source: https://gongjyuhok.hk/articles/5766
港鐵喺建造宋皇臺站期間，發現咗好多宋元古井文物。為咗妥善保育出土嘅古蹟，港鐵修改車站設計，並且喺「車站加入考古元素」，當時預算起碼增加咗41億元。今日港鐵終於公布宋皇臺站嘅內部相片，但好多市民睇到都話「唔收貨」。一齊睇下最新嘅圖，睇下你又收唔收貨？
港鐵喺車站藝術方面，邀請咗本地陶藝家黃麗貞女士以當代手法呈現宋代美學，利用陶瓷浮雕重新詮釋宋代嘅畫作，展示春季冬季更迭和日與夜輪轉的美境。
位於車站月台的藝術品 《大地陶詞》（港鐵圖片）
B出入口通道的攝影拼貼展示藝術品的研究、準備及創作過程（港鐵圖片）
車站大堂設有資訊台，並設多個輕觸式屏幕，供乘客查詢行程及車站資訊（港鐵圖片）
社交網站專頁「香港規劃情報」就質疑，「完全睇唔到有咩（大量考古元素）特色可言，唔通有展版介紹已經係特色？」又翻查資料話，港鐵曾經承諾喺車站大堂將假天花部分改為透明玻璃，以便公眾仰視觀賞，車站內設兩個展示箱擺放文物，但喺現時嘅相都睇唔到。
車站大堂相片都搵唔到展示文物嘅地方。
市民留言質疑文物同古蹟去曬邊，因為大家都記得港鐵當初承諾係會喺站內展出。此外市民對站內有文物相片嘅展板都冇乜好感，認為排版同字體都整得幾差。有市民直言：「可以再hea 啲 中學生project 都好睇過佢」、「強迫症睇到會崩潰」。
