[Switch] A列車で行こう はじまる観光計画 (A列車：開始吧 觀光開發計畫)

有時心急想看看鐵路、城市會變成怎樣，會忍不住要繼續玩下去，中間又要時不時做些決定，這樣就不知不覺用上幾小時了。

築公路除了接駁地方外，亦可以帶來車流人流，促進都市發展，我留意到遊戲中自行生成的建築物，不少都是由車道旁開始的，算是一種投資吧。另外築路的成本算是捐款，可以扣稅。
https://forum.gamer.com.tw/C.php?bsn=176&snA=828

感謝意見，恭喜過關標準模式。

簡單模式係設計俾想參照現實建設的朋友，隨心玩唔限年期但保留目標。

而標準模式一定要跟返遊戲機制嘅邏輯思考先玩得通，否則參照現實開條鐵路由機場島不停站冇景點直出青衣九龍會投資大收入低死得好慘。

其他朋友如果卡呢關，我有少少參考貼士：
1）增加巴士站係低成本向上影響住宅人口嘅重要因素。
2）呢關如果鐵起心腸不起鐵路，係唔會觸發隱藏目標，少個目標就易啲通關。
3）巴士總站上限1500人，鐵路車站大樓3000，而碼頭係9999人，沿海高集客力景點旁有咩交通設施好值得諗諗。
4）有景點功能嘅子公司，集客力有高有低，例如主題公園只有1星，而不同體育場館係有3／4星級數。

至於結局，的確係偷懶。因為響Switch冇實體鍵盤打咁多字的確好麻煩。

我都覺得要帶起空地發展，從而促進人口增長，是劇情的最大難題。我的方法是為受歡迎的景點設計要轉幾道車的觀光路線，透過轉車站的人流誘發空地發展。

假如用 dock 的話，可以插 USB keyboard 打字。有機會可以試試！

我想問下列車嘅回送設定入面嘅回送時間其實有咩意思？

例子：
營業開始時間06:00–營業完結時間22:00

咁你可以設定：
回送開始時間 05:00–回送完結時間 23:00

咁樣0500-0600、2200-2300就係「回送時間」。
而2300-0500就係列車熄燈「運休時間」。

要留意回送時間是否足夠，否則列車基本上到運休時間就會響附近可以停嘅站停低就熄燈唔行，有可能塞住其他想行嘅車。

要計站與站嘅時間先知花幾耐時間去想泊嘅地方，仲要諗每部車泊邊個位，整呢個時間表堅花時間，所以係擴張功能嚟，俾深度玩家過癮。你唔設回送時間由得佢過咗營業時間響附近熄燈停車都OK，對收入冇咩影響。

廠方七月舉辦咗A列車拍攝比賽，啱啱公佈咗成績，雖然只受日本本地玩，但大家都可以欣賞吓：

一、車輛設計組

第一名：廢線追憶
重遊廢棄軌道，看着眼前已飽歷風霜、滿是破爛鐵銹的車廂，彷彿走進時光隧道，加上兩旁櫻花襯托，感受到思鄉之情。
（奬品：十萬日元JTB旅遊券+特製紀念相框）



次選共2名：
1）街角連繫：使用剪影這個世界共通的語言，連繫機場與市區，在車廂上的剪影反映出巡迴一圈的真實景色。（奬品3萬日元旅劵+相框）

2）桃太郎物語：大人小朋友都識嘅桃太郎故事，坐住列車出發往鬼島之旅體驗傳說的感覺真是十分有趣。


特別賞1名：城牆列車
車身完全融入城堡的建設中，保護了當地的風景，更像是與城堡同時建成的防護牆。



Source: https://www.atrain.jp/at-photocon/award.html

（續）

二、風景組

第一名：彼岸花
河川兩旁在盛夏中煙花熣燦，列車上的煙花塗裝形成此岸之花與天空中彼岸之花的聯繫，真想令人到當地一遊親身感受


次選2名：
1）山中秘境
綠油油的深山之處，存在那一點櫻林，聽着流水的聲音在這裡賞花是賞心樂事，此幅照片的構圖技巧表現高超


2）瀑布下的彩虹
三條巨大瀑布下等待一列彩虹列車出現，壇花一現轉眼即逝成為珍貴的照片拍攝場所


特別賞：
油田中只有一輛SL蒸氣火車，襯托出一望無際的沙漠的乾燥感。真是令人很想坐在車上輕鬆看着看不完的地平線。


Source:https://www.atrain.jp/at-photocon/award.html

每件入選作品都各有特色，尤其喜歡風景組的第一名。
另外我周末花了些時間試用創造模式及設計列車，無想像中難用，用熟了就覺得有趣，也做了個成品。

日本版好多人都係就咁整完部車就Share出嚟，唔整地形同劇情，俾人download。
可以copy設計圖去其他save用，幾正。

啲輕鐵色整得幾靚，有嗰個神韻！

完成了另外兩款塗裝，並已上載，有興趣可以下載使用修改。

剛剛見到，在前作《大家的A列車PC》中﹐也有一個由玩家製作的香港版圖。

https://steamcommunity.com/sharedfiles/filedetails/?id=2512900504

多做了一些列車和巴士。

應該花咗唔少心機希望繼續創作，
越多款唔同嘅車一齊跑畫面係越靚。

Btw，除咗低地台巴士同雙層巴士個模，嗰隻後置引擎巴士都啱整某啲巴士款，例如九巴嘅阿比安維京，個殼都幾似。

可惜上一集 PC 係用 3DS engine 做，希望今次觀光計劃都可以快d 出 PC 版

雖然 A-Train 9 都好玩，但就無 觀光計劃 果種活力，似砌模型多D 但 觀光計劃 見到d車、人仔行黎行去，真心兩個層次

玩咗三次都唔知要由邊度開始入手可唔可以講吓起手應該整理邊啲系統先

開局無耐用晒20架巴士都淨係容納到3萬觀光客左右

觀光客主要來自鄰市，故要增加觀光客首要做好連接鄰市的交通。若果是受歡迎的景點，基本上你有多少車未往，就會有多少觀光客。留意遊戲開始時，觀光點離哪個鄰市近，做好相關交通接駁，引入觀光客就最有效率。由於另一目標是鐵路收益，用鐵路或者是一石二鳥的方法。
人口增長亦需要一早著手，建議同時間做好連接住宅區的交通網。由於要滿足鐵路收益的要求，建議多用鐵路。車站最先該建在交通需求大的公共設施旁，亦可以在連接鄰市的觀光路線中，引入轉車站，那些車站有才會有人流，從而帶動周邊發展，吸引人來入手住。車站周邊亦要築道路網，否則人不太會來。自行蓋子公司住宅也可以，蓋前留意可否利用公社補助金節省成本，也要適量增加人手確保效率。
同時間控制好成本，頭兩年避免赤字，以便第三年可以上市集資及大幅借貸，以完成部分很用錢的目標。

例如玫瑰園呢個scenario嘅情況，煲蓮子大佛基本上冇可能起鐵路直通，咁港島過嚟嘅旅客就必然塞爆經嶼南道梅窩上昂坪嘅巴士（講緊轉埋用機場巴士都裝唔晒），變咗呢個方向嚟到嘅觀光客人數有限而且個效率仲會好低。

係咪即係話大澳嗰邊反而比較容易開發？因為睇落嗰邊可能用鐵路都拉到埋去？從而第一個渡輪碼頭（唔計梅窩嗰個）係好似應該放喺東涌，而且公司嘅第一個計劃應該係要攞地下鐵道技術，令到我哋可以盡快整到一條去大澳嘅鐵路並且方便新界/澳門過嚟班人上岸轉鐵入大澳？

同埋幾次望到就算係起好站站停嘅東涌線都好，九龍過嚟嘅觀光客都係得個位數字，係咪即係嗰個方向嘅優先次序係攞埋地下道路技術開咗北大嶼山公路先然後再考慮東涌線/機場快線點起？

我第一條鐵路就是由大澳拉去澳門。
地面車站放得好的話，是可以直接用鐵路把澳門觀光客直接帶到大佛的。有需要的話都可以築路用巴士帶鐵路客上山。觀光路線盡量以鐵路為主，巴士做短程接駁，會較有效率。
渡輪碼頭放在東涌，由該處設計一條多次轉乘的觀光路線，的確是把新界觀光客人流引入，促進當地發展的好方法。
地下鐵路技術方便在山多的地方拉鐵路，值得一早投資。
九龍觀光客方面，你可以檢查下由九龍到各景點的路線是否已建立好，同有沒有投訴。路線中間的站不太影響觀光路線的人數。
港島客方面，或者可以試下蓋個短支線，把客人帶到東涌線後再轉到西部景點？這樣除了有效運用東涌線的運力之餘，亦協助帶起東涌線中間部分的發展。

唔會㗎喎

1架單層旅遊巴最高載客34人，1日24小時行可以行到1.5轉roundtrip梅窩去昂坪/大澳，即1架巴士1日有50人嘅運力。

20架巴士，1日有1000人次運力，1個月就3萬，計落一年可以載到三十幾萬客㗎喎。

個目標只係一年100萬客，60架巴士理論上已經夠做。（當現冇咁簡單，因為車站只俾你最多1500人等巴士，要諗其他方法玩）

係咪有啲咩誤會？

原作者出現了

我就係喺東涌set多咗一個巴士總站然後嘗試將啲巴士分落去幾條唔同嘅巴士線度（以梅窩-長沙-大澳/昂坪）然後發現日日啲巴士爆廠都食唔晒啲客。

我連重建東澳古道縮短車程都試埋，都依然係個個巴士站都塞爆人等車。所以先諗用鐵路直接殺入大澳/昂坪會唔會先係正解

同埋就係啲車全部滿載之後買唔到車，先知道個巴士嘅上限保有車數係20架

入去計劃投資加車庫。每加一次可以買多20部車。

到真係加足60部車嗰陣就塞死晒喺巴士站出面啦都唔使話巴士站候車人數上限呢個問題

但係第一個計劃都係攞地下鐵路起隧道好啲？