玫瑰座瘡左幾年一直冇好過

由幾年前有呢個病 食過a酸好過之後又復發 乜都睇過囇都唔斷尾，長期冇自信唔想見人，有冇人可以話我知食d咩做d咩先好？

樓主加油，你係邊type既 rosacea？

+1
月尾諗住試laser

放心試啦，我laser 5-6次+茶藥膏
而家好番9成了
唔會再生d 好痕既粒粒
泛紅仲有，但係真係好少，接受到，仲要一路茶藥膏會一路退

我係食A酸好的，完咗個療程之後嗰排皮膚會好好，係果斷時間要搵適合自己嘅護膚品，我都係反覆食過幾次，試過食完又復發。

睇完你cm覺得人生有翻希望
你打幾錢一次？
我個醫生好似ok出名 要5k 一次...

我個醫生應該係行內最出名果個 （非打手因為佢好撚串）
package 嚟 好似2xxxx 5次定唔知6次

而家既泛紅我接受到 因為只係好少
最好係無晒果d 痕粒 以前真係好困擾
而家沖熱水涼 飲酒 飲咖啡 全部都唔會出了

我都係呀 食緊抗生素

酒糟鼻

加油

係邊間laser 同埋幾錢左右架？

我已經復發第三次了

係咪剩係得個鼻有？

我早幾年都曾經以為自己有玫瑰痤瘡
但後來自己search過覺得好奇怪，因為我淨係會面部泛紅，唔會覺得慶/無咩粒粒

後來睇外國Forum+兩燈既rosacea 相關既post+台灣文獻；我先知道自己係蟎蟲感染而唔係玫瑰痤瘡 之前睇過所謂玫瑰痤瘡專家，食咗半年有多四環素都唔見好轉但之後我搽咗隻專醫蟎蟲感染既藥膏之後，三個月已經清曬變返正常人

奉勸各位如果覺得自己剩係得面部泛紅但冇其他特徵嘅話，可以判斷下自己係咪真係玫瑰痤瘡定係蟎蟲感染

頭盔：香港據我理解係冇得照皮膚睇下有無蟎蟲我嗰陣都係自己大膽嘗試，如果有咩疑問都係問醫生好d

因為我冇粒粒淨係紅 但你隻蟎蟲藥膏邊到買？

要搵醫生打laser (唔係美容院）
否則食乜藥都無用

我想問吓藥膏喺邊度買

求醫生/藥膏介紹

玫瑰痤瘡係慢性皮膚病
唔會好返但可以靠保養減小復發
唔嚴重既話 建議你試下食藥先
食左一個療程都唔好先好揀做激光

絲打如果你都係淨係會紅唔會點慶（好緊要），好有可能係蟎蟲
隻藥膏叫soolantra ， 我果陣喺香港搵左好多間藥房都買唔到到最後要係淘佬搵代購先買到（但佢又話喺香港代購，我自己喺香港都搵唔到，吹脹）
佢唔平，差唔多要五舊水一支但嗰陣睇一次專科都唔止

呢隻藥原理係令蟎蟲郁唔到之後餓死/無得交配黎減少佢數量，所以外國有forum user feedback係話d蟎蟲死後d屍體釋放好多細菌，有人塊面會大爆發一次，之後就會慢慢好轉。
但我嗰陣Touch wood係無爆發既，因為我通常夜晚臨瞓前搽全臉（包括眉毛但唔包括眼附近），第二朝用普通一舊舊果d番皂細乾淨塊臉（包括眉毛）（污糟水唔好入眼，好重要），然後過咗三個月就已經好番曬
到依家已經過咗兩年都無番發，希望幫到大家

頭盔：始終呢支係藥，大家都係問返醫生意見

你覺得做激光係咪適合啲好嚴重？一般初期係咪有得唔激光都盡量唔好

我果陣中西醫同時睇，幾個月好返
而家有時都仲會紅但唔嚴重，同耐少少會自己褪返

+1 第一次睇醫生果陣都開左抗生素同呢枝藥膏
不幸地我搽完之後係有大爆發（維持左兩個星期左右），成面都係細粒粒 紅 痕同覺得熱，難捱到搭搭下巴士係度喊，晚晚爬文安撫自己

但爆發左之後就會進入穩定期，我停晒抗生素冇做激光只有搽藥膏 so far 間唔中會有1-2粒痕粒粒 其餘時間都okay

建議可以問下醫生，藥膏之前好似係西營盤藥房買到，可以上網search下