元朗上車盤9

采葉最近貴左好多

我知， 只係溫馨提示果位巴打姐 睇住采葉幾個月由5百尾6百尾升到業主叫63x，美股都無升得咁快
同埋采葉巴士有時無位坐 如果淨鐵 采葉幾正
不過翹翠個位太遠 ，得呢兩個簡比我都應該會上采葉

個人就元朗公園至教育路一帶打手呢堆位得舊樓多，有時你想買都無盤/有你心議屋苑盤但個盤唔岩心水

中立d咁講，采葉升得咁勁 姐係市場上有需求啦，你會唔會追入就你自己話事，買樓唔好聽人上網講，你自己諗

買得樓勤力d一日睇幾個盤，元朗好細姐，你google下有咩心儀屋苑，搵一個星期六日勤力d睇樓，兩日full day夠你睇曬你想買既元朗樓嫁啦 ，你同另一半都中意果個盤就去馬啦 ，我個人就中意朗屏站果頭有鐵有巴士總站，唔介意舊樓，唔要會所

要會所 要新 要大型廣場 近鐵一律yoho 采葉果頭雞地樓
唔想比貴管理費，想平d大d 就朗屏，元公～教育路 果堆樓

最後一句，最緊要另一半都中意，good luck

采葉庭好呀

連登: 采葉庭行去西鐵站, 冇遮蔽, 夏天行下就知, 不了

問題人生大部分時間都是返工放工

我以為係我老婆講既...
佢都好鍾意翹翠峰
但我行過一次去已經不了

其實唔明點解成日話行，咁多屋苑都有村巴，熱咪搭車

K68又去到 村巴又去到，咁我明你唔係住客搭唔到村巴既

咁老實講 價錢一定係反映左既，采葉買餸食野真係無， 基本民生野都係無 你放假想食野最小都去返yoho食貴野, 食元朗野咪又係去返教育路，買餸都最少去合益，總有辣有唔辣，最緊要自己同另一半中意，供得起，其他都係廢話

但我都唔明點解d人話遠我同另一半行過果條路，佢又真係話遠/行得唔舒服明明依家買左果度仲遠左，佢又話行得舒服d, d女諗野好難捉摸，我自己都有諗過上采葉，比另一半ban左

日日返工放工的話, 要搭多程車同唔駛搭, 差好遠架

要外區工作就近鐡方便上班
如果自僱人士 在家工作 就元朗南路一帶比較清靜
個個家庭需要唔同...要睇返自己情況

我上星期日行完 西鐵大堂行去采葉大閘就7分鐘左右
環境都算靜
咁既價錢來講真心ok

yoho 我都知ok, 價錢唔ok嘛

之前有個user甚至話搵補習, 個補習老師唔願去采葉庭 誇張到