究竟周慕雲係吳哥窟講咗啲咩

有日係random 既廣東話歌playlist聽到首偷情歌，係吳雨霏唱，叫吳哥窟，填詞人係林若寧。其實首歌唔係話特別好聽，但係呢句歌詞令人諗起將心聲安葬係吳哥窟既周慕雲。

巴打好耐冇出旅行遊記

寫作練習又好，吟吟噚噚又好，總之係個短篇遊記。長篇可以睇返以前啲post。

在墨西哥尋找墨西哥女郎和大隻牛
https://lih.kg/139968

有冇人同我一樣鐘意返大陸旅行
https://lih.kg/aDisgS

以色列跟約旦都不過聖誕節
https://lih.kg/ccAoFS

去印度係咪一定會肚痾？
https://lih.kg/LhcxcU

星期日，去咗一個好多印印既地方
https://lih.kg/1855261

2017年，可能已經無意中影低咗新疆既最後一面
https://lih.kg/2153496

早排開多咗個ig用嚟鳩噏下，隨便寫下野，不過唔係成日更新，有興趣可以睇下
little.bit.c.h

去得柬埔寨，其實都係去睇吳哥窟，Angkor Wat，Angkor 係寺廟，wat係城市，所以佢係寺廟之城。可能有啲人未去過吳哥窟，就真係以為係個窟。其實吳哥窟係一個好撚大既地方，分咗大中小三圈，最多人識既就應該係嗰幾碌粟米頭。

吳哥窟既入場券分一，三，七日，持票可以同日無限岀入，如果你係買聽日既飛，買飛當日黃昏你係可以入閘上巴肯山睇日落。
日落既背後係多人到仆街既觀景台。

有人話，巴肯山既日落係最美既日落。消失係森林之中既鹹蛋黃，係另一種寂靜。
面對可有可無既感情，面對可有可無既工作，面對可有可無既人，面對可無既自己。尋找自己係一個孤獨既旅程，思考係痛苦的，不停否定其他人既價值觀，甚至否定自己，諗自己應該做既嘢，應該行既路，感覺大概就好似用隻手伸入個腦入面，試圖係一督漿糊入面搵返個跌咗落去既一蚊銀，即使搵到，都成手杰撻撻。
呢幾年嚟，感覺上做咗好多錯誤既決定，儘管當時認為係正確，即使可以重來，結果都係一樣，因為你既意識思想其實並冇改變，諗重頭嚟過，不如諗下以後你會點諗依家既自己。

好掛住蘇麗珍 好想見返佢

十七八歲既時候睇花樣年華覺得好撚悶，點解兩條友咁撚咪磨，偷情偷得咁文雅，要扑就快撚啲。
當你年少無包袱既時候，愛情係好簡單既一件事。其實即使你老咗，愛情都一樣簡單，如果你唔放咁多考量入去。不過呢個係好天真既諗法，只有兩個獨立有自己生活，照顧到自己既人先可以互相扶持。愛情係奢侈品，冇咗你唔會死，但可能會覺得孤獨，孤獨唔會死，寂寞都唔會死，只係怕寂寞先會令人發狂瘋癲，最後做咗好多傻事，比死更難受。所以要用偷嚟既愛情，偷來既一通電話，一次偶遇，舒緩勒得太緊既靈魂，濕潤一下枯乾既心靈。
當你發現原來十年係好短既時候，重新睇咗一次花樣年華，都係覺得佢地好撚扭扭擰擰，只係明白多咗佢哋身上既寂寞同枷鎖。

“如果有多張船飛，你會唔會同我一齊走？”
呢個世界冇如果，所有用如果開始既故事都係悲傷的，只有後悔，先希望有如果。
寂寞會互相吸引，唔係因為萬有引力，係因為相似既人會互相明白。

人若變記憶便迷人

空虛，其實就係心靈既空洞。有人受過太深既傷，唔敢再愛，有人從來未愛過，唔識得分點樣係愛，強求自己要愛得不悔。種種原因不停刺穿內心，所以會想填補。可能係防備，又可能係逃避，內心空虛既人，唔識點樣同人建立一段心靈上親蜜既關係，無論係親人，朋友，定係情人。一段關係需要承載既能力，承載其他人對你既感情，呢個空處穿洞既狀態就好似用筲箕去裝水一樣，兜兜轉轉，倒到一地都係水，成腳濕哂。
當你開始形容唔到呢種感受，只可以用自己既心思情緒去承載，咁就係孤獨。孤獨係一個過程，而唔係單指一個時刻。孤獨既人像雪山，片片既雪花，片片既思維，片片既沉重，堆疊起綿密既積雪，沒冇任何聲音，絲紋不動。孤獨既顯現就好似雪崩，原本既雪山係寧靜，係無語，無聲，直到落下最後一片雪花，故人既一聲輕呼，輕微既震動，卻引起堆積咗好耐既積雪崩塌，一瀉而下，將你吞沒殆盡。
咁講好似有啲抽象，其他人亦唔會明白你既感受，嗰種感覺，大概好似年輕的你唔會明白點解啲啊叔會自己一個食飯飲啤酒。等到你有日四十歲，人生過咗一半，可能已經生兒育女，又可能孑然孤身，某日放咗工，你已經俾一日既工作同人事搞到心鳩俱疲，諗起以前錯過既人和事，岀賣過既夢想，放棄過既愛情，冷落過既朋友🚬你發現可以同你分享共同回憶既人已經一隻手指都數得哂。

你可以做既就只有自己同自己講，然後埋葬係一處對方永遠都搵唔到既山旮旯地方。

太早入黎留名

柬埔寨係一個又曬，又熱到仆街既地方。去完返嚟，你會變成一塊Brownie。

第一晚去到hostel，食既係一個奇怪既薯屌拼煎強碟頭飯。

當其時既小賤人仲係一個認真既人，一路食飯，一路睇緊吳哥窟既資料。
可能一個人食飯顯得有啲寂寞，一個三十零歲既荷蘭女人問小賤人去唔去天台同佢哋一齊飲酒。

七，八年前既柬蒲寨啲嘢好平，一支威士忌都只係六蚊美金。
認識咗英國既女大學生，澳洲既沖浪男孩，丹麥既紋身獄卒，德國既自由記者，戰鬥民族既性感尤物。
飲到醉醉地，荷蘭女人俾咗佢既紋身小賤人睇。
咩意思已經唔記得咗，不過好記得佢話:You are lonely. Don’t think too much. You only live once.

人一世物一世，咩都試吓，但呢個只係用嚟氹人落壘既理由，人應該做自己鍾意既事，想做既事同需要做既事，而唔係乜鳩未做過都去做吓。

丹麥既阿叔見到俄羅斯既囡囡，應該有啲鳩趷，於是乎想搵佢飲酒，諗住可以借醉行兇。

佢為咗提高成功率同營造友善既氣氛，佢拉咗小賤人一齊去，可能佢覺得呢個Fucking Chinese柒下柒下，冇乜殺傷力，人哋唔會覺得佢有咩企圖。三個人飲咗一支威士忌，丹麥佬同賤人飲咗半支，戰鬥民族飲咗半支，相信結果大家都知道。囡囡面不紅，耳不熱，話要返房沖涼瞓覺，話聽日要睇日出。
第一晚就醉到訓撚咗係天台，連hostel既床位都蝕埋。好心既英國妹妹幫小賤人冚返塊布，免得陳屍荒野。
第二日，佢話:有人係隔離扑嘢，你知唔知？
Shit, 錯過咗live。
正如呢個post都唔係live。

遊吳哥窟得三種方法，行路，踩單車同埋包架tuktuk，冇記錯都要十幾廿蚊包一日，最抵屌，梗係喺hostel湊人頭。丹麥睇嚟冇俾前一日既失敗打擊到佢既自信。
兩條麻甩佬同英國妹，係大家分別之前一齊去咗最外圈既寺廟。

寺廟入面好多佛像係冇咗個頭，有啲係打仗既時候俾人搶咗，更多既係俾自己人偷咗去賣。

係寺廟入面你會見到好多有細路仔，佢地見到遊客就講: one dollar。其實想俾都幫唔到咁多。網上有啲傻鳩話，直接俾錢唔好，可以買文具代表。屌，心諗你係咪玩鳩佢，書都冇撚得讀你俾鉛筆佢做乜鳩。買吓糖俾佢哋食好撚過，起碼甜過。

係吳哥窟，有一幅畫係一定會見到。係關於一個印度神話，Churning of the Ocean of Milk，譯做攪拌乳海，或者乳海翻騰。依家佛教係柬埔寨既官方宗教，九成半既人都係信佛。但係吳哥窟係世界上最大既印度教寺廟群落。“印度神話中，神祇也有生老病死，眾神一直被這個問題所困擾。而眾神所居住的宇宙中心，最高山須彌山四周被宇宙海乳海所包圍，乳海中蘊藏著可讓眾神長生不老的甘露。
善神（提婆）們和惡神（阿修羅）們在一次激烈的爭執後，約定一同攪拌乳海，取得長生不老的甘露，然後均分。毗濕奴讓大家把草藥投入乳海；以須彌山作為攪海的杵；毗濕奴自己化身為巨龜俱利摩沉入海底，作為承托攪杵的支點承受攪杵的重量；以巨蛇那伽（一說是龍王婆蘇吉（Vasuki））的身體，作為纏繞在須彌山上攪杵的攪繩。九十二個阿修羅持蛇頭，八十八個提婆持蛇尾，以輪流撥動巨蛇身體的方式，一起攪拌乳海。
經過千年的攪拌，在乳海翻騰的過程中，各種新的生命和寶物隨之誕生，最後被眾神瓜分。其中包括一隻香潔牝牛、谷酒女神沃魯尼（Varuṇī）、樂園大香樹、成為因陀羅坐騎的三頭神象（Airavata）、成為毗濕奴妻子的吉祥天女、魚、蝦、鱷魚、龍、蛇、龜等。靠近須彌山的生命，則因海水攪拌的劇烈而紛紛死亡。而巨蛇也因忍受不了翻攪的疼痛而口吐大量毒液。這毒液足以毀滅三界，情勢危急。於是眾神向濕婆求助。濕婆不忍眾生受苦，只得硬生生將毒液吞入口中。而濕婆的妻子雪山女神扼住了濕婆的喉嚨，阻止了毒液進入濕婆的身體。最終三界得以保存，但是濕婆的喉嚨被毒液灼成了青紫色，因此濕婆又被稱為青喉者（Nīlakaṇṭha）。
最後，甘露終於出現了，卻出現在靠近阿修羅的這一邊，被意圖獨占的阿修羅率先搶走。阿修羅剛要飲用，毗濕奴擔心阿修羅喝了甘露後對諸善神不利，於是將乳海濺起的浪花化成無數飛天女神。這些飛天仙女有著曼妙的姿態，美麗的服飾，赤裸著上身，赤腳跳著誘人的舞蹈。阿修羅們看得魂不守舍，忘記了手中的甘露，提婆們趁機奪回甘露，一一服用，獲得了長生不老。
一個神志較為清醒的阿修羅羅睺眼看甘露要被善神們喝完，於是偷偷變化成善神的模樣，混在隊中喝了一口甘露。他的行為被日神和月神發現，馬上報告給毗濕奴。毗濕奴在甘露尚未經過羅睺喉嚨的時候，將羅睺的頭砍下。羅睺的身體馬上死去，但他的頭因喝過甘露得以長生不死。羅睺的頭知道是日神蘇利耶和月神（Candra）打的小報告，害他功虧一簣，為了報仇，他一直追著日神和月神。偶爾追上，就把日神和月神吞食入口中，造成日蝕和月蝕。而當日月從他沒有身體敞開的喉嚨跑出來時，蝕便完結。”by 維基。

我去柬埔寨係同兩個fd加埋3個人去，可能本身有伴加上行程都趕，住Hostel住到屌出聲

兩個人一消失 謠言便得不到証實
只得幽暗的晚空記得~

究竟吳哥窟個夜晚係未一粒星都睇唔到呢？

又好似真係冇乜