入嚟擺低你人善被人欺嘅經歷

越大個越發現人善真係會被人欺
無論喺邊方面都係
雖然講落好膠，但我都真心相信有好多善良同值得交心嘅人
但依家我會學識設立自己嘅界線
令到自己更加有價值唔會再俾人烚
同埋學識唔再糾纏啲唔重視我嘅人
都真係一種成長

大家又有冇啲人善被人欺嘅故事擺低呢？
喺邊個moment令你學識咗喱樣嘢呢？

（共用account 勿相認）
（利申：絲）

返工已經係

見到太善良嘅人會欺唔落

拎個心出黎對朋友好 佢出事擔心到喊
佢話我做戲所有對佢既好都係扮

好慘 發生咩事

不過我都係咁.........

識得珍惜善良嘅人唔係咁多
不過遇到一定會好好捉實

不過女人谷係煩好多嘅真心，特別當大家都過分sensitive 嘅時候

ching 有冇咩故仔分享下啊

我果個fd都真係過份sensitive 唔講以為有被害妄想症
就係因為我拎個心對佢
所以當佢出story屌9我 我都冇回應過
多一事不如少一事

遇到會提自己善良啲

最近聽過人哋同我講將自己姿態放太低就會冇value，都幾一言驚醒夢中人

真理，愛情，職場都一樣通用

明白呢個道理，不過我為人係咁唔想為啲仆街改變自己

呢樣真 做人可以好冇底線 但唔可以完全冇底線

創業- 請左6個sales每人月薪3萬左右
唔洗你搵客比客你跟
成日遲到請假唔知醒 比客無限投訴
有一日頂唔順 我話點解你哋咁大個人點解咁冇責任感 然後佢哋冇撈攞走唒啲客同資料再撞正COVID
就係咁.. 人生谷底仲未走出嚟..

睇完上面啲巴打覺我自己嘅事真係好minor
大致上都係因為自己性格淋
俾人好無禮貌咁對都忍

我始終都好珍惜同我交真心嘅人
都唔會話無啦啦陰9人哋
但當我發現我原來都係俾人拎上枱做炮灰嘅時候
我唔會再好似以前咁卑微救人哋
因為佢知道我想維繫關係
就知道佢點發我脾氣都唔會失去我
於是我就淪為出氣袋

同埋都會問自己嘅價值同位置係咩
我以前以為真心就夠 原來唔係

自從比人出賣過之後依加唔係好識分點先係交心既人

咁新年有冇俾利是

我自己反而比較鐘意啲傻下傻下嘅人
覺得佢哋好true好可愛
仲有啲就係好坦白嘅人都覺得好true