鍾培生開記招落自己面係咪搬石頭砸自己的腳既例子？

客觀黎講，呢件事，鍾顯得極小氣，事源我諗對方開個玩笑抽水，佢嬲爆爆話隻抽，仲要用自己長處痛擊對方，極小氣，講到打拳好神聖，人地夠可以話黎場踢波辯論，都好公正。既然自己想做正義一方，應該懶理林作真小人，而唔係比人地再出位。本來話想自己ig 唔再有林作兩字出現，又唔比自己憎既人同一日生日，唔想比世人將自己拉埋同林作比，但睇怕到佢死個日都會拉埋鍾同林一齊講，試問佢點收天下悠悠人把口。如果真係論公正應該雙方應各出一題，打完擂台再由林作出題。

林作氣傻仔反而，以家可以話立不敗之地，記者會顯盡風度，到時打輸可以話自己新手，又拎一百萬，如果盡力打左場好睇說不定有埋掌聲。其實林作條on9 明顯一開初唔敢應承，點諗到講句野就要隻抽，都廿一世紀，有錢爛仔，硬將街頭隻抽逼上擂台，鍾好似暴發戶咁又曬錢又搵律師，逼到對方非打不可。都唔係第一次，之前某某youtuber，講左唔岩聽既野，鍾立馬出律師信，諗返起成個人極小氣。我諗以家冇kol 再敢惹鍾生，一個唔小心又律師信又上擂台。