在Henshin Cafe做女僕的草兒現年17歲,她已連續3晚瞓街,每晚11時下班留守至翌日清晨7時,短暫回家休息後再上班。她指上街原因是不滿警方鎮壓手無寸鐵的市民,「真係政府逼到要企出嚟」。9月28日首晚有人發起佔領旺角,她是首批參與者,當晚突然收到爸爸來電支持,草兒爸爸說:「有乜事可以打畀我,我會保釋你。」 草兒坦言平日少留意時事,從未參加過遊行示威,近日卻在旺角留守兩夜、金鐘一夜。她指電視直播畫面令她非常難忘,「我係經過電視睇到,我覺得好過份,對於咁多手無寸鐵嘅市民可以咁樣做,人哋唔係有特別專業裝備,又對人哋射胡椒噴霧和催淚彈」。 她指旺角佔領區很和平,佔領者行動溫柔,晚上不會大聲嘈吵,不如外界印象中混亂,「冇人哋講得咁雜,就算係人哋覺得比較壞嘅人,出到嚟都係同一陣線」。 17歲就參加抗爭,草兒感激爸爸體諒,首晚突然致電支持她抗爭,「一直以嚟爹哋都冇話咩嘢,突然之間打畀我,有啲滾(感)動嘅感覺」
位於旺角恆隆大廈的Henshin Cafe開業個多月,Sana在9月29日旋即響應罷市,不滿警方施放催淚彈鎮壓示威者,一眾女僕亦掛上黃絲帶、換上黑衣和白衣聲援。Sana後來發現留守者需要支援,於是Cafe在30日起變成臨時補給站,提供休息、廁所、充電和食水。而顧客掛黃絲帶者免收加一和減20元,外賣自備飲食器皿再減10蚊,以小食和飲料套餐計算,等於6折優惠。
![](https://na.cx/i/15LpJhM.jpg)