香港教育同其他地方比其實冇咩大問題，學童壓力亦唔係直接來自教育問題

TLDR: 香港教育唔止冇問題，而且算唔錯tim，所謂學童自殺/壓力問題係來自於社會

頭盔：依家香港教育越黎越衰，又要愛國又要刪減廣東話考試，不知所謂
但我依篇文主要係想講香港人對所謂「填鴨式教育」同埋「學童壓力」既誤解
而唔係講愛國、普教中等等既野，因為根本冇需要為依D教育去辯護

最常聽得人講對香港教育既批評，無非係「填鴨式教育」
但係點為之「填鴨式教育」？基本上9成9國家都係用類似既方式去考核學生能力
就咁講英國，教育已經十分似香港，因為香港教育係源自英國
如果香港既教育真係咁唔同，又或者人地外國教育真係教得出咁好既學生
咁香港人過去讀小學好..中學好..大學好一定會覺得好唔同、好吃力
不過事實上...去過外國讀書既巴絲打就知道，根本學習同考核既方式大同小異
唔同你覺得真係吹到天花龍鳳就好高分...你估真係答咩都有分？
最多人話東亞人去外國讀書，讀到研究程度就死，因為個個以前都死讀爛讀
但事實上大把東亞人包括香港人去讀phd、讀mphil，水平同外國學生係相似

聽得最多既亦都包括好多人以為外國真係唔講分數呀...講你其他發揮呀...
傻啦，外國尤其係名校，人口基數多過香港但名校既位得咁多
點解外國收生好似好睇其他發展？因為人地個個成績都係咁突出...
你唔單止要成績好，仲要咩都有好好既發揮
反而香港好簡單，真係單純睇你分數
如果你要讀好既大學，入好既科，讀書壓力比起香港有過之而無不及

香港教育本身其實分層係做得好好，自由度亦相當大
唔想讀書既咪中六畢業
想進修下既咪asso，想學返一門手藝就hd
讀到書既入大學，連世界頂尖大學都有得比你讀（邊有城市700萬人有5間top 100大學? )
而你係中學既時候，亦可以根據自己興趣讀唔同既科
除左文理科外，有商科，有其他科，比起其他國家係真係好有自由同彈性


但點解香港學生壓力咁大? d所謂專家成日話教育好有問題...成日係度宣傳香港點樣填鴨式教育
但冇人敢講依個係社會核心既問題
衰d講香港社會係咁樣，比你用任何一個教育制度都死
而事實上香港教育點解會比唔少國家參考，係有佢既原因
香港既教育令到學生壓力大，係因為社會包容唔到唔同能力既人，社會唔可以讓唔同能力既人都生存到，而唔係教育本身真係有咩大問題

當你三大畢業都要乞食，當你起薪30k都買唔到樓
你點敢唔讀書？家長點敢唔迫你讀書？學校點敢唔追成績？
如果香港係一個社會，你做藍領做收銀收咩都好，都可以養得起自己、買得起樓
鬼會有讀書壓力？因為你知道自己唔鍾意讀書，你可以唔讀
當社會任何職業都有比較平均既收入，大家都有能力生存生活
自然都冇咁多比較，家長同學校亦唔會再洗咁迫大家讀書
當然，要入好大學、入神科一樣要好努力，同外國係一樣
但係唔讀書亦唔代表你真係生活唔到

所以學生壓力大，其實唔係真係好關教育事，就算香港教育點改變，學生壓力一樣大
因為最根本問題係，你唔讀書就生存唔到，而唔係個個人都岩讀書
唔岩讀又要迫你讀，想唔壓力大都幾難

再戴頭盔
教育當然有好多micro野要改善，冇一個國家既教育係完美
但係好多人都錯誤咁將「學童壓力大」完全怪哂落教育制度上
而教育制度亦比好多人錯誤咁怪責為「填鴨式教育」
根本全世界都係咁樣讀書

讀書係獲得體面生活嘅惟一入場券

依個都係社會問題
香港唔係冇人材，大把香港人去到外國幾發揮到自己才華？
依家香港就幾乎係單一醫療為主
你要穩定要高收入一定係得醫療依條路
所以咪個個走去讀，明明唔岩讀都要去讀，又或者明明好有能力去做研究，但因為生活所限，做研究搵唔到食咪要去讀醫療

我冇睇低醫療既意思，醫療係好重要，其他發達國家要入行都唔係易，亦好多人爭住入
但問題係你做其他野都得，都唔會死，都會有樓住

你一句總結哂我想帶出既重點
係香港只有讀書高

好多歐洲國家小朋友返學時間短過香港 放學又唔駛做功課 唔駛補習 有時間玩

德國荷蘭中學已經分咗唔同學習能力嘅人讀唔同嘅嘢
即係人哋最差嗰堆 十幾歲已經去學廚整車

仲有嘅係課程內容
計歐洲 人哋中學呢啲學第二語言嘅黃金時期去學其他歐語 出嚟做嘢係有用
波蘭中學教埋創業求職投資

當然香港嘅社會問題係大 但教育冇問題就好難認同

考核就一定大同小異
但上堂模式同學習氣氛好唔同
香港基本上係得老師講野

吹水文. 無reference 既垃圾文

香港學生好少可可以學識點靈活運用學到嘅知識
攞黎應付考試就得

要諗下咁多功課、補習，係為左d 咩？

其實呢d 超前教育，都係為左滿足社會期待，因為個社會風氣要競爭先可以有更好既下一階段教育，而獲得好既教育先有機會有體面生活。所以全世界咪做爛市，將個教育愈推愈前。

其實香港而家都可以中三轉出去IVE 到讀，好多學校都咁樣建議d 真係唔岩讀書既學生出去，但最難搞既其實係家長同學生自己。家長要面子，又期望望子成龍，個細路又唔知自己想點，想繼續鳩hea ，避得一年得一年。學校面對呢d 情況都無辦法。btw 學校係唔踢得人走。

中學教育只係種下種子，真係唔需要咁早就要喺個10零歲既細路度睇到收成。

畀佢上到大學既門券，浸返4年，出來做多一兩年野，成個人已經唔同晒。

比多幾年時間個細路，到再大個d，邏輯表達、批判思維、融會貫通，呢d 既能力就已經可以係佢身上體現到。因為我地都係咁樣過來的

只係教育局on9
我作為社會嘅一份子 就冇期望過咩超前教育
真係要講社會期望 我諗係流利英文 which is大部份中學都做唔到
緊貼社會需要嘅話 關於電腦嘅嘢 都冇乜學 大部份中小學都冇教coding 淨係當興趣班
中國每年學打交仲有用過香港學嘅少少 (聽人講 唔肯定係咪全部都係)

唔好賴家長 你睇下中專搞成點先
如果中專出嚟 搵工升學都係唔難嘅 呢個先算係個option
而家中專出嚟 除咗考黑警 仲可以點
讀書嘅環境有冇鼓勵到半絕學嘅人

咁當然 社會殺人放火金腰帶係真
中三絕學去入黑社會好過花時間讀書

笑死
弱智扮智者

教育係所有社會問題既代罪羔羊

德國人都屌德國教育制度， 太早幫學生揀條路，香港咪又可以讀完中三讀ive

美國一樣有人吊美國教育制度太自由，而且太多大學

我有德國朋友讀中間嘅stream 佢細佬讀職訓嗰個
佢話佢同細佬最後都有大學畢業
佢講返都幾滿意

有啲人要長啲時間學 或者practical啲咁學
講梗唔係話你12歲升唔到mainstream就成世去掃地
即係可以由地盤工人讀上去工程師 建築師 由廚房佬讀上去foot technology/hotel man

早分流唔係大問題 問題係流動性
反而香港冇 中專有幾多可以繼續讀

大致上同意巴打睇法、不過香港教育制度本身都有一堆問題未解決

1. 全部人讀同一個curriculum 叻嗰個讀到悶 蠢嗰個變拉牛上樹
當然你可以話係得讀書一條路 變左就算點讀唔成書嗰個都會畀人push行讀書條路 但唔一定要極端到唔讀dse就等讀ive 中專 好多國家至少有三條路：grammar school/gymnasium, intermediate school, vocational training 後兩條路一樣有自己公開試成績，細路有心嘅話，只要補多1-2年一樣可以駁返上大學（問心 如果中三讀IVE要多幾多年先上得返U?） 唔駛好似 dse curriculum咁搞到高不成低不就

2. 過左海就神仙 變左冇人想讀書
無論中一定入大學 一過左派位同jupas之後基本上條路就唔會變 冇中三再洗牌 入左u又唔讀書都實畢到業咁滯 變左養蠢叻嗰批 但遲起步嗰個又好難追 與其用dse成績決定邊個讀asso邊個讀大學 不如放曬全部人入u然後用頭兩年大學成績決定邊個有得讀yr 3 4好過

3. 課程設計垃圾
呢個少少關第一點事 一個課程要cater曬全部人 變相被迫要加堆九唔搭八"application"落去但結果先係最撚冇用 又冇得按學生能力教深教淺 起碼好似以前AL咁分A/AS 准人自己決定讀多幾科淺（當然要真係0.5課程唔係搞到combined science咁）定讀深d，理科（淨係讀過理科唔識評論其他）cut走d唔關事嘅野 (e.g. phys E34, chem planet earth+ MW1, M2 vector etc) 加返d基本野（phy angular momentum, SHM, chem orbitals, mechanism, linear algebra咩linear independence, matrix operation, eigenvalue, diagonalisation, etc）

其實香港課時唔算特別長（可能多半個鐘左右？）你諗下40*8其實先係五個半鐘 其他地方只係一堂長d/少d break咋意大利fd話佢地下晝兩點先放學去食飯 畀我應該未到中六就餓撚死左

Google search搵到:
The majority of schools in Italy run morning lessons starting at 8.00am/8.30 am which usually last 5 hours, from Monday to Saturday.

一星期30個鐘

香港一般中小學 8半到3半左右
又興ot 學校鍾意就留多你一陣 (而家小學好好多)
但係香港個時間長係長喺功課 同自己要做嘅revision
即係好似大學咁 計你credit唔會唔計你要自己做嘅reading
唔溫書 又過唔到默書測驗考試嘅要求
咁唔叫"完成"㗎嘛

而且 個濕9政府令到啲小朋友要山長水遠咁返學

:你唔使知點解 唔好問 記咗佢就得

如果講大專嘅話 我覺得係要俾到選擇大部份學生
學位/職訓 要多過合資格嘅人
即係成日話唔夠醫生護士 咁點解唔開多啲位出嚟 多到係人想讀都可以去讀 而唔係要爭