爆旋陀螺BURST ベイブレードバースト (25)

紅愁 2021-02-15 11:09:42

超王系列(個人認為)既Ranking表作參考到2021年2月
超王系統將重量集中於中間叫做底盤既部件
暫時有分一件過既1A/1B及兩件既1S(可配上舊代鐵)增加改造性

B-159 超級太陽神Xc.1A B $94
超級太陽神屬於右回轉攻擊型，係超王三子之一
難得一開始三子已經可以比到A既評價因為一體化底盤唔容易扣血
而且1A底盤只屬於右回轉使用，兩側超大型攻擊刃與攻擊環位置體齊
能夠比到對手強力既一擊，好容易就將對手擊飛
Xc底盤軸端有小小橡膠，側邊亦有識自由回轉既碟令到本體無咁易跌低
加上可以貼盤邊暴走之餘又可以斬中間，算係一個有趣既底盤
所以成隻原裝已經好好打，建議入手試下

B-160 王者炎陽神Zn.1B B- $94
王者炎陽神屬於左回轉平衡型，首次三子份面已有左回轉
評價只有B-原因係攻擊環雖然似當年廚機蠑螈五爪
但係爪位置太高，比較難以逆回轉吸收對手
1B底盤能夠雙向攻擊環使用，配上炎陽神能夠轉五爪攻擊型/十爪防禦型
算係叫做可以切換模式，不過有昔日廚機蠑螈令到炎陽神被比下去
感覺暫時難以改造，算係一隻職人機?
Zn底盤用Xc相約，側邊亦有識自由回轉既碟，不過軸端就係尖腳
大家有興趣就可以入手

B-161 翱翔末日Wh.R 1S B+ $94
翱翔末日屬於右回轉持久型，攻擊環今次有三隻持久翼
對戰時展開增強離心力增加持久力，而且攻擊環又較圓唔算太容易被削血
1S係左右轉都能夠裝到既兩件底盤，配上暫時最重既Wh鐵(可裝上舊代使用)
R底唔講了，出左老撚咁多次
不過聽聞兩件底盤既設計會有個體差，有D可能會比較緊
細佬會用白色版末日，到時會係RB20比你抽返黎合體

B-163 勇者武神Ev' 2A A+ $94
勇者武神屬於右回轉攻擊型，武神既第七代版本終於比到S級評價！
因為攻擊環有橡膠部份增強攻擊力之外
2A底盤亦都係三隻橡膠大翼，180度反轉裝亦有官方無提及既三枚及六枚刃
能夠一擊必殺及以連打攻擊，攻擊力隨時比太陽神更高
Ev'係超Z武神出過，今次Dash化登場
當玩既次數愈多，橡膠磨蝕得愈多就跑得愈快
絕對係一隻超攻擊型陀螺，值得入手

B-164 詛咒撒旦Hr.Un 1D B+ RB20 $79
詛咒撒旦屬於右回轉防禦型，神代之後跳左兩代係超王出現返
特點係攻擊環有五粒小滾輪抵消對手攻擊(講係咁講)
Hr鐵係阿修羅果陣已經出現過，其中部份能自由回轉又抵消對手攻擊
Un底係新軸心，中間個兜以及菇形底盤都能自由回轉
不過可惜尾速比較一般，比較雞肋
1D係首次出現既防禦型兩件頭既底盤，設計比較內重心
不過比起1S輕5g左右，所以未必會常用

B-167 幻象魔龍.Nt 2S B $94
幻象魔龍屬於右回轉持久型，繼Z代之後費利終於回歸！
標誌性三翼之外而且今次攻擊環成隻都有比以前硬小小既橡膠包圍住
能夠逆向吸收之餘打同向都無咁易被削血
2S為持久型底盤，外形比較似三角形及較薄
不過就比1B底盤直徑闊小小，增強離心力(好似係)
而且今次將攻擊辰180度反轉裝就可以變成三翼(吸收強化)
或者六翼(反擊強化)對付左回轉既對手！
Nt底唔介紹了，冇乜用
鍾意費利既巴打更加不容錯過！

B-168 狂怒聖槍.Ds' 3A A- $94
狂怒聖槍屬左回轉超攻擊型，同樣係繼Z代之後阿類回歸！
攻擊環有兩條標誌性既金屬龍增強攻擊力，能夠施展強力一擊
3A為攻擊型底盤，配合聖槍攻擊環能夠以Upper攻擊擊飛對手
今次原裝配上Ds'，昔日強勁既底盤終於以平民方式入手！

B-169 變幻路西法.2D Mb A+ $169
變幻路西法屬右回轉防禦型，2D底盤高速迴轉時展開防禦罩
將對手攻擊無效化，而且路西法Chip亦有金屬(約5.幾g)
Mb由超低摩擦物料POM製成而且能夠自由回轉，都算係強勢軸心之一
而且亦附上右回轉火花發射器，絕對係抵玩之選
都幾推薦比新入坑巴打玩

B-170 死亡惡龍.4T.Mr' 1D 深淵惡龍.5.F' 1S RB21 $79
死亡惡龍屬右回轉平衡型，攻擊環既下段連擊刀刃削減對手回轉力
亦有機會用上段刃一擊入魂對手
深淵惡龍屬左回轉平衡型，攻擊環既下段連擊刀刃及上段重擊刀刃能破壞對手回轉力
＊兩款惡龍都有左右回轉可用既金屬Chip，喜歡既不妨抽下

B-171 超王三陀螺套裝 $299 A
暴風神龍屬右回轉攻擊型，大力Shoot時攻擊刃會固定變成超攻擊型覺醒模式
事後亦可以人手將覺醒刃收返，Cm底係Ch底既進化版
全金屬底之餘仲將軸眉接觸點都金屬埋
而且內含上代GT既『極』鐵平民化，再有新底盤Wv

B-172 世界巨神.U' 2B $94 S
愁巴既世界巨神屬於平衡型『雙回轉』陀螺，將攻擊環反Chip反轉裝就可互換回轉！
Chip亦都係左右回都可以使用以及含有金屬
除此之外攻擊環亦有『防爆』機能，彈弓刃受到強力攻擊時有機會鎖死Lock
令到唔會因為被扣血而擊爆！
2B底盤有固定刃既攻擊及自由回轉既防禦模式
當攻擊頊反轉裝既時候就可以令底盤變成固定或自由回轉模式
廚機，你值得擁有！

B-173 無盡勇士.Dm' 1B B+ RB22 $85
無盡勇士屬右回轉平衡型，紅色Rare1有藍色既神劍套
以及黑色Rare2有黃色既神盾套，隨玩家既玩法而變更攻擊或防守型
除左Rare1 2之外，另外黃白虎及銀青龍都有橙劍及黑盾套比大家更換
另外藍色既超級撒旦亦有攻擊型巴打喜愛既X'軸心
以及綠色蠑螈內有綠色既Un軸心

B-174 限界突破對戰套裝 $549
簡單黎講係內有新對戰盤?長繩版火花發?及兩隻新主角機
燃燒太陽神既限界突破機能係被扣Lock時會突破伸展攻擊環增加攻擊力
另外軸心Xc'Dash化之餘仲有+X既強化部件可以鎖死自由回轉軸心，增加移動速度
火山炎陽神既限界突破機能係被扣Lock時會由五刃轉成十刃增加防禦力
另外軸心Zn'Dash化之餘仲有+Z既強化部件可以令尾速增加，打逆向非常顯著既軸心
＊限界突破陀螺既超及王鐵不能夠裝係其他陀螺上，調返轉佢地都唔可以裝Wh鐵之類＊

B-175 終末路西法.皇.Dr B+ $109
終末路西法屬右回轉防禦型，亦係擁有限界突破機能既陀螺
限界突破後攻擊環能夠兩層都自由回轉，卸走對手強力攻擊
Dr軸心亦係Mb軸心既強化版，識自由回轉時尾速亦唔會倒地！
又可以稱為最強逆向尾速軸心之一

B-176 虛空死神12A.HA' 4A RB23 S $85
虛空死神屬右回轉攻擊型，點解我咁大敢比S既評價佢？
因為死神兩側都有一把內藏金屬既大小鐮刀刃
雖然係唔對稱既偏重心，但每一下打落對手到都鞭鞭有力！
甚至三幾下就可以將同向對手回轉力削死(畢竟佢攻擊環有金屬)
另外繼超Z之後出左隻新Frame A環，外觀同V環相似
係幾乎無咩人再用數字鐵時出新環有點雞肋
4A底盤為兩件底，兩邊都係以不對稱既偏重心為主打
切換安裝方向令陀螺移動軌跡都唔同
HA'為增高版A軸心，基本上都係一隻平腳，只係增高左

只作參考，畢竟大家對每隻陀螺改裝同玩法都唔同

燃者之石 2021-02-15 16:09:46

留名先