案發當年係94年. 果個時代好多大陸悍匪落黎做案,我地通常叫佢地大圈仔,當中又以湖南幫最為聞名,因為相傳好多湖南人都係d退役既解放軍或者逃兵
當日係假日案發時係中午時份,劫案最先傳黎聲既係四樓一間珠寶行,當時兩名持槍匪徒沖入去故意向一名男店員開左一槍并勒令顧客店員安靜,當時男店員腿部中槍。之後匪徒就用硬物敲爛飾櫃奪走珠寶金飾離去. 離開之前向較早前受傷而不斷呻吟既男店員連開三槍使該名男店員當場死亡. 珠寶店護衛連同蜂擁而至既警察試圖喝止逃離既匪徒, 匪徒隨即開火, 雙方駁火間警方火力明顯不足幾名軍裝警員及市民受傷, 呢個時候一名係商場入面等候會合兩名劫匪既大陸男子突然拔槍挾持另一名戴高帽既中國籍男子, 同時兩名匪徒又挾持一名小童, 呢個時候匪徒反而控制大局市民就個個雞飛狗走覓處躲避, 小童爸爸不理危險突然出現跪地要求匪徒釋放小童不果被匪徒當場擊斃
事件最後三名匪徒身中多刀離奇死亡, 一個係電梯大堂兩個係電梯入面. 死係大堂果個劫匪被斬得手指飛脫, 胸口到腹部有兩條非常大既刀傷, 另外兩個死係電梯入面既就被小刀刺死, 警方一直無透露其他詳情, 而被挾持果個戴高帽中國籍男子就不知所蹤. 究竟果個殺死三個匪徒既刀手係唔係被挾持果個戴高帽既中國籍男子就不得而知
以下係閉路電視錄得嘅片段
![](https://na.cx/i/yQxtduN.jpg)