大佬有個表哥疏親戚,呢幾年都係做乜信用卡額度托管,係一線城市啲金融公司仔到返工,見佢好似幾好搵又換車換樓。
佢大半年前試過sale我,佢話個原理係由你信用卡度借筆錢出嚟,之後將筆錢轉去佢公司戶口,按合約寫既一定嘅時間會連連本帶利(佢話係幾好嘅利息,零風險)還俾你。佢話咁樣係大陸叫做「養卡」,我話我係香港人冇嗰啲大陸支付寶啊掌上銀行冇大陸信用卡呢啲嘢佢就唔再sale我。
見佢早幾年幾好搵咁,但佢上年開始到依家係咁俾人追錢,有幾個地方嘅法院要起訴佢,好似又要坐監又要剩咁。見佢屋企人係咁幫佢籌錢填佢個氹都填唔到。
因為喺香港冇聽過呢啲野,純粹想八卦下其實係咪即係香港嗰啲保險? 定係乜嘢行業嚟嘅?
見呢個疏堂親戚細個都係啲老實乖仔嚟,估唔到搞到咁