（多圖）咸蛋超人出現既眾多經典怪獸，邊個最有魅力

防毒人 · 2021-02-17T21:57:18+08:00

哥莫拉最初個體是在1億五千萬年前被發現的，他是古代恐龍的倖存者。第一次出場就打到初代一仆一碌，可以話係第一隻打低正義英雄既怪獸，震撼左好多以為超人係無敵既細路。呢隻以站立恐龍形象既怪獸相當威武霸氣，最強既武器就係佢條肌肉尾，同樣弱點都係佢條尾佢出場次數相當多，除左昭和代超人（即超人太朗同seven嗰堆）重複出現外，平成（即迪加，佳亞嗰堆）同令和代（最新一代，樓主冇睇，太朗個仔嗰d）都有出現過，包括《麥克斯奧特曼》TV版、《超銀河傳說》《超級銀河大怪獸格鬥》因為造型經典，能力高，我細個都有一隻手掌大公仔收藏我排哥莫拉為上品經典怪獸雷德王出場次數非冠即亞既雷德王憑住鋒利的爪牙，強壯的體格，恐怖的咆哮，嚇親唔少第一次見到佢出現既細路！雷德王第一次出現起初代超人，強大既戰鬥力，厚血都令昭和超人相當頭痛。除左佢頭兩次出場都會先打低另外怪獸既特別設定外，佢令人記憶猶深既設定係佢滑稽既行為，包括起初代中搬起石頭砸腳，再到後來既跳懸崖、撞大樓等等搞鬼行徑，唔多唔小都令大家愛上呢隻係人係超人係怪獸都衝去開片既傻仔怪獸外表評價上日本論壇相當兩極，但大多都會取笑佢好似「玉米棒」我都覺好似米之連，再加上滑稽既性格令到佢之後發展同進步都有局限。但不可置疑，佢確實深受多代超人粉絲既喜愛我排雷德王為中品經典怪獸艾雷王艾雷王是有住米黃色身體同黑色斑紋既怪獸，設定係品種改良過淡水魚與草食動物合成，又被稱為「水中的王者」第一次出現起Seven超人，除後起《Seven X》《超人太朗》《梅比斯超人》都有出現，但都唔係擔當威脅性既怪獸。電力係佢既武器，身後既長尾係主要既電擊武器，頭上有兩個好似月亮既眼睛。艾雷王是卵生動物，成體吸收了足夠多的電能以後生蛋來繁殖下一代。頭上的角是其致命弱點。總體戰力同外觀都不算上乘，我排艾雷王為下品經典怪獸宇宙恐龍傑頓可以話係眾多經典怪獸中S級既存在，只要佢出現，無論咩代超人都好都會受極大既傷。起初代最後一集中登場，擁有瞬間移動既能力，並且能防禦超人既各種光線技能，並且反射出去。上面既哥莫拉雖然都能夠打到初代苦不堪言，但最後好歹都被初代了結生命；但傑頓係正式第一個完全壓制初代並收初代超人皮既S級怪獸。但係當時影集唔識點樣處理一隻連超人都可以打低既傑頓，最後係靠人類將佢了結，略帶可惜，因為最好既情節安排應該係安排下一隻要出場既超人了結杰頓，咁既安排先對得住傑頓，又可以做位比Seven上。起初代、梅比斯、歐布等等都有傑頓出現既身現，係超人既惡夢。從一代、二代、機械再到海帕傑頓，實力都不斷地恐怖級提升。無論係造型（完美結合恐龍、昆蟲同外星人），實力都係上乘，排名係上品經典怪獸地獄星人希波利特星人呢種紅綠色為主既希波利特星人可以話係最常出場既怪獸之一，第一次出場起艾斯超人，之後橫跨平成令和時代都有出場過，每一次出場都擔當住強烈威脅性既反派角色。第一次出場，高智商並詭計多端的希波利特星人會利用幻象迷惑人類，艾斯無辦法對付到呢隻心理同生理都擅於攻擊既外星人，一度被壓制既艾斯大意被封器困住，奧特四兄弟出場幫拖，點知都中計被封成銅像，超人之父都要出場冒死救各位，死前將力量傳比艾斯將希波利特星人了結。細個睇好過癮，一隻豬象嘴既外星怪獸睇唔起一眾超人，奇異既制勝能力迫到每個超人都要出場交手，連最霸氣既超人之父都出埋黎，大飽眼福。驕傲既希波利特星人主要武器是從鼻狀物的孔中噴射出強力火焰及強風、雙手合攏發射的有自動追踪功能的希波利特導彈、頭部的三個突起物的末端能發出使敵人眩暈的「休克光線」。最大武器是能造出幻象、裝有能將超人戰士化為銅像的希波利特焦油的希波利特密封器。由於擅用幻象，形象冷酷，加上外星人既設定，充滿潛力，昭和年代出現過，迪加帝拿佳亞都對付過，新一代既令和代怪獸都佔一席位隻手出黎打天下既怪獸，我排希波利特星人係上品經典怪獸