喺到整個實測總結，希望幫到有興趣嘅大家
按自己需要，唔好浪費咗啲錢
1.塔羅占卜師/算命/八字命理 Vienna
$150一個範疇，任問（兩次都問咗成45分鐘，冇趕我走，好詳細，好傾，都算好人）
小妹試過2次呢間嘅塔羅占卜，第一次去係上年6月，問感情，而當時佢預言嘅事後來真係發生咗，所以覺得幾準。第二次去係上個月尾，都係問感情，佢講對方性格同行為嘅時候又講得幾中，不過某啲方面嘅嘢又同事實不符，結論係有啲位凖又有啲位唔凖
大家自行判斷而今次佢嘅預言雖然未到時候，但就令我有啲懷疑，因為暫時事情嘅發展都唔係偏向佢所講嘅方向
2.塔羅占卜/算命/批命 常歡 花花帳篷
$80一條問題，會幫你就住你個問題延伸，叫你抽幾次牌（我問咗兩條問題，大概問咗30分鐘，口音有啲難聽）
見到佢檔口有好多同明星一齊影嘅相，所以令我覺得佢會幾凖，而同時我有感情問題，所以就去咗問。佢啲牌唔係傳統嘅塔羅牌，佢會叫你抽13張牌，然後按照自己嘅心意用唔同方向開牌，例如左邊揭開、反轉揭開..etc，唔同嘅開牌方向都代表唔同嘅意思。
而我兩條問題各自抽嘅牌都好差
總結就係我覺得佢講我條問題嘅過去唔凖，relate唔倒，以佢所講嘅將來就差到痴線⋯⋯我諗如果連過去都講得唔准，就應該係唔准呱3.（唔知叫咩名，一個大概30幾歲嘅女人，轉角位第一間，靈雀占卜檔口對面）
$60一條問題，呢間嘢呃錢到cls
千祈唔好去，我問完問題之後，佢淨係答咗我幾句，話咩「暫時睇唔到有突破，三個月內你地個關係都係唔上唔落，hold住喺度，至於三個月之後就睇唔到」，前後5分鐘都冇，咁就冇咗$60我真係多謝晒3.塔羅占卜師Anna
$100一個範疇 簡單問；$180一個範疇 詳細版 ，我揀咗後者。(後生 幾靚女 枱面點左蚊香，有隻寵物bb鸚鵡喺枱面，大概問咗15分鐘）
當日我幫襯完no.2之後，因為個結果太差，所以我唔信邪，諗住去埋呢間。
同一條問題，常歡同Anna兩個講嘅「過去狀況」完全唔同，而Anna所講嘅應該比較貼近。不過留意番，都只係比較貼近
佢所提及嘅某啲狀況比較空泛同埋大路，同我過去發生嘅事唔太match。只係一路同我講我嚟遲咗搵佢，而家個狀況已經冇得救。而我再問第二條問題，佢嘅答案又同常歡唔同
不過未發生 所以未知邊個啱總括而言，事後諗返 唔知我嗰日連續搵2次占卜會唔會有影響。
以上就係小小嘅經歷，其他檔口就未試過，大家如果想去可以做個參考
暫時最建議係Vienna最後 如果有巴絲打試過其他占卜檔口，又覺得準，可唔可以同我講
因為我依家都好迷惘
?
第一次抽牌之後佢居然問我係咪冇諗到條問題