「探討人生」其實做到自己同迎合fd存唔存在衝突？

成日柏係口度講，做自己，做自己，做咩嘢，諗乜嘢，都要做自己想做，唔洗顧累別人目光/睇法。

之但係，當你真正做到自己獨有既果種態度既時候，就好難再同fd相處得好，因為每個人每個個體都係獨特，唔會存在喂大家思想觀念思維價值觀做法睇法完全一致

我地總有時候總有機會係為左迎合身邊既人而改變左本身自己果套既做法諗法，自己明明想笑，但係個個都喊，咁我咪喊lor，費事顯得唔合群。

如果做自己就係單純以自己做法諗法去做而唔需要考慮身邊所有人既意見，感受既時候，當你100%做到自己，係咪等於身邊無晒任何人可以相處？

任我行

咁如果你本身性格係鍾意同frd玩、想合群嘅
你迎合佢哋去埋堆又算唔算係做自己嘅一部份?

做自己同性格我覺得又唔係好大關聯，同埋唔係一個層面黎
做自己意思係唔理其他人目光、意見，堅持自己諗既咁去做，如果你要用到「迎合」依個詞既時候，已經表明你係違背緊自己既諗法，迷思同自己諗法一樣洗咩仲去迎合一個同你諗法相同既人

如果你迎合嘅意思係講緊唔會令到其他人覺得唔舒服，只要你身邊嘅朋友態度夠open-minded就可以。但係如果講緊價值觀完全一致嘅話，就基本上唔可以。而且亦都冇意義。因為你根本冇嘢由佢身上可以學到

睇 Frd
搵啲價值觀同興趣同你差唔多嘅人
大家都可以做自己

幾夠都好，如果前提我地唔係同款既複製人的話而繼續做自己，唔顧其他人感受諗法去做，我諗一定會有擦槍走火既一次因為所講既「做自己」前提就係完全唔可以為左迎合他人而做出改變自己既諗法，所以梗有一次係你把口講/做左d咩令到你身邊既人反感，而你又繼續「做自己」，長遠落去就無晒身邊既人

差唔多即係有差別梗有一次係會發生衝突因為你唔會去讓對方，讓左就係迎合，為左和好而忍讓，已經唔係真正既做自己

個人愚見，你上面講嘅應該純粹邏輯問題。

第一個問題在於所謂始終有擦槍走火嘅一次。咁你當100次入面只有一次，即係你既唔會因為99次有和平相處，就覺得係和平相處。但係反而會覺得一次擦槍走火就叫做可能迎合唔到朋友，咁呢個你自己判斷。而且更加重要嘅係朋友嘅價值本身就唔直接取決於你同佢本身自然地有幾啱傾，而係你哋經歷咗幾多分歧但仍然都可以嘗試尊重同理解對方嘅態度。

本身我哋知道尊重係朋友入面重要。但係尊重嘅意義都必須建基喺雙方有唔一樣嘅前提。 只要你明白呢一點嘅話，咁大家有唔一樣，但邊個展現出唔尊重就係佢嘅問題。既然講到明係佢嘅問題，自然就唔係靠你單方面可以解決。

仲有關於你做自己嘅嗰個描述，首先第一樣嘢你要明白，所謂忠於自己唔係講緊以心直口快為名，不顧他人感受為實。第二點係在於唔係單憑第一下擦槍走火，就叫做令到朋友唔開心，必須要睇你之後嘅處理手法。

當然你如果將做自己講到係最高嘅標準係完全唔迎合其他人嘅話， 咁你本身呢兩個比較項當然有衝突，但問題在於你本身所謂做自己，亦都可以係講緊你本身就覺得聆聽他人意見好重要，而唔係偷換概念成為做自己就一定唔可以聆聽他人， 要知道人哋都可以有自己意見嘅時候同是尊重你。 即係如果你今日堅持所謂嘅做自己係講緊你本身就唔係顧及人哋感受嘅人，咁當然會冇曬身邊嘅人。咁但係我亦都唔覺得點樣特別難理解。 反而如果你自己既有你自己嘅諗法亦都會願意主動尊重人哋嘅諗法，咁我亦見唔到兩隻有咩衝突。

簡而言之，兩者唔係必然有衝突。只係你選擇透過特定嘅安排，令到兩者有衝突。

咁其實我都係按照自己諗法去做任何嘢有咩需唔需要尊重咩人，因為要做到真正既「做自己」已經係唔需要參照其他人既睇法同做法即係話已經無尊唔尊重依門學說只要我覺得依樣嘢係咁做，就可以做。我唔會因為我咁做會唔尊重你而我唔去按照自己本身諗法去實行依樣嘢即係好似我去你教堂唸佛經，如果我係做自己我可以即時唸，之但係如果我要尊重返教堂，尊重返你，咁我就變相stop自己唸經依個諗法，咁樣已經做唔到「做自己」既態度，咁其實係必然有衝突而非選擇性

我覺得呢個係邊界既問題

我覺得自己嘅諗法係建基於自身嘅常識同既有知識
尊重都係常識一部分，唔一定關其他人嘅睇法事
又或者基本尊重唔等如就係迎合緊其他人
例如你唔會行行下諗到想拍下人膊頭就無啦啦拍路人膊頭架？

都係果句，你要點定義「做自己」，我上面講過好多次我認為真正意義上既「做自己」係應該點樣抉擇。

如果諗到想拍人膊頭而你因為覺得唔尊重個路人所以違背自己意願唔去拍，咁咪唔啱「做自己」本身個意義，間接你咪就係為左迎合個路人、或者迎合世人既目光，等人唔會覺得你好奇怪而停止左自己本身想做既果樣嘢，正如我一開始個例子咁，個個都喊，我想笑但係又要迎合其他人唔笑得。

所以依度就會出現標題講既轉折，究竟我要繼續做自己想做，定還是迎合大眾，要順應大眾目前認為既「合理行為」去忍手啊，定還是隨自己心想拍人膊頭就拍，唔需要顧累任何咩尊唔尊重，因為你一顧累尊重，你就一定係要stop左自己個意願先，因此先有個標題哥衝突位

一定有衝突的

諗緊果d做到「真正意義上既做自己」既人身邊係咪已經無晒fd，唯我獨尊既境界

咁如果我既「做自己」就係瘋狂迎合人呢？咁我咪又可以做自己又唔洗驚同人衝突

agger

好想可以複製自己同自己做fd

一個人要做咁多個角色 邊個先係「自己」?
你迎合左朋友 拒絕左屋企人(E.G. 屋企人唔比你夜返 但你D FD叫你玩到深夜) 算唔算 迎合「人」?
你迎合左老細OT既要求 拒絕左朋友 算唔算唔迎合朋友?

係㗎，所以其實真正做到自己，就意味住依條友做到所謂既「脫俗」，身邊無晒人脈，因為佢根本唔需要再為所有人去迎合而捨棄自己本身，只要自己想就做

如果你用最後個抉擇黎衡量，而唔係從本身自己諗法上黎講就無錯的。

和而不同目的地一樣咪一齊行 你行另一條路尊重你 但無需配合

你講合群 應該講緊類似"被討厭的勇氣"果種 為左合群 自己又唔舒服