醫管局員工討論區 59

殷初丁閣下

1001 回覆

0 Like 2 Dislike

殷初丁閣下 2021-03-04 19:50:46

一、簡介
醫院管理局（簡稱醫管局；英文：Hospital Authority，縮寫作HA）係一個香港嘅法定機構，負責管理全港公立醫院及相關醫療服務。
二、申請手續及招聘流程
⚠️注意：中／英文版招聘站列出不同職位空缺
甲、英文VNC申請手續
【適用於所有文職職位】
1. 從下列網址進入英文版招聘站
https://ha.taleo.net/careersection/ha_ext_cs/jobsearch.ftl?lang=en
乙、中文VNC申請手續
【只適用於部分病人服務助理及運作助理職位】
1. 從下列網址進入中文版招聘站
https://ha.taleo.net/careersection/ha_ext_cs/jobsearch.ftl?lang=zh_TW
2. 郵寄填妥嘅職位申請表HA(G)13到有關VNC指定嘅地址
HA(G)13下載網址：
https://www.ha.org.hk/hesd/v2/job/form_hag13.pdf
丙、招聘流程

三、常見問題
發問前請先細閱下列內容

問1：新入職醫管局僱員係唔係公務員？
答1：唔係，新入職僱員並非公務員，因此唔享有政府向公務員提供嘅附帶褔利。
問2：新入職文職人員嘅薪酬會唔會因以往嘅工作經驗而有所調整？
答2：唔會，只會以起薪點聘用。

問3：每星期返幾多個鐘？
答3：每週工作時數為44小時總工時(包括用膳時間)。
問4：建議大學畢業生申請咩職位？
答4：持有學士學位嘅大學畢業生符合資格直接投考EA II。近年有越嚟越多畢業生選擇先任職EA IIIA汲取工作經驗和知識，再投考其他職位。

問5：醫管局有冇晉升機會？
答5：醫管局冇自動晉升嘅機制，同事需自行投考職位以爭取晉升機會。根據現行人力資源政策，醫管局在職僱員會獲優先考慮聘用。醫管局晉升階梯可參閱下圖：
管理、文書及秘書職系

醫療、護理及專職醫療職系

問6：EA晉升Clerk後，薪酬會有咩變化？
答6：Clerk職系薪酬跟隨醫管局一般職系薪級表(HGPS)，另享有隨薪級遞增嘅每月津貼。合約／常額全職EA晉升至Clerk III，會根據現時基本月薪過渡至最接近而唔低於現有水平嘅薪級點。
E.g. 晉升前基本月薪為$17888，薪級點將會定於HGPS第6點($18795)，另享有每月津貼($1482)，總額為$20277，詳情可參閱下圖：
行政助理(EA)晉升文員(Clerk)之薪酬變化

問7：申請咗醫管局其他職位，現任部門會唔會知？
答7：每個遴選程序會絕對機密處理。喺一般情況下，部門唔會知悉屬下員工申請其他職位。但係遴選委員會嘅部門代表或會繞過HR直接諮詢申請人上司。如果成功獲委任至其他職位，現任部門會喺申請人簽署應聘書後經由HR通知，以安排調職手續。
問8：如果獲其他部門委任，轉職需要等幾耐？
答8：由簽署應聘書日期起計，委任至不同職級會在8個星期內生效；同級調職則為12個星期內。（注意：在正常情況下，須在所屬部門服務滿18個月，同級調職申請才會被考慮）
開Post #1 Template
https://docs.google.com/document/d/1ZzfByAA0thfBQTx6FraF2tNnq039dvn_eeAgXXSlU1M/edit?usp=sharing
開Post #2 Template
https://docs.google.com/document/d/1OgpchFbfLt6fh2-r0al_Kk6EbuMJTSoCezBaJVneaJE/edit?usp=sharing

你在我記憶旅行 2021-03-04 20:01:05

問11：我可唔可以從事有薪嘅外間兼職？
答10：僱員須事先得到醫院行政總監(HCE)批准，才可從事有薪外間兼職。有關申請表格可從HR索取。根據《人力資源政策手冊》第H7.10.1條，僱員如未經事先批准下擅自從事外間工作，將會受到紀律處分。

問12：乜嘢係SDR？
答11：SDR全寫為Staff Development Review(中文：職員發展檢討)，係一個正規及公開透明嘅機制，畀上司同職員公開坦誠討論其表現及發展，並促進雙向溝通。SDR每年進行，分為6級：
① 超卓 Outstanding

② 優良 Superior
③ 良好 Good
④ 有成效 Effective
⑤ 尚可 Marginal
⑥ 低於工作的要求 Below-standard

問13：會唔會唔續約？
答12：在正常情況下，如僱員SDR評為有成效(Effective)或以上嘅評級，將可永續其聘用合約直至達到退休年齡。然而，少部分僱員會受聘於有時限嘅職位。

問14：可否轉制為常額僱員？
答13：根據現行政策，合約全職(Contract Full-time)僱員喺現任職級連續服務滿三年或以上及符合有關SDR評級嘅要求，便符合資格申請轉制成為常額(Permanant)僱員。

四、參考資料

甲、薪酬管理機制
①公務員年度薪酬調整(Annual Pay Adjustment - APA)
醫管局薪級表及薪幅制度職系嘅薪酬範圍（起薪至頂薪）會跟隨APA調整，但每月津貼則維持不變。
②週年增薪機制
增薪條件：SDR評為有成效(Effective)或以上
薪級表職系(例如Clerk)聘任滿週年時會獲得增薪點，以其職位之頂薪點為限；
薪幅制度職系(例如EA)聘任滿週年時會獲得週年奬勵(Annual Award - AA)，即基本月薪每年遞升2.5%，以其職位之頂薪為限。