自從裝左小熊來電之後……我部電話就無響過……
係咪我部電話壞左啊？
而且我覺得街上面啲人好似見我唔到咁啊……
我好驚啊……
點解會咁嫁？(1/3/2015 08:19am)
----------------------------------------------------------
「喂？」
「喂，係。先生你好啊，衣到係激光美容……」
正當個傳銷既「八婆」以接近光速既口速浪讀緊佢既開場白果陣，我即刻Cut左佢線！
仲大大力咁拋左部電話落床到，大叫一聲：「頂！」
做傳銷既朋友睇到衣到，暫且原諒我既無禮，用「八婆」去形容你地。
因為今次已經係我今日收到既第四個傳銷電話，更重要既係我同我女朋友已經除晒衫準備激戰！
「有無搞錯啊，成十點幾十一點，做傳銷果班仆街唔洗收工架咩？咁夜仲打過嚟做咩啊？」
上身半裸既我坐左喺張單人床到不停抖大氣，就算成間房一早熄左燈，都會見到我塊面西到啊媽都唔認得。
同我一樣除剩內衣既Happy粒聲都唔出坐左喺我則邊，攬住我話：「傻佬，唔好咁嬲啦。」
Happy成個頭挨左落我到，同我面貼貼，又不停咁拍我膊頭，平熄我心入面果團怒火。
望住Happy對我咁好，我都嬲唔落果班傳銷佬。
不過，我心入面都知道：「唉！今晚都係做唔成架啦！」
我喺地下執番起啲衫比Happy話：「不如我地出去食宵夜啦。」
Happy「嗯」左聲就乖乖地著番衫。
如是者，我同佢用左幾個字就著好衫由大棠既屋企，出番元朗市中心食宵夜。
作為元朗丁丁，食宵夜就一定唔食B仔既，但係我依然會同Happy去果到食宵夜，因為我地就喺果到識既，But this is another story……
入番正題先，因為Happy就住荃灣西果邊，所以我同Happy去左又新街果邊既B仔(新b仔)食，咁就方便送佢坐西鐵啦。
我地叫左一份雞翼尖同一個渣渣之後，就坐左喺到撳電話。
撳撳下，我就醒起今晚班班傳銷點壞我大事，於是我即刻上google play search "小熊來電"
望住個搜尋LIST第一個就係"小熊來電通知"，我就望落一格係"小熊來電通知(威力加強版)"
我心諗：「你班傳銷佬，你得閒無事打下嚟，我都接受到。但係今日之內收到成四個，仲要壞我人生大事，我就DOWN個小熊來電通知(威力加強版)，睇下你地仲煩唔煩到我。」
於是乎，我就快快手撳幾撳，等個APPS down落嚟。點知佢個file又大，我又用緊3G上網，慢到死。
所以，我就放低左部電話，等野食到。
點知真正既惡夢就咁開始……
