我有幾位朋友喺20/2晚已經率先玩左，佢地做到既圈速係31-32秒不等，咁我對自己既要求就起碼都要喺三節內做出32.xxx。結果我第一節36.xxx，第二節35.xxx，第三節34.xxx，而我女朋友最好成績係35.xxx。我每一節後都同兩位負責人講架車好似有唔同，同埋問點樣做到31-32，而佢地既答覆都係線位攞啱啲同埋入彎準確啲，架架車都係新車每一架都一樣。我自問賽車經驗都不少，場地又唔係大，隻隻灣嘅apex都一樣，冇可能係30幾秒入邊爭成3秒。不過三節已經完咗，我亦覺得可能係我自己玩kart仔技術唔夠，所以決定返屋企諗吓下一次去玩點樣可以再快啲
去到琴日(27/2)夜晚，我同七位朋友再去挑戰18challengekarting。我哋分開咗四男一節，四女一節。男仔嗰節結束之後我哋四個嘅成績都係34-35秒不等，我當時都冇任何懷疑。去到女仔嗰節，奇怪嘅事就發生左。雖然有一位女仔第一次玩令到黃旗出咗兩次，但係我女朋友起碼都有三至四個clean lap。結果佢出到嚟嘅成績竟然係40.xxx秒，而我喺場邊睇嗰陣都見到佢哋架車好似單車咁撚慢。我女朋友玩完之後非常之唔開心，所以我決定出去同兩位負責人問個究竟。佢哋一開始反問係咪因為有兩三次黃旗，所以我女朋友做唔到一個clean lap。我話我親眼望住佢做咗好幾個clean lap，佢哋先開始透露話原來另外果三位女仔第一次玩所以有機會控制室將車速減慢，防止太嚴重撞擊
其實呢樣嘢我可以理解，但重點係我到呢一刻先第一次喺佢哋口中聽到原來佢哋係有權控制車速嘅快慢，我再追問落去原來我玩果一節因為有另外三位朋友係第一次玩所以都冇將車速開盡。其實我由頭到尾已經同佢哋講清楚我係來做圈速嘅，佢哋從來冇列明原來玩得越多架車先會開得越快俾你去玩。佢哋即刻喺我下一節將我架車調快好多我嘅成績即刻變咗31.xxx
我做到呢個成績之後唔單止唔開心把幾火都離唔撚切。上次話我嘅所有技術性不足原來都係鳩噏，而我另外七位朋友就更加係非常之無奈。我哋八個即刻出去同兩位負責人對質，兩位就話因為第一次玩同埋佢哋會用佢哋嘅準則去衡量應該較幾快俾你。喺當日排行榜上做到31.xxx-32.xxx好多都起碼玩左6-8節並唔係因為佢哋純熟左而係因為負責人同埋控制室將架車喺佢哋越比得多錢嘅時候就較得越快。呢一個小型賽車場用咗最低質素嘅手法去令到人不斷返去，見到自己每一節都快少少就不斷課金玩，其實根本就係班撚樣每一節將架車較快一格俾你。講得咁好聽，又話因為安全因素，呢啲咁嘅手法呃小朋友，一家大細，或者賽車新手都可能會成功，但對於一啲多番少少賽車知識同埋經驗嘅人來講一定會知道架車有冇俾你較快或者較慢
佢哋當然冇作出任何賠償或者補償，淨係叫我哋再俾錢玩試吓較快啲俾我哋，我哋頭也不回就自己揸車去食糖水。返到屋企我即刻開佢地facebook想俾個bad review，一睇之下原來有好幾位去過嘅已經受到同一樣嘅對待。唔好意思咁長氣可能有文法不通請見諒開呢個post只係唔想比呢啲咁嘅人再賺任何一蚊，快撚啲執笠唔好影衰香港嘅賽車或小型賽車行業。
