造櫃用咩鉸同路軌

大陸做櫃用咩門鉸同路軌
定係香港買完運上去好？

Search OSLASA 😉 歐洲嘢

Blum，可以叫大陸廠報埋

Blum 門鉸都算平
但如果櫃桶都用，唔知係咪要用埋佢個d 隱藏式路軌，個d就好鬼貴

我廚櫃大部份都係門鉸，得三個櫃桶，所以全部叫佢用晒Blum。
另外一個拉籃及一個延伸枱面就叫上面廠提供門板，自己响香港買kessebohmer自己裝，都唔太難。

鉸可以用BLUM ; 香港買行貨既都係奧地利入口
但要問清楚木工師傅用邊款
因為按你既設計唔同; 比如110度 鉸;都會有唔同款for 唔同設計用
大陸BLUM好多假鉸, 你search 下就有好多
同埋唔知大陸行貨係唔係奧地利入口
唔介意運費同煩就 香港買寄上去比廠
補充一下就係買晒有阻尼既款;
我個時師傅好心提議一半有一半冇減低個cost (比如同一隻門)
不過我就覺得買晒有阻尼先; 你之後可以自己調較要唔要阻尼功能
(阻尼可以控制關門既快慢)

路軌
BLUM得隱藏式啊路軌
好處: 美觀, 真係好順
壞處: 相比非隱藏式好貴, 我今年買一套大約HK$300蚊, 比如做一個大衣櫃十個櫃桶已經要HK$3000 , 講緊淨係路軌, 值唔值見人見至
同埋好睇你既設計, BLUM路軌要預留好多空間 , 變相你個櫃桶裝野容量變少左, 另外, 有時係個設計用唔到BLUM呢種路軌, 比如高度唔夠, 就唔岩用

其他 可以睇下Hettich (德國) ; GLASS (德國) 都係五金界名牌, 不差於BLUM, 都可以係旺角有一間賣進口五金既鋪頭買到 (行內好出名, 問木工/裝修師傅應該知)
至於用邊種就真係睇你個設計, 因為有時岩你用既款得一個品牌有, 其他冇, 所以我覺得最緊要就到你本身設計
你可以帶埋圖紙去問, 間野都幾PRO同好NICE, 我係完全外行人去問佢都慢慢講解邊款岩用, 有咩好處唔好處

我第一次攪呢D, 網上資料太零碎, 我都study 左好耐, 希望幫到搵廠做家私既朋友

好多謝各位