應該係26-29歲呢段時間
基奧特呢段時期有咩代表作?
呢場波應該一睇就記得係邊場
呢個樣 阿迷年中真係見唔少
嗰陣嘅基奧特
就係單刀甩腳 空門唔入 仰天長嘯 垃圾 笑柄 柒嘅代名詞
連歌仔都有得唱
// 法國神塔 腳法幽默 一碰便錯失 //
全隊阿狗 最唔可靠就係佢
去到30歲之後
牙基由萬年正選變萬年後備
偏偏佢喺呢個時候 屢屢後備救世
每次阿狗落後 都覺得牙基會做到野
仲有人話 佢其實值得打正選
邊有人估到 當年最唔可靠嗰個笑柄
去到而家34歲準備收山 竟然做咗交貨保證
可能一個月踢得幾十分鐘
但每次都唔會令人失望
二傳 射術 傳控 全部比起巔峰期仲成熟咗
好耐冇聽過人笑佢
爭啲唔記得咗 佢曾幾何時俾人當小丑
老而彌堅嘅球員有好多
但好似佢咁 由當年個個都覺得佢落場負責搞笑
到而家反而做咗值得信賴嗰個
真係好少見
