先自我介紹下，認真研究自學唱歌大概10年左右
但因為資質唔係非常好，自學到某個瓶頸就跟老師學發聲同唱歌
好耐以前係香港有好短暫地跟老師學過唱歌，但因為貴同埋感覺成效不大好快就放棄左
之後就因為去韓國留學(唔係讀音樂)，所以喺韓國跟過4間出名嘅發聲學院學，依家都一直學緊，亦都有上歌唱老師課程(學習教學方法、接觸大量學生同case 等等)，依家都有keep住online教緊唱歌，同埋大概每星期都係youtube/twitch直播唱歌
以下係我拍過關於發聲最基本、最宏觀咁睇嘅三大元素 缺一不可，建議所有巴打可以睇左先 之後再一齊討論
https://youtu.be/q0meWF6QrE4
由於我學嘅係現代流行曲嘅發聲同唱歌技巧，所以對聲樂/搖滾都唔熟悉(著重嘅點同技巧有相同都有唔同) 只係有睇過少少 都可以照問 但應該9成5答唔到
首先講講我對學唱歌嘅睇法，首先我認為唱歌天份雖然都重要，但係努力大過天份，有一個啱嘅方向同指導，再唔偷懶不斷練習，係可以有非常大嘅進步，聲音都可以有明顯嘅改變
首先拎我自己做例子，細個唱歌有少少天份，但狀態就好唔穩定 一時唱得好好 一時就係夾硬擠壓喉嚨扯上去
以前嘅高音極限就係擱淺嘅c#5 唔係次次唱到 唱出黎音質次次都唔同 好唔穩定，有幾年時間唱唔到假音，基本上有假音嘅歌都唱唔到 8成會炒 破音/冇聲出，而其實係中低音嘅時候發聲已經唔好自己又唔知 淨係覺得高音有問題 忽略左基礎
亦都因為自己冇好好學同練 死唱爛唱嘅關係重有慢性咽喉炎 差啲放棄左唱歌
黎到韓國之後因為網上有更好更多嘅資源不斷自學研究 再跟好老師學 依家c5d5都係比較輕鬆上(當然唔同發音都有差異 有啲發音係比較難唱) 除非好似韓文癲佬歌咁一首歌入面勁多g a b4 同埋 c d5 未必唱得哂成首
依家都不斷每日練習緊 不斷唱緊
而以下係我學過其中一個學院嘅院長 佢自己嘅18個月before after 佢當時係每日練2-4個鐘 先咁快有咁嘅成果
https://youtu.be/6xGcIfDX_yo
而我嘅教學係結合左4間學院同依家不斷學習緊嘅野，再改良而成嘅課程 亦都會因為唔同嘅人同情況 製訂適合嘅練習同順序。
而且我認為香港同韓國普遍係發聲教學方面最大嘅一個差異就係 香港大多係用SLS嘅教法 即係用mum/ nay 等等唱 scale 又或者係用唱歌去練(但老實講我認為就算scale唱到高音 但唱歌唱到同唱得好聽嘅唔多)
但韓國就百花齊放 乜方式都有 而且真係好多老師都唱得好好
講到呢到 以下係一啲我唱歌嘅片，全部都係直播cut出黎嘅live, 無混音無修音
https://youtu.be/aTxR_QWLTIk
https://youtu.be/PDhe0RMJkU8
https://youtu.be/VeK19eH2WDo
同埋我嘅 Instagram 有更加多直播嘅live cut
https://www.instagram.com/carson_mnl/
希望多啲人可以加入討論，我開呢個po嘅目的係
另外更加想嘅其實係就算對學唱歌冇興趣都好 希望有多啲人聽我唱歌
因為太忙 我未必可以好快咁覆大家 希望大家唔好介意 但一定會覆的!!
P牌推唔郁 希望唔會沉
