有冇人試過份工辭職要通知期+賠代通知金？

有個朋友之前疫情失業，但屋企人急病極需要錢，騎牛搵馬搵咗間好細嘅物流公司做，合約寫明辭職有兩個月通知期，就算過完通知期都要賠兩個月通知金
點知份工忙不單止，請假陪屋企人睇醫生比人扣糧，到最後屋企人走咗，夠膽死話叫佢比死亡證先批事假最後佢嗰日崩潰幾乎斬鳩曬佢公司啲人先放佢一個星期假比佢休息，然後佢嗰一星期好想走，但因為喺屋企用曬所有積蓄，冇辦法賠住糧咁辭職，我哋班兄弟諗住幫佢睇吓咁樣係咪犯勞工條例，如果冇方法就夾兩個月糧比佢，有冇巴打解答下小弟

邊有咁既約
辭職過完通知期仲要賠糧咁一世唔洗走啦
上勞記啦

邊有又要通知期又要代通知金咁on99

Resign 左，stay 唔足notice period 就要比代通知金
一係就比代通知金即刻走
Stay 夠notice period 唔應該要比家wor

佢有冇得拗話賠個份錢唔係代通知金？係辭職賠錢咁樣？小弟返咗三份工都未聽過 我有諗過叫佢直接搵勞工處/議員，但呢排堆議員都自身難保

勞工處啦
正常就無理由Contract overrides Law嘅

咁合約上面有冇咁既要求
無就彩佢都有鳩味啦

有既都唔一定合法 可以去勞工處問清楚

好多時你一話要上勞工處d employer 知道自己理虧既都會縮沙

不過係我就死都唔會賠錢家啦 都stay足 notice period 仲想我點

你朋友份工返左幾耐 小心佢玩野第日新工reference check 會麻煩 如果唔係返得耐既 唔好寫呢份工落CV到啦

做得唔算耐 我諗佢差不多半年左右
我叫佢打俾勞工處問一問
Thx

應該都係搵勞工處寄信比你叫你賠

即係佢遞信後，係有返多兩個月(通知期)？
如果係就梗係唔洗賠啦

定佢啱啱遞信冇耐？我唔係好睇個明你條timeline。

唔知係咪講緊辭左職
last day 當5月5日先算啦
其間唔俾請假，搞到你朋友好想即時走？

邊度有咁白痴既嘢？咁咪做幾個月定幾年都要幫佢白做兩個月？假膠定個fd水你？真心的話，佢份約合法咩？

如果係真既 份約本身就唔合法
通知期 或 代通知金
計好兩個月即走
佢要出埋依兩個月糧俾你個fd
否則勞記見

簽個時真係要小心啲，試過同樓住一樣要一個月通知＋俾錢

叫佢改返兩個月通知或俾錢先肯簽

點解唔搏炒

唔駛賠啦…重點過左試用期未

幫你係勞工處查咗：

根據《僱傭條例》，僱主或僱員在終止僱傭合約時，須給予對方適當的通知期或代通知金，當中並不包括其他「罰款」。

當然，判斷合約內「懲罰性條款」和「限制性條款」是否適用，需要結合實際情況去判斷，其中一個重要原則就是需要判斷條款內的限制和懲罰『是否合理和切合實際』。根據過往案例，若該員工的離職確實會對公司造成實際損失，而條款所作的懲罰和限制可以切實反映該損失並保障到公司的實際利益的話，該條款是可以視為有效並予以執行的。

相反，若公司並未產生或將不會產生任何損失，只是為阻嚇僱員或藉此從中得利的話，將被視為無效。所以，除非僱主有充分證據證明在 閣下任職期內曾為 閣下代支培訓費用，並曾達成某限期內離職需作賠償的協定，這情況下僱員才可按合約或雙方協定追討 閣下合理的「違約賠償」。

勞資審裁處一般不代執行「限制性條款」/「懲罰性條款」。當然 閣下僱主可循<<合約法>>在區域法院向 閣下追討有關罰款。

佢要證明你朋友辭職會對佢公司造成實際損失（以你朋友嘅職位冇可能）/你朋友曾經同公司claim進修或者其他開支，如果兩樣都冇嘅話叫個老細收皮，勞工處見

勞工法入面嘅代通知金嘅意思係代替通知期比嘅錢

合約寫兩個月通知即係：比兩個月通知期 或 比相等兩個月薪金嘅代通知金

合約寫明辭職有兩個月通知期，就算過完通知期都要賠兩個月通知金

笑次

如果我唔俾通知期咪total 要俾4個月錢？

是旦一樣ga,邊有2樣都要比ga

其實下一份工個HR都唔會信曬reference check講嘅嘢
佢哋都知呢個世界好多PK會唱人
最好interview問點解走個陣講清楚啦
唔好變做大屌特屌就得