俾既,就會俾人踢出局!呢個就係PT既大概玩法!
BT既人就係下完就走
PT想生存就係死都唔走做種!

太巴閉

睇咗你啲圖 真係咩都有咁
但好被動好難升level 冇人download就冇得升呢

唔知巴打有幾多容量 for pt
我覺得冇十幾tb 都唔係好玩得起

我淨係會down動畫果類其他都係在線資源解決，就淨係入u2（因為夠易入）,有想入Animebytes但係睇到佢入會既難度還是免了

易入唔代表易生存

我都唔係太多TB,我部NAS都有重要野裝住,所以買D NAS專用硬碟
這種比較貴,又行左RAID,約10TB啦.我最初都係用剩餘既空位玩
後尾越玩越佔位,慢慢就唔夠
不過其實多位有多位玩,小既有小既玩,未必生存唔到既!

岩岩接觸PT而且類別局限就揀個易入既試下好采應該算係易生存果種好多大佬都會對新種開地圖砲免費，就咁用屋企個網絡冇買Seedbox都夠慢慢賺上傳不過實際上傳率太低真係再玩第二個pt既話我可能要考慮買Seedbox

唔一定要國外站既,台灣那個站台我見到連七八十年代既卡通都仲有種

話怕難生存既就去D細站熟習下先,就算玩爛左都唔太可惜(雖然最細個堆站都要幾個月先開放一次注冊),玩熟左就想方法去大站玩,成個世界都唔同左!

我都係 我部nas 都係放啲重要野
行完raid6得個8tb 好少
應該唔係好玩得起

唔會玩唔起的,只要有刻制能力(最初係好難),唔好乜野見到想下就下,
慢慢累積個上載率,多下載一些免費的或FREEX2的(為左個RATIO即使唔係自己想要都去下,整整下就會成為一種習慣)

下圖又係另一D你估唔到都仲有既資源!

其他PT又未去到u2咁極端既
係得u2可以個個手持seedbox咁款姐 整到冇肉食

SEEDBOX之下都有生存空間的,有SEEDBOX既好多都唔係長期做種,只係粒種一出最多人既時候先會惡,非新種好多都有下載人多過上載人,多擅用FILTER,找那些入手賺上傳便可!

其實外國興seedbox做種

巴打好熟,玩左好耐?有乜站?將來互發𨘋請