【22:35】休庭至明午 鄒家成:辛苦哂各位律師
總裁判官蘇惠德與各辯方律師商討開庭時間,蘇惠德表示要看懲教署出車時間,惟書記表示無論是 11 時還是 12 時聆訊,出車時間均差不多。法庭最終決定中午 12 時開庭聆訊。總裁判官押後聆訊至明早12點再訊,鄒家成離開被告欄時高呼:「辛苦晒各位律師,多謝大家」,並與眾人揮手告別。
【22:20】律師:被告 4 日 3 夜冇換內衣褲
代表李嘉達及鄒家成的律師,完成保釋申請陳詞。辦方律師表示,有被告的家屬反映,被告從被捕至上庭已 3 日,未能將替換衣物送給被告,故向法庭申請,經懲教署將衣物交給被告更換。總裁判官蘇惠德稱:「我諗有啲困難,(向被告)送遞要透過一般程序,有咩問題出現,佢哋要負責任,聽朝(家屬)有冇機會探佢哋?」
有律師指經懲教署向被告送衣服,過程需要整個星期,「佢哋 4 日 3 夜,內衣褲都冇換過,係衛生問題。懲教署會唔會安排得到?無論係法院羈留室定係拘押所(更換)都好,好多被告提出呢個關注。」
有律師續指:「如果俾一個短暫擔保、一個break 佢哋⋯⋯」蘇惠德聞言謂:「你有啲創意,但相信唔會(批准)。相信你明白佢哋有既定程序,有啲事發生咗,佢哋要負責任」。辯方表示家屬會交出符合懲教署要求的衣物,蘇惠德堅持「聽日我哋遲啲開啦,我俾啲時間佢哋留喺院所梳洗」。
https://www.thestandnews.com/politics/%E6%96%87%E5%AD%97%E7%9B%B4%E6%92%AD-47-%E4%BA%BA%E8%A2%AB%E6%8E%A7%E4%B8%B2%E8%AC%80%E9%A1%9B%E8%A6%86-%E9%80%BE-20-%E8%A2%AB%E5%91%8A%E5%BE%8B%E5%B8%AB%E6%9C%AA%E9%80%B2%E8%A1%8C%E9%99%B3%E8%A9%9E-%E4%BB%8A%E6%97%A5%E7%B9%BC%E7%BA%8C/