分手的理由真的不是那麼重要

通常我地被分手都會忍唔住問點解，
嘴上面話係為左等自己改變，
但心裡面都想透過解決問題黎挽回。

但其實呢度有兩個難點，
如果我地唔明個原理都係做無用之功，

首先，唔係解決左問題，
人地就奉旨會鍾意番我地，
關係係睇成個整體既感受，
而唔係單獨搵件事講道理，


一開始既時候彼此認識唔深都可以鍾意你，一齊左之後反而因為「你唔夠xx」而無法對你有感情？

顯然唔係你缺乏xx，而係相處過程中我地打碎左原先已經存在既好感。

而家再黎解決，
或者問題會無左，但係情感都淡左。

呢個仲只係理論，
實際上我地會遇到好多阻礙，
比如對方唔識表達原因，
太嫌棄你唔肯講真話，
或者佢都知係自己原因唔好意思開口等等，而且前題係你地本身已經有真實吸引到對方，否則既話，問題就多得去了。

所以呢刻你因為「唔夠關心佢」而分手，
佢下個對象完全係可以同樣「唔關心」佢既人，偏偏人地其他位處理得好，成件事係開心既，於是相安無事，你扭轉自己性格，花成年去學遷就人，最後都唔到個g點，因為個印象打爛左了，你對佢已經無左吸引力。

所以呢個係雙重標準，
鍾意你既，可以合理化你既缺點，
掉番轉都係一樣，
只能怪當初個頭開得唔好。

重點不是分手理由而是破壞左吸引力。

第二，假設雙方既感情基礎係可以的，
你確實因為某個原因而不被對方接受，
改過仍然係有機會既，
分手絕對係有概率復合。

但係有時呢個原因係根深蒂固既個性或者係價值觀， 難以改變， 甚至係對方個人問題， 所以分分合合就係咁樣黎，

而且當你強行做啲唔想做嘅嘢，
真係唔係咁易忍得住， 最後又係重蹈覆轍，你試過實明我講乜。


有時候分分合合改嚟改去都搞唔掂
，就係上面兩個問題無法根治。

咁最後假設你好好彩，
係分手短期內就搵到個真正嘅原因，
而唔係佢簡單口上面講嘅原因，
你又有排除萬難嘅決心，
最後要面對嘅就係挽回過程嘅各種情況，

呢個就係另一件事了。

有時候即使你變咗好多卻完全唔適用於下一個人身上就係咁解，

一來唔係分手理由而係感情無咗， 要建立返唔係咁易，更加重要嘅係有無咁嘅機會， 二來就算真係存在問題都未必係可以解決到。


咁假說你真係要嘗試解決，
第一件事要做嘅就係你要保證自己識得點樣重新吸引對方， 你要知道自己身上乜嘢價值係當初吸引到佢， 同時要增加啲乜嘢價值先係佢鍾意嘅傾向，

哪怕因為對方對你有成見，你嘅所有光環都係事倍功半。

並且你要知道你哋點樣避開彼此之間最大嘅矛盾， 你既不能太強硬也不能胡亂妥協。

做到呢兩點再去學習一啲挽回嘅知識，比如要避開啲乜嘢盲點，點樣一步步嚟等等。

假設挽回有效果，再學習點樣一點一點帶領返個框架，保持返個關係平衡。

咁樣就恭喜你有一個比較健康嘅機會重新開始。

呢度成件事需花上數月或者數年不等，
或者喺三年後有突然間出現一個機會結果又俾人搶走咗你唔會知。

喺呢個過程當中有啲人只係差咁啲嘢，
有啲人就差天共地， 所以有人非常輕易甚至咩都唔識就成功， 人再努力都不如天一劃， 有無機會更加係重中之重。

然而根本直接換另一個人就咩問題都無曬， 所以點解有啲人咁絕情只係佢哋更加客觀， 有選擇權，深刻感受到感情唔係淨係眼前呢個人俾到自己。


所以永遠都係要俾自己一個停損點，
如果唔係你識得越多就會越想要繼續，
就算人哋結婚生仔你都未必想放棄 ，沉沒成本。

分手既理由有好多個，但原因得一個就係唔夠愛

樓主啲文次次都講得好中

尤其係分手係因為成段關係嘅體驗，唔止係單一事件，作為一個開口決絕講分手嘅人，我好認同呢點，知道有啲嘢改變唔到，就算擺咗幾年時間落去，都係時候離開，搵更適合自己嘅人了

就算夠愛都未必可以解決所有問題㗎ching
理由咪姐係籍口 求其講一個都得啦 所以分手好易 但一齊得耐就好難
小弟都因為驚散所以唔敢拍拖

無事嘅，要相信最後都搵得到， 並唔係啲乜嘢不可能的任務只係會跌下痛下就肯定

就算拍得耐都容易會分手
因為你越來越了解對方嘅性格 有好嘅同時都有壞
所以 唔好睇咁清楚對方反而會更好 到有日再慢慢接受
不過時間未必可以證明到啲咩

有時絕情唔係真係無感情， 係克制自己嘅慾望堅決唔俾自己再試， 如果你本身都幾鍾意佢咁應該都唔易。

所以有時候條件好重要， 完全靠條件去綁住人當然唔健康， 但就好似課金咁樣，只要本身遊戲技術唔太差就成件事唔同曬。

退一步嚟講自己試多啲搵到啱嘅就最方便， 當然最後就係要 學下點樣維持關係

依家啱啱搵到一個 不過都係因為以前嘅經歷 所以好驚會分
多謝返巴打先 上年都係睇你嘅po先放得低上一個ex

好耐無出po了，都係你自己幫自己，情緒都係要靠自己控制

你換個角度諗下，如果你係一份好工其實人哋會爭住做。

所以你要做好帶領既責任， 同時將自己嘅生活打理好， 咁就唔使驚咁多

差唔多過熱戀期 要開始諗定大家有冇相同嘅性格 興趣去維繫感情 但自己返工又忙 又要有啲自己嘅時間好難去分配到balance 嘅時間去陪對方

時間真係唔太夠用一日都有大半時間用黎返工
自己又要娛樂下 做下gym 好難抽到好多時間俾佢

我自己都忙到爆炸，
間唔中先會上嚟傾下計，
我覺得時間都比較次要，
比如你識到個好高質嘅空姐，
咁就算對方可能要成日周圍飛，
相信好多人都會妥協， 因為對好多人嚟講就係執到寶。

所以如果你係男人，
咁樣你係女人心中既印象係點先最重要，

反過嚟講俾人分手嘅人就算知人地衰都離唔開對方，

所以當你加強雄性領導力， 你既人生目標感，同時有適當嘅調情， 並且你係有選擇權的， 有社交圈的，對方是有競爭壓力的，你將一段關係帶領得爽， 係咁樣嘅框架之下好多嘢對方係願意配合嘅。

我一日起碼要忙13個鐘的， 除咗間唔中忍唔住偷懶， 好似而家咁。

所有理由都係廢話


根本係唔夠愛對方而已

往往如果當下同對方嘈呢樣嘢，
佢哋唔會承認，只係會指責你唔夠好

係
仲踩到你一文不值

屌 又係樓主你 中撚哂啦

仲有一樣野就係 往往唔講真正理由
因為唔想自己做衰人

係呀， 好彩只要自己 唔算太差 點都有市場嘅