琴日同女友訂咗灣X國際 諗住staycation...點知我哋掛住行街睇戲，最後搞到5點鐘先去 check-in，搞完手續上到房太急，我哋兩個都唔記得敲門就入房...一入到去間房有陣臭味，天花板又霉燈光又暗，但都不以為意
Settle 好我哋就叫 Foodpanda 食，等等下外賣諗住開個電視睇下，故事去到呢度都正正常常。外賣到咗之後我就熄電視落 Lobby 拎外賣，食飯其間我哋都係睇iPad，冇再開過個電視睇
食到一半時突然個電視第自己開咗
我同女友都以為係機件問題，都冇咩點理，熄咗佢繼續食。但其實我隱約係窗倒影到見到有團黑影...廁所門又自己打開
過多10分鐘，個電視第二次自己開....今次我同女友呆咗，順手又熄翻佢。因為今次個電視唔係開咗咁簡單，佢係自己轉緊台搵緊channel 同自已較緊音量，我哋嚇到即刻熄咗佢，同埋將個 Remote 放係身邊，確保佢唔會再自己開
點知.....個電視機好似shot shot 地咁不停自己開，跳制，忽然好大聲....我大大聲講 你唔好再㩒啦吓，諗住定一定驚，睇下我啲陽氣震住啲污糟野，然後....我哋再狂㩒個熄機制，佢無反應.....今次電視機熄都熄唔到....女友嚇到即刻熄左個總制，我哋都驚到拿拿淋汁野退房
退房個時好心同酒店啲人講聲，電視機好似有啲問題，佢哋都不以為意...純粹分享，大家以後揀酒店小心啲.....同埋真係記得入住前敲下門
