歐洲吸引之處，除咗交通方便，搭飛機平過搭巴士之外，就係各國都有唔同既文化特色。即使係同一個國家之內，唔同既地區或者自治區都有佢地獨特嘅一面。
是咁的，本身諗住舊年開始寫歐洲遊記，但係中途放棄咗。今年就忽發奇想，想做一個關於歐洲小國同城邦(or自治區 whatever)既project。有咁既idea，除咗受陳云本城邦論影響，加上viutv個節目之外，就係同小弟既畢業論文有關。我希望研究國際上類似既案例探討香港前途問題。
第一個trip就係去加泰隆尼亞(Catalonia)同直布羅陀海峽(Strait of Gibraltar)。近年加泰隆尼亞獨立聲浪持續上漲。原因除咗加泰隆尼亞係西班牙王國入面，經濟比較發達、最富庶的地區之一，Catalans長期抱怨付出了西班牙全國逾20%的總稅收項目；加泰隆尼亞更有自己獨特既文化語言。我其中一個會去既國家─安道爾(Andorra)，更係全世界唯一一個以加泰語為官方語言既國家。可想而之，Catalonia對比西班牙有自己獨一無異之處。
而直布羅陀海峽就有兩個好特別既地方─直布羅陀(Gibraltar)同休達(Ceuta)。直布羅陀係位於西班牙既英國海外領土(British Overseas Territory)；休達就係位於摩洛哥(Morocco)既西班牙海外自治市(Ciudad autónoma)。近排直布羅陀因為Brexit，而再次引起西班牙同英國就主權問題既爭論。如果以同一把尺嚟睇西班牙係休達上既主權，會係一件幾有趣既事。
希望嚟緊既十二日，我有機會搵到多啲當地人傾計，了解一下當地既故事同佢地既身份認同。
我第一站就係法國南部既小鎮卡卡城(Carcassonne)~
卡卡城係一隻德國既boardgame, 個遊戲就係受呢到既城堡啟發。
附近一間餐廳都冇，所以求其係間士多買咗個叮飯食。
唔知點解入面有菠蘿粒
